復活蛋的起源.

由於四旬期守齋的緣故，到了復活節，
在享用食物之前，都要先予以祝聖。

七世紀時，已有祝聖羔羊的記載，
後來還加了油脂及火腿的祝聖。

蛋象徵春天新生命的開始，更象徵耶穌復活走出石墓，
所以到了十二世紀時，又開始有雞蛋的祝聖。

其實四旬節守齋是禁止吃蛋類的。
到了十二世紀，才開始有雞蛋的祝聖。

教徒習慣把蛋塗成紅色，請神父祝聖，
自己也會送蛋給朋友作為禮物。

祝聖蛋的經文是祈求上帝使之成為健康的食品，
並為慶祝耶穌的復活、懷著感激之情去食用。

這是便是復活蛋的起源。

麻鷹，白鴿.

今日聽森美小儀講開Game Theory，
我記得我大學上經濟課果時都學過下呢個Theory，
但係都係應用係商業方面。

今晚教授舉出左好多個例子都可以應用呢個Theory，
其中一個就係麻鷹、白鴿既概念。

佢話呢個世界大致可分為兩種人：
一種係惡霸，即係麻鷹，見人都蝦，唔講道理。
另一種係善良人，即係白鴿，過份善良，經常比麻鷹蝦。
係呢兩種人既中間存在一種叫真小人既人種，
呢種人欺善怕惡，係一種變種人。
係咁既情況下，白鴿會絕種，呢個世界再冇好人。
好彩，重有一種人叫真君子，佢地唔怕蝕底，
唔比人蝦之餘，亦都唔會蝦人，見義勇為，保護左白鴿。
呢四種人形成一個平衡，是但少了一方都唔掂。

冇著數既野冇人會做，但為了保持平衡，
大家無妨一做真君子吧！

上堂.

今日本來代阿豬媽去上堂，
因為佢有兩堂都要今日上，
所以我代佢上一堂，錄下音抄下筆記咁。

但係琴日既病魔又再纏繞，
結果今日都係上唔到堂，番左屋企訓教。

訓醒之後去左剪頭髮，
洗頭果個阿姐勁似元秋姐，
重要一估就估中我係廿四歲，
真係西厲噢！

香港花卉展覽2005.

今日天公做美，陽光普照，
於是去左香港花卉展覽2005。

本身對花都冇乜研究，
之不過部相機好似好耐冇郁過，
就拎佢出去行下咁，做下運動。

成個維園比佢霸左黎做花奔展，
除左有一度有好靚既荷蘭花，
同埋有一D用花砌成既公仔之外，
整個展覽都冇乜特別。



我返而對果D BB仔有興趣，
所以都偷拍左佢地，哈哈！

在世界中心呼喚愛.

放左工番屋企睇VCD，
揀左前一輪好戲 — 在世界中心呼喚愛。

本身諗住愛情片會有D悶，
加上冇好似野蠻女友果D攪笑口碑，
對呢套片都冇乜期望。

點知睇睇下又覺得都唔錯，
雖然係一個初中既平平無奇既愛情故事，
但係加入左一個錄音機日記既元素，
加上幾位主角都拍到果種神緒，
拎到個故事梗加感人肺腑，可以Touch Your Heart！

如果有時間，都想睇埋果十一集既日劇呢。

阿貴.

今日我地Team又一齊夾餅咭柯打西餅食，
每次大多由我去落柯打，今次都唔例外。

今次收到指示話要食D貴野，
因為上次見到人地Team食到鬼死咁開心，
我地都唔執輸，食番餐好既，哈哈！

由於最貴果隻十三蚊西餅得番七件，唔夠一打，
於是我把心一橫，用十蚊既黎夾夠數，
番到黎同番佢地講有平有貴，叫大家醒水。

到揀餅既時候，我梗係第一時間拎左個貴野先啦，
佢地又見唔到我拎邊一款，一尾係到搶十蚊果一款，
唔知邊個見到唔對路，即刻放低換番貴果款，
十蚊果渣全部跟風換，笑死晒，哈哈！

最後食落發覺十三蚊都唔係好好味，
可能十蚊果隻仲好食呢。

詩偉語錄<做人唔好做阿貴>

OT.

為左趕及明早既'史加草'，
我地又要開 OT 喇，唉 ……

一個不可能在放工前完成的任務，
今日下午出現左，
我地抱著快D做完快D走既心態去做，
點知就越做越多亂子，攪到人都慶埋！

最後做到八點先走，殆矣。

財政預算案2005.

今日係我地財爺唐唐任內
第二份財政預算案。
我個人就對呢D野冇乜興趣，
因為我覺得D高官得個講字。
為左自己唔好揹黑鍋，
講得有咁空泛得咁空泛，
留有餘地比自己落台。

之不過今年出左黎做野，
對於稅制既改革就特別有興趣。
知道左唐唐話今年將幾項免稅既條件放寬，
都覺得係一件好事。

中國人的特技.

國粹 ……

進門鬼.

傳聞不能玩的"遊戲"........

6-10個人，女生多尤其好，找一背陽的房間，
於天黑之後全體進入，大家編好號碼， 以抽簽決定最好。
可以點燈，屋外也可以點燈，但是屋外不能來往人太多。

由1號首先開門出去，再關上，面對門默數10下，敲三下門，
由2號開門讓一號進來， 再出去，再關門。如此類推。
在開門關門的時候，屋內人不要喧嘩，不要靠近門， 5步外較佳。
最後，當某一號給某一號開門的時候，在門外的某一號身後有什麼？

切忌：如果看到門外的某一號身後有什麼，切不可關門，
否則門外的人有性命之危； 大家看到該東西後，不要四散跑掉，
要一起向門外吹氣，直到看不見該東西為止。
門外人切不可回頭，開門人切不可離開門旁邊。
看到的東西就是門外人上輩子所欠的罪孽，如果出現了，

門外人今生要注意保護、 愛護該類人或物，方能補前世罪過。

節錄自森美小儀'架勢堂'城市傳聞留言版

I Love SK 留言版

小肥羊.

今日同Karine補祝生日，
我地一行七人去左小肥羊打邊爐。

以打邊爐黎講，小肥羊都算係中價野，
配料又貴又小，但係又唔係特別好味。
環境黎講都OK，不過好鬼嘈，同稻香有得比。

今晚都食得幾好，不過就小人出席，冇咁好玩。
大家各有各忙，好難好似以前咁敘首一堂 lu。

LCD TV.

城大恒生近日廣邀我地一班
上屆畢業生升級至金咭，
我地呢D紳士坑梗係即刻申請，
攪下士棍咁啦，哈哈！

我揀左優惠價購買Samsung LCD TV迎新禮物，
一心諗住一個大牌子，又二千蚊到都OK。

由旺角拎到番屋企，即刻開黎玩下啦。
玩左幾個鐘頭都ok，冇乜問題，感覺良好，
點知無諯端爆粒死點出黎，即刻冇晒癮。
果個盒面重要寫明三點或以上既死點先肯換，
頂佢個制！

我屋企果兩個Philips用得好地地，
Samsung D野真係唔係好得，中左計，唉 ……

古巨基勁歌金曲演唱會.

今晚去左睇古巨基演唱會。
未入去之前，撞到BB個同事，
佢話識得賣螢光棒既阿姐可以買平D。
點知都係一樣買十蚊冇平過，我地話唔買啦，
跟住佢係咁塞左果望遠鏡過黎，又東張西望咁，
以為咁旬唔使錢，結果阿姐話幾多錢都好，是但。
我話十六蚊比多次螢光棒啦，佢話好，叫我地揀，
但係又話呢支唔得果支圍唔到皮，
最後都係冇得揀，唉 ……

入到場，由於一百蚊飛既關係，所以都坐得好遠。
本身都唔期望會好多野睇，
但係估唔到真係好悶。
除左中場果陣有個高達走出黎有D睇頭，
同埋阿倫出黎串咀攪笑之外，
其餘是但都係齋唱。
唔知係咪佢D歌平時成日聽，
攪到悶到想訓咁。

如果一百蚊飛黎講，只得30分，
同四百蚊飛真係冇得比。

殘牛.

今日下午收到一個可怕既消息，
我地公司其中一位魚民既魚，
遭到一群兇殘既蝸牛既襲擊，
短短一個Lunch時間，一條魚毛仔消失左。

事發既時候，果位魚民出左去食飯。
食完番黎之後睇到一群兇殘既蝸牛圍埋一齊，
魚民見狀立刻點魚，發覺唔見左一條。
魚民立即撥開群蝸牛，見到一條白色幼條，
經驗證，幼條係魚毛既魚骨 ……

魚民一臉無奈，決定殺晒所有蝸牛，
以悼念剛剛死去既魚毛。

月眉斷軌式雲霄飛車.

號稱全球唯一一輛的斷軌式雲霄飛車，
在台中公開亮相，在超高速之外、再結合自由落體，
玩法更加刺激，尤其靜止吊掛半空的幾秒鐘，
恐懼放大，讓人永生難忘。

銀行營運守則講坐.

公司呢期有新錄影帶要大家睇，
今日放工有兩場，或者下星期二都得。

叫左西門幫我地眾人發出醫美奧比安尼，
諗住萬無一失，今晚實趕到早場，
點知事與願違，安尼剩係幫我地報左西門一人，
其餘人無緣出席 ……

我自己即刻補飛醫美奧報番下個星期二，
唉，只怪自記懶啦！

入錯Parm.

唉，今日自己做錯野，攪到七點幾先有得走，
仲要攪到敏姐陪我冇得走，真係唔係咁好意思。

話說今日就要做一Set Program，
咁就要Set一個Date Range 由二00五年二月至四，
點知我就Set鬼左二00四年，
發現果時已經用左成粒鐘時間 ……

改番岩之後，又要重新黎過，但係果時已經係六點，
唉，又要等多一粒鐘，SHIT。

電芯狂徒.

今個星期日終於見番好耐冇見既太陽，
於是約埋肥哥去打波。

去到球場見到勁多人，
都知道有排等先有得打喇。

等等下之際，無端端有D野係達地彈彈下，
行埋D睇原來係粒電芯，仲要係大電tim！
抬頭一望，應該係上面掟落黎，正一變態仔。
跟住就輪到我打，打左唔夠十分鐘，
果D友又掟粒9v電落黎，真係痴Q線。
於是大家都暫停冇打，叫左果D食焦黎睇下，
不過佢地真係食蕉，係到望望下，唔知做乜。
最後報左警，果場比人封左一部份，變左冇得打。

早知係屋企坐下好過 ……

新魚仔.

今日上開去廿二樓，
咁就幫安尼沙拎D魚仔落黎養。

去到阿珍度，
咁就Bug D魚仔去安尼沙個樽仔度啦，
Bug左三條先知原來阿珍缸魚仔都會分晒比我果層既人，
所以就決定唔Bug，成缸拎落去。

拎到自己個位之後，我又要上番去做野，
咁果兩個樽都係Cum左蓋，以為好安全。
點知做完野落番去之後，
安尼沙個缸果三條魚仔死左 ……

死因可能：

1. 由於Cum左蓋，D魚仔焗死左
2. 安尼沙個樽D水太新鮮，唔夠養氣 ，就咁死左
3. D魚仔唔適應新環境，嚇死左
   

我地傷心左一陣之後，
決定都係等D魚仔大D先養佢地。
但係我都二芳都拎左幾條，
希望佢地健健康康啦。

最後，在此記錄魚仔出生日：
第一批 — 二00五年二月一日
第二批 — 二00五年三月一日

君怡酒店自助餐.

今日係我老媽子既生日，
我同阿哥同埋女朋友五個人決定
去君怡酒店試下佢果個自助晚餐。

本身因為我地遲左訂位，
果度非吸煙既Buffet位已經滿左，
所以我地唯有訂吸區果度。
訂位小姐話吸煙區係Lougue果度，
拎野食比較遠，但係我地都照訂左。
但係後尾上到去我都又坐番係非吸煙區，
真係好彩。

我老媽子一股不蝕底既心態，
自己一個上左去食住先。
佢就真係好野，明明話去君怡，
佢就就左去美麗華，人地梗係冇訂位Record la，
重要同人地話佢個仔明明訂左架wow，
最後先知衰左，唉 ……
不過又衰唔得晒，最後佢都好醒咁去到君怡，
反而我同阿哥就搵左好耐先搵到間酒店，haha！

講番D食物，主要黎講都係生蠔魚生，
再配搭一D熟食，之後係有好多甜品選擇。
再黎果汁、啤酒、紅酒任飲，
食物既質素都屬於中上級，
每位 248 七折加一，都叫做物有所值。

今日食Buffet拎我諗番BB生日果晚
同佢去果間咁既港島皇悅，
真係有天淵之別！
所以話，平野冇好九成都係岩既。

架Lift有耳.

尋日係一個平靜既Lunch Hour，
我地銀行中心其中一架升降機發生靈異事件。

話說有三個女仔，約好左一齊去食Lunch，
佢地就搭左發生事果架電梯，
當時，電梯入面仲有其他人在場。
果三個女仔見到一個長髮及肩既女仔，
佢地同果個女仔講起一個關於BB既傳聞，
四個女仔圍繞話題，直到離開升降機 ……

當時係升降機入面，
有一個對養魚界深距影響力既人留意左佢地好耐，
但係果個四個女仔竟然冇發現 ……
事後，有一位資深既同事同我地作心理輔導。

步入中年.

今朝番工未訓醒，
買完十二蚊麥記就行番公司。
等緊過馬路之際，
有個阿婆走埋黎問路 —

阿婆：阿叔，你知唔知好彩酒家係邊呀？
我：(諗左一陣)唔知 wow。

跟住就不歡而散。
阿婆唔知係老眼昏花定係老人癡呆，
呢個世界上邊有咁型既阿叔架，
真係老太婆唔識世界，呵呵呵！

阿姐賣草.

今日Lunch約左阿和落街，
買魚同埋我地Team既小食。

襯住去金魚街，
我就順便買棵水草放係我個魚缸，扮下靚。

行晒成個金魚街，阿和終於決定買波子魚，
我都決定過對面街果個阿姐度買番棵草。
見到一棵有紫色花既水草，就拎落黎睇下咁啦，
點知覺得好大棵，唔係咁岩，
諗住吉番落果個鈎到啦，又吉唔到wow，
果個阿姐企響隔離又唔幫拖。
正當唔知點之際 —
阿姐：唉，唔洗整啦，十五蚊比你喇！(超大聲)
我：但係我想揀下先wow。
阿和：…… (粒聲唔出)
阿姐：揀乜呀，十五蚊比你，快D，十五蚊！(超兇)
我同阿和係呢股威迫下就範，就咁比左十五蚊，唉 ……

行開金魚街既朋友要小心D，
呢個阿姐就係十字路口，面向火車站，
十一點位果間就係佢！小心！小心！

美化桌面.

前幾日玩緊一個軟件 — Konfabulator。

Konfabulator是一個適用於 Windows
同埋 Mac OS X 的 JavaScript Runtime 引擎，
可以執行稱為Widget既插件，在桌面上顯示。
這些Widgets的外形設計不但精美，
而且更可以是任何用途的物件，
例如：時鐘、網上資料顯示、硬件監察、
甚至是小玩意。熟悉JavaScript 及 XML
編寫的用家更可以自製 Widgets。

下面就係我既作品(公司既PC)：

小病初癒.

經過琴日既休息，訓足一日，
今日都有番謂口食野，不過都仲係有小小頭痛。

BB今日要番學，
出左去銅鑼灣食完Lunch番黎之後，
都係番黎主打訓教，haha，又一日。

休息一天.

發病中 ……

小病一場.

天文台話今日最底氣溫都有成廿幾度，
咁既情形我就揀左唔著褸番工啦，就係咁 ……

出門口到火車站都覺得ok，只不過有D涼涼地，
上到火車有冷氣咁梗係有小小凍啦，
避開D風口位都ok。

落車行番公司，De佢，落雨又凍，
當堂有D比天文台Fake左既感覺，
冇計，拿拿林、急急腳咁行番公司啦。

番到公司，食早餐既時候冇乜謂口又想嘔，
都知道自己中左照。
Lunch之後就更加唔點，發燒tim！
頭尺尺咁捱到放工，
第一時間番屋企揹張棉胎上身啦。

睇完醫生先知胃炎，所以發燒冇謂口，
一係感冒菌入腸胃，一係前幾日食錯野，
唉，扮大隻的代價 ……

至理名言.

一句名言

"I hear and I forget. I see and I remember. I do and I understand."
-Confucius

(http://www.quoteland.com)

元宵節.

乙酉年元宵節，願天下情人佳偶天成！

我地個飯堂過時過節就會好好餸，
估唔到今日元宵節都有得好餸，
仲有湯圓食，圓圓滿滿啦！

好餸就預左多人，但係估唔到會多人到排隊出門口。
原來'筆'湯圓果個阿姐手腳慢，但係又唔怪得佢既，
D湯圓又真係好難'筆'，佢又唔用個有窿既殼，
加埋糖水多湯圓小，尤如大海撈針，
不特只，佢重要分埋顏色同埋數量，
呢份執著真係值得我地學習，但係就唔係好岩時候喇 ……

第一轉輪唔到湯圓，咁就埋位食住飯等啦，
食食下又有得拎，又出去輪過，
點知撞到安敵讓左佢先，咁鬼岩佢拎埋又冇晒，
第二輪我又撲空，唉 ……

第三輪好彩伊竼出動幫我拎，
如果唔係我都食得飯黎又輪唔到湯圓！
輪得黎又食唔到飯，攪到放工都唔掂呀，hahaha。

伊竼生日.

今日係爸爸伊竼生日！生日快樂噢！

我諗伊竼最想收到既生日禮物係
佢個BB同佢唱生日歌或者講句生日快樂喇，
因為佢個BB仔重未識講好多野，
下年呢個願望先可能會實現到啦！

自從上星期五既溫度驟降左之後，
都左今日都未回升，寒冷既天氣真係非常不討好，
希望快D見番太陽，大地回春！

麥記十二蚊.

由今日開始，麥記又有番十二蚊早餐食，
攪到我地呢D大家樂既Fans過晒檔，haha！

本來我就剩係鐘意食魚飹飽同埋豬柳漢堡，
因為唔鐘意食豬柳蛋同煙肉蛋漢堡果個蛋，
但係今次係十二蚊既威力下，
我都要為五六蚊而折腰，決定日日都食麥記，
做個慳家人！

鬼來電.

今日星期日係屋企休息一下，
諗番都好耐冇訓一覺飽 lu。

訓到成一點先起身，跟住就去左食野，
去完黃金番黎就係屋企睇VCD。

睇左幾個月前既一套日本恐怖片 — 鬼來電。
本身都冇Expect佢好好睇，只不過用黎打發下時間。
點知睇睇下又真係幾恐怖，好多位擺到明會嚇你，
但係佢又唔嚇住，有D平平無奇位又整野你嘆下咁，
有日本鬼片既水準！

睇完先知佢做左兩個鐘，真係長氣鬼。

孔雀魚.

上個星期養左一缸魚，
除左個魚缸外，其他野都係同事Sponsor，
真係大幸運噢！

養左六條魚BB，品種係孔雀魚。
佢地直至今日都差唔多一個月大，
但係都係好細條啦，hohoho。



除左魚之外，仲有五隻蝸牛。
佢地既Size都係好細，但係牛細鬼大，
都唔知成日打交，定係成日攪野，
總之就成日扭埋一齊。
可以肯定既係佢地成鬼日痾屎，
搞到個缸鬼咁污糟，唉 ……

專家話果D魚BB五個月就會變成大魚，
長出靚靚既尾巴，希望佢地快D大，唔好壞啦！

勁凍打波.

前幾日既氣溫平均都有廿三廿四度，
有一種冬去春來既感覺。

暖唔夠幾日，天文台話有一個冷風迫近香港，
氣溫將驟降至十度以下，冬天又再番黎 。

但係我地都係膽生毛咁照去打波，
波褲衛衣去挑戰冷風。
結果，我地個個都凍到顛左 ……

落場打左一陣之後，個人都熱起上黎，
短袖衫都出埋，好似夏天咁，路人見到都覺得凍呢。

最後被人批爭批爆左個咀角，勁流血，
好彩都唔洗去醫院聯針。

科技.

時光機 —
時光機是可以回到以前或未來的機器，
它只會出現係電影、卡通、科幻小說 ……
它是遙不可及既發明，
它是每人心目中既一個夢。

霍金既黑洞理論斷定時光機係不可能出現，
但他在2004年7月推翻自己既理論，
原來時光機係可以出現的。

如果有一件好有用既發明出現，
但係要每年死五十萬人黎做代價，
你願唔願意換取佢呢？

好多人都理所當然答'唔願意'，
但係呢個世界上就出現左哩樣發明 — 汽車。

科技既威力係冇人估到，汽車提高左生活質素，
但如果預料到會死咁多人，汽車可能唔會出現。
正如時光機，佢可以滿足全世界人既夢，
但係帶黎既後果，可能比死五十萬人更恐怖。

詩偉語錄 <科技發明係不惜代價既魔鬼>

粵江春.

今日午飯去左朗豪坊既粵江春食。
本來今日既飯局係係琴日人日食既，
但係因為琴日我地飯堂大好餸，
所以改左期今日先食。

不幸地，安尼沙今日病左，
錯過左一嘗粵江春既機會。
結果我就同一班未同枱食飯過既同事食飯，
開頭都有D擔心冇野講，
但係大家後生仔女，冇所謂既。

呢間係朗豪坊既酒家唔算大間，
但係就有D好特別既點心，
同埋D野都好好味，當然價錢都有番咁上下。
最後每人食左82蚊，我個人就覺得好貴喇 ……

大年初七人日節.

顧名思義，人日即人的生日 。
這不是某人生日，而是全人類生辰 。

至於節日起源，根 據《占書》記載，
指出由初一開始，上天創造萬物的次序是
「一雞二狗、三豬四羊、五牛六馬、七人八穀」。
所以初七便是人日。

在人日，香港市民喜歡吃及第粥。
所謂及第，是希望在科考場高中狀元。
吃及第是取其好意頭的意思 。

2005 倩人節.

今年既情人節好近新年，
所以今日既節目都要提早準備，
雖然個計劃有小許變動，
但係最重要都係兩個人一起過呢！

不過今日最特別既係上演左一場旺角爭女鬧劇。
單野就係發生係旺角中南文具店對出開始，
兩男一女係到對質，有成幾百人圍觀，
班人由中南鬧到去銀行中心Body Shop，
最後有警察調停事件，真係乜事都會發生呢！

萬佛寺.

今日我同BB同阿媽，
搵埋細姨媽一家上萬佛寺拜神祈福，
祈求來年事事順利。

一早起身就去飲茶先，
起行先發覺原來冇人識去，個個都諗住靠我。
好彩，雖然我咁大個仔都冇上過萬佛寺，
但係我記得去寶福山既時候，
都經過萬佛寺既入口，咁就等我帶路啦。

行下行下，問埋警察叔叔，
都大概Firm左個入口處，
最後我梗係不負所託，成功到達目的地。

唔知係咪食得唔夠飽，行上山既時候喘晒氣，
好不容易先上到寺，勁攰噢！
去到影左幾張相之後，就周圍參觀下同埋上香。



之後就發現到拜太歲既方法 —

1. 首先係拜太上老君，
2. 之後係今年既太歲，
3. 之後係自己出生年既太歲，
4. 最後係化寶。

我同BB都係肖雞，肖雞者既太歲係石政大將軍。
我地跟住方法拜過太歲之後，就去左求籤，
我求到中中籤，BB就求到上上籤，
最後食完齋菜之後，行番長長既樓梯落山回家去。

初四啟市.

連續放得三日農曆新年假，
今日初四就要啟市，真係有D唔夠喉。

但係做人又真係好茅盾，
諗到今日番工有利是逗，
就即刻精神晒咁番工，都係錢作怪！

早上一番到公司都冇乜新年既氣氛，
直至有人問伊竼逗利是，
個個就開始蜂擁而上，逗到今日第一封利是。
之後，大佬同埋幾位 PM 就落黎派利是。
大佬一聲充滿威勢既'恭喜發財'令整個office生猛晒，
因為有利是派呢！

派完一輪利是之後，大家又開始投入工作。
不久之後，又輪到安敵同域奇，
安敵今年仲要係第一年派，
動作比較生硬 na，hahaha。

接近放工，無端端有人話拉隊上去逗利是，
我梗係冇執輸跟大隊上去 la。
上到去有理冇理，見隊就排，
熟又逗唔熟又逗，最緊要利利是是嘛！

番回十七樓之後，樓上既人又學我地拉隊，
十七樓勁多人，逗利是既人龍超長，haha！

最後總供有十九封利是！恭喜發財！

赤口.

今日年初三赤口，相嗌唔好口，
所以諗住去車公廟拜下神，轉下運。

但係BB今日個肚唔舒服，
唔知係咪琴日佢媽媽煮果D海鮮唔乾淨，
最後就冇去到拜神，回家休息一下。

魔間行者。卡飛貓？.

今日去左睇奇洛李維斯既魔間行者。
呢套戲真係值回票價，
冇乜悶場位，個故事又唔太深，
但係都有小小野留番比你諗下咁。

Keanu Reeves勁型就唔洗點講，
女主角Rachel Weisz都拍得好好，
我記得佢就係盜墓迷城既女主角呢。

睇戲之餘，我地都成日睇下我地隔離位果個女人。
佢一個人黎睇戲其實都冇乜大不了，
最架勢堂係佢帶左一隻卡飛貓一齊，
開畫之前佢重同佢隻卡飛貓鍚鍚，嘩！eeee ~~~~
睇到中場佢好鬼緊張咁攬實隻卡飛貓，
重要放係下巴果到一齊睇，真係比佢笑死！

呢套戲黎講都幾長下，成兩個幾鐘。
大家都係搵D舒服D既戲院睇會好D，
唔係條頸就攰死左。

.乙西雞年。大年初一.

大年初一！恭喜發財！

今年阿哥要番工，所以就冇去到阿嫲度拜年。
早上十二點幾就同阿媽去拎盤菜，
再搭的去阿婆度拜年。

上到去就個個都未黎，
但係就見到一個唔識既阿姐係度。
初時以為佢係照顧老人家既義工，
後來先知原來佢係我阿媽既老表既女，
今次第一次落黎香港，真係疏堂到爆。

同佢冇乜兩句，唯有自己係度咬瓜子等人黎。
等到兩點到先齊人開飯，
我婆婆例牌手痕，
明明有兩大盤盤菜都要炒多幾味，
驚我地唔夠食 wow。
最後梗係食唔晒 la，變晒做我今晚既餸 ……

食完飯大家圍埋玩左幾手。
由於冇散銀既關係，
大家就用左全盒入面果D金幣朱古力做籌碼，
果D朱古力最後既下場 — 只溶係手 ……

大除夕.

今日係年三十，大除夕夜。

本來就諗住出去行下花市咁既，
點知又落起毛毛雨，
又睇到新聞話維園好多人，
結果打消左行花市既諗頭，
係屋企抖下，沉睡下去 ……

年廿九.

今日既七千萬六合彩比兩條友中左，
每人分$35,971,345，真係西厲，
希望佢地做番多D善事 la。

話咁快又到左農曆新年，
今年係出左黎工作之後，
第一個農曆新年，
應該會逗多左利是，hohoho。

今年肖雞者犯太歲，
希望肖雞既朋友逢兇化吉，
如意吉祥 la。

超人特工隊.

今日去左睇被譽為，
打破海底奇兵票房紀錄既超人特工隊。

同海底奇兵一樣，有好多小朋友入場睇，
亦都有好多爸爸媽媽一家大細入場睇。
上次睇海底奇兵既時候，
有好多小朋友係度不停講野，
你會覺得自己係度同同小朋友睇緊卡通片。
但係今次超人特工隊就完全唔同，
除左開場頭十幾分鐘有小朋友聲之外，
其餘時間都好靜，唔知佢地係咪訓晒呢。

我覺得今次個劇情稍為複習左 (對於小朋友黎講)，
要用好多時間交待劇情，
所以除左D笑位之外，其他地方都比較悶。

不過，配音既演員配得好攪笑，
我最鐘意配'衣夫人'既阿葛
加埋Pixar既3D技術真係好鬼到家，
所有場景同演員都好靚，Ok la。

我反而其待片頭個套
宮崎駿既哈爾移動城堡，
但係復活節先上畫呢 ……

相沖相克.

今日都算係一個好忙既星期六。

朝早一番黎八點九就擺定個Transfer位，
因為要教阿祖上兩個Project。
攪掂左一個Project之後，
阿傑叫我順手幫佢上埋佢果個，
結果岩岩考到Transfer牌既阿祖，
就要一次過上三個Project，
但係有我呢個咁精明既師兄，
唔使騰，no problem！

之後就收到要開月會既消息，
攪到我個'屎茄早'亂晒，
急急腳攪掂個Transfer就要上去攪埋個Macro，
跟住滿以為Meet到Target Time，
點知做Overlay果時天公不做美，
我同相沖相克既阿賓比果部Printer玩死 ……

最後冇去到開月會之餘，
仲要攪到成點半先有得走，
好在BB都好好，冇嬲我。
Thank You!^^"

小老師.

今日安排左我教阿祖做Transfer。
為左趕及Lunch安尼他請我地食Team飯，
我就揀左早上把功力傳比阿祖，
咁個Lunch都食得開心D，hohoho。

依原定計劃我就係早上教阿祖，
但係傳功去到一半既時候，
敏姐話有個Overlay要改，
叫我順便教埋阿祖點整，
伊竼聽到就叫我教埋歌頓。
嘩！今朝做乜無端端咁忙架！

即刻加快傳功比阿祖，
之後大伙兒上去做Overlay。
比阿珍見到，佢做叫埋泰利一齊學，
一個又一個之後，
變左有三個學生跟我學野，
攪到鬼死咁緊張，hahaha。

好彩到左最尾都冇乜失威，
完成任務，開心開飯。

軟件應用.

最近開始認真咁管理一下自己既財政，
搵到一隻Software幾好用，收做 AceMoney。

呢個Software個Interface好好，
有好多基本既理財Function用，
岩晒我呢D初學者。

佢可以出好多唔同既圓形圖表，
入左唔同既條件落去，
就可以計到你係各方面既開支，
收支能否達到平衡等等。
佢仲有埋股票功能，
可以簡單咁比你下載個價位，睇住個市。

不過，用家要日日都入晒佢每個賬戶既交易，
包括現金或者八達通，
呢樣野係唯一考人恒心既地方。

(有興趣既朋友，可以去我個FTP度Download^^")

可惡的男人與可怕的女人.

李剛和女友認識多年，感情穩固，不過還是常常會偷吃，
反正現在只要一上網，就不難在夜裡找到一個飢渴女子。

根據男人的邏輯，李剛並不覺得自己對女友不忠，
他確實有心與女友白頭偕老，
但也認為「一個人不可能一輩子每天都吃同一道菜」。
他很慶幸，平時有些「兄弟」可以互相做掩護，
在彼此女友查勤時，都先套好了招數。

幾年來，都天衣無縫。 一晚，兩人一起坐在客廳看電視。
就在他面前，女友開始打電話：「喂，張勇嗎，請問李剛在不在？
他說他跟你一起看電影，是吧？我打他的手提電話，他沒開機……」
他心裡一冷。奇怪，我就在妳面前，妳怎麼會找我朋友要人呢。
電話那頭很清楚的傳出張勇的聲音：「對啊，我們剛剛一起看了電影。
他……哦，電影散場了，他去上廁所，待會兒我請他打電話給你……」

女友掛掉電話，看著他冷笑一下，什麼也沒說，
繼續撥打另一通電話：「小趙啊，張勇有沒有跟你在一塊兒打籃球？」
又是打給他死黨的。
小趙竟也馬上以氣喘噓噓的聲音的：「有，有，
他正在場上跟人家玩鬥牛呢，所以沒接電話。
待會兒我請他回電給你。」

女友又瞄了他一眼，說了聲謝，又打了下一通。
「老朱，不好意思，我要找李剛，他剛說上你家打麻將？」
那頭只愣了一下，馬上傳出聲音：
「……你們知不知道李剛上哪兒去了？哦，他去幫我們買啤酒去了，
待會兒再請他打給妳。」 女友掛掉第三通電話後，
李剛的手機不斷作響。他根本不敢接，因為一定是哥兒們打電話來通風報信。
李剛從此失去了掩蔽體，再也找不到人生所剩的一丁點自由。

故事中的女主角真夠狠！
我將這故事說給男性友人聽，他們都心領神會的哈哈大笑。
男人之間的義氣，確實有別於女人。
尤其是在「掩飾出軌行為」這件事上，兩岸真有異曲同工之妙！

蛹.

蛹 —
昆蟲類的幼蟲，長成至一定階段，
即不動不食，其狀如死，
形體發生變化，多為棗核形狀，
於適合的環境條件下變為成蟲。

公司蛹 —
公司的蛀米大蟲，工作至一定階段，
即不做不理，其狀如死，
眼睛發生變化，多為睡眠形態，
於適合的環境條件下變為成懶蟲。

出血.

前幾日想燒下碟，點知唔燒就冇乜野，
一燒先知道個燒碟機壞鬼左。

唉，兩部電腦既燒碟機都唔掂，
今日放工就決定去入貨，
目標係 Pionner DVR-A08。

之前係灣仔電腦城見到最平都要 $840，
諗住黃金最平，但都去旺電昅昄，
見到最平 $810，心諗黃金可能唔使 $800。

放工落左黃金，嘩！$890！
好彩，行晒成個黃金都見到 $810，
最後都係呢個價位入左貨，
覺得好鬼貴，但係要用都冇計 ……

番到屋企即刻試下個貴野，乜都冇Set就用黎燒，
燒左兩隻DVD都燒死左，心諗唔係咁黑下ma！
沖完個涼冷靜番，覺得要Tune一Tune部野先，
Update左 firmware 同埋個 Nero 再試下，
最後比我攪掂左。

詩偉語錄 < 欲速則不達 >

方向感.

今日訓醒出左去搵BB食完Lunch之後，
就自己一個行下街咁。

佛洛伊德話：
方向感，對於一個人係迫生既地方，係好重要既。

我亦身同感受，
首先，我諗住去銅鑼灣e電城行下咁，
因為我想買DVR燒DVD。
我記得我搭過海巴士，
成日都見到果個 e 電城，佢係海皮果邊既。
但係我行左半個鐘銅鑼灣都搵唔到，
最後都係放棄左，去灣仔電腦城，
一個我識去既地方。

搭MTR一個站都要$3.8，
所以我就諗住行完之後搭電車番銅鑼灣。
電車就搭幾遠都係$2，但係我就用左$4搭。
唔係我請埋阿婆搭，
而係我搭鬼錯西環方向，
要落車搭番轉頭，唉，結果仲貴過搭地鐵 ……

番到銅鑼灣都係唔好亂咁行，
決定坐底食個 Tea 最安全。

靚坤.

靚坤 —
記得呢個人物係古惑仔第一集之人在江湖出現過，
佢果句名句：一人一支可樂，見一獲打一獲，街知巷聞，
加埋佢把死人聲，朔造左一個老奸巨滑既古惑仔。

記得我地果期成日扮佢把聲，
而佢把聲亦都應用係一D喉沙既人身上。

琴晚係稻香打完邊爐，
今日大家都變左靚坤。

稻香邊爐夜.

我地好兄弟阿彼下星期一就會入警察學堂，
都唔知佢幾時先出番黎，
於是我地攪左個Gathering為佢餞行，
希望佢係警界一帆風順！

我地去決定左稻香打邊爐，
但係要成九點後先有得食。
我地早到果D就係門口排隊，
等到九點先開始派籌，
之後等到十點先有得食，餓死左。
係等既途中，我地有傾有講，
可能大家好耐冇見，
講講下唔覺就十點，
但係果到勁鬼嘈，成個街市咁，
傾到聲嘶力竭，口都沙埋，顛晒。

入席之後頭果十幾分鐘，
個邊爐比我地既筷子插爆左，
因為大家都餓狗搶Bei。
食飽左DD之後，
大家又開始雞啄唔斷咁講野，
真到十二點先夠皮走人。

又中左.

3 6 7 15 26 35 (40)

今期六合彩二千三百幾萬，
比人一注中左，
獨吞二千三百幾萬。

好彩，我都分到一杯羹，
分到 194,292 注分之 1 ，
奬金 $20.000000！

月結單二.

正所謂一波未平一波又起 ……
個個都以為琴晚大難不死，
今日就必有後褔LA，
點知原來琴晚果個唔係大難 ……

今日月結單又出左問題，
不過都係小問題一個，好易解決。
但係就臨收工先黎出問題，
真係 '人生不得意事十常八九'。
又係七點先走，攰到人都顛。

月結單.

今朝好地地咁過左，
唔太忙、唔太悶，Nice Working Style!

食完Lunch之後，小睡一會，繼續開工。
到左四點幾Tea Time，諗住今日都係咁先，
去個洗手間，輕鬆下。

返番黎，柏納同敏姐叫我過去幫下手睇下，
話D月結單有D問題。
我即刻心都離埋，唔知係咪自己做鬼錯野。
埋去同佢地一齊望下la，原來係無端端出多左張白紙。
以我咁多年經驗(haha)，第二D我唔知，
呢張白紙一睇就估到係Overlay衰左，
再搵多幾搵之後，原來真係比我估中。

跟住就尋根究底找出錯處，
搵黎搵去都唔知邊度整衰左個Overlay，
攪到七點到，終於比泉哥一言驚醒，
最後搵到出錯既地方，
泉哥呢D就叫做 '架勢堂'！

Modell.

咁大個仔都係第一次咁 Modell，
走左去貓行。
錢，可以咁易就搵到。
所以話，女仔生得靚D，身材好D，
佢既一生真係唔洗憂！

愉田搗蛋三人組今次真係老蛋燒鬚，
唉 ……

新年換新轆.

乙酉年將至，又係時候去剪下頭髮。
今日放左工就同BB，
去左荃灣線尾站，
搵番果個相熟髮型師剪髮。

唔知係果個師傅要揹Qota定乜鬼，
係咁叫BB電髮 wow，騎虎難下，
最後都決定電髮。

預左電髮會搞好耐，
但係冇預到佢搞好鬼耐 ……
話說有個肥仔叫Ivan，肥騰騰！
我地個髮型師幫BB修完髮之後，
就叫果個肥仔幫佢捲頭髮，
跟住髮型師就幫我剪，務求做到快！
點知果個肥仔都唔知捲乜周，
我剪完佢都未捲完，
後尾落藥水果時又滴左落BB隻眼到，
真係火都黎埋！
唔識就學下先 la，肥哥！

最後如果唔係平左百幾蚊比我地，
真係以後都唔去幫襯呀！

同人唔同命.

我花多一點時間 ─ 我是遲鈍
當我的上司花多一點時間 ─ 他是謹慎

當我不想做事 ─ 我是怠惰
當我的上司不想做事 ─ 他是太忙

當我自發做不是交辦事情 ─ 我是越界
換我上司做同樣的事 ─ 他是創新

當我忽視小禮節 ─ 我是粗魯
換我上司忽視 ─ 他是大方不拘小節

當我配合上司 ─ 我是拍馬屁
換我上司討好他的上司 ─ 他是配合

當我開會時發言 ─ 我是多嘴
換我上司發言 ─ 他是發表高見

當我堅持立場 ─ 我是頑固
換我上司採取同樣的立場 ─ 他是有原則

當我努力上進 ─ 我是愛表現
我上司有同樣的表現 ─ 他是勤勞打拼

當我精神奕奕 ─ 我是裝模作樣
換我上司有同樣的表現 ─ 他是渾身是勁

當我發燒唔舒服 ─ 咋病
當我的上司發燒唔舒服 ─ 捱病

當我化妝扮靚 ─ 發姣
當我的上司化妝扮靚 ─ 內外兼備

為什麼會有這麼大的差別？

只因同人唔同命 ……

鬼谷子演課.

今日去左電網關帝廟，
求左一支上上籤，
希望來年時時順境 la。

與高層對話.

今日上午完成左個Program之後，
已經Plan好左下午既工作。
計劃係好鬆容不迫咁做兩樣野：
1. Print DM Letter
2. Remove Message Job
如冇意外，可以係放工前攪掂晒。

點知意外真係日日都有 ……
首先係我地既新PM安尼他同我地單獨會晤，
因為佢想熟悉下我地每一個人，
咁就用左半個鐘。
之後即刻番黎追番D時間先，
點知做做下野個Host又Down左，
攪到乜都做唔到，咁又過左一個鐘。
之後要搵全哥幫手，佢又為Down機一事好忙，
等佢又等左半個鐘。
本來鬆容不迫變左形勢緊迫，
最後七點先放工，賠了夫人又折兵矣。

小禮物.

第810日

上幾日心血來潮，
諗到今日既一份小禮物，
但這份小禮物險些就送不出。

好彩，
我都如期買到，
仲要如期送到。

古語有云：只要有心，唔洗講金。
(以上古語，出自詩偉前傳第810章)

等候審批.

上個星期既環保Email Send左比柏納之後，
已經Forward左比高層審批。

各位睇過都覺得冇乜問題，
但係可能個Printer舊得滯，
唔知入面D軸心Support Recycle Paper既能力係點，
驚D油墨整花條軸，攪到其他白紙受影響。
最後由安妮跟進事件。

環保真係唔係一件易事！

鄧湯聯婚.

今日去左師父美玲
同埋佢老公安敵既結婚註冊儀式，
我咁大個仔都係第一次參加呢D喜慶場合，
見到佢地又緊張又開心咁，
真係替佢地高興！
希望佢地永結同心 la！

大偉真係次次都有佢自己一套，
明明話唔著老西架ma，
佢又聽鬼錯，得佢自己一個著左，
搞到佢鬼咁靚仔，真係冇計。

大家黎一張大合照！
恭喜恭喜！

廢紙打印機,

前言：
由於我地office得兩部Printers比幾十人share，
唔可以騰出一部做廢紙打印機，
公司又唔想買一部新既printer，
最後就唔可以長遠咁用番print過既A4紙print野 na。

今日我係百忙之中抽左時間出黎，
研究點樣可以係唔洗一分一毫、
又唔會影響大家既情況下，
循環再用print過既A4紙。

我諗到其實一部printer兩個tray，
點解唔可以善用呢，
最後就得出左下面既Proposal na：

---------------------------------------------------------------
各位同事

為使大家夠循環再用A4紙，支持環保，
17樓的其中一部打印機可暫時充當廢紙打印機*。

打印機資料：
名稱：HP LaserJet 6P at Bank Centre 17 Floor
位置：鄰近Mr. Richard Chung
廢紙匣：紙匣2 (有字的一邊向上)

選用方法：
1. 在打印機列印選項中揀選 HP LaserJet 6P at Bank Centre 17 Floor
2. 揀選內容 --> 紙張品質/來源
3. 紙張來源揀選紙匣2
4. 按'確定'完成

*注意事項：
1. 不用廢紙的同事可循例選用此打印
2. 重要文件應用新的A4紙
3. 放於廢紙匣的廢紙不應含有客戶或機密資料
4. 紙匣1沒有A4紙時應幫忙放紙，以免誤用廢紙打印
5. 此方法不適用於打印Host資料

Roy Lee
Programmer Trainee
IT Department
Wing Lung Bank Limited
E-mail: roylee@it.winglungbank.com
---------------------------------------------------------------

希望以上方法行得通，
可以為環保盡一點綿力。

散水餅.

今日又有同事請食散水餅。
散水餅 —
我地部門有一個傳統，
當有同事離職既時候，
通常都會請大家食野，
視作答謝或歡送之用，
所用之食物稱散水餅。

入黎呢間公司果時，
HR話IT既Turnover Rate好高，
我當時不以為然。
做左半年，發覺事實勝於雄辯。

糧尾.

嘩嘩嘩！
睇番自己個Financial Management，
完全冇眼睇！

上兩個月簡直係大出血，大消費，
副身家所剩冇幾，
快D到星期六出糧 la！

因果.

今日既成果，係靠作天修

劉德講既座右銘。

好易明白，但係好難做到。

人人都識，但唔係人人做。

艱苦嘗試，但常半途而廢。

修成正果，得到無憾人生。

白龍王的警告.

前幾日收到Email話 —
I guess you may heard about the "White Dragon King" in Thailand, right?
Michael's friend went to Thailand and visit him before 26 Dec.
The White Dragon King asked her to leave Thai immediately as there is a disaster coming. So she left and escape from the disaster.
However, he also asked her not to go outside and stay at home in
HK on 8 Feb (Year 30th) after 9:00 pm. He said something bad will happen in HK at that period. Inform your families or friends if possible.
攪到滿城風雨！

今日又收到Email話 —
ITS BEEN VARIFY THAT FROM THE RADIO ,
KING OF WHITE DRAGON ONLY ASKING THE ONLY WOMAN BUT NOT ALL HK PEOPLE NOT TO GO OUT
終於平息民憂！

白龍王點解咁自私，剩係叫果個女人走，
唔叫多D人離海有海嘯既地方？
天機不可泄漏？
天命不可違？

唔舒服.

今朝BB打黎話我知佢唔舒服，
我以為佢琴日係澳門食左野，
原來唔係，但係都要抖下 na。

琴日玩完好攰，
早D休息吧 ……

澳門吃喝、行山、手信一日遊.

由於前幾日BB既生日攪得唔係咁好，
今日決定再攪過，去澳門盡興一番！

我地跟在個團叫 '澳門吃喝、行山、手信一日遊'。
行情，食宿，領隊，導遊都係我擔任，責任重大架。

人地話未出發，先興奮；我就出左發，黎爻底。
話說我地上左船，
BB無端端問起張船飛幾錢？包左離境稅未？
我心都離埋，離境稅？好似冇理過呢樣野 wow，
我剩係買左四張船飛，唔係得架 la 咩。
我個心七上八落，驚去到澳門唔知點，
一陣唔比過關，一陣又冇船番。

過左一陣唔理咁多，去到先算。
結果梗係冇事 la，我咁醒，使乜驚呀，hahaha。

去到我地就入左氹仔先，
食左木糠布丁同埋榴槤雪榚，
兩榚都好好味！
跟住就食水蟹粥同埋炸鯪魚球，
本來諗住搣隻蟹'鋼'比BB食，
點知我又黎'論盡'，彈到自己成身係之餘，
仲要個蟹'鋼'跌埋落地，冇得食，SHIT ……
買左小小手信就離開氹仔，
出發去二龍喉公園。



我又發揮我大幪導遊既特色，
見到22號車就上，冇理到佢既終點站係邊。
上到車隔左一個站，D人無端端落晒車，
再望一望個路線圖，先知好似上錯車，
但係架車又繼續開 wow。
我用好純正既廣東話問個司機係咪搭錯la，
開頭佢應都唔應下我，我以為佢唔識聽，
隔左一陣佢又問番我想去邊，當然都係講廣東話 la，
最後都唔知佢講乜，我地就靠自己睇地圖。
我地用人肉GPS去定位，發現其實我地冇上錯車，
澳門D巴士係循環線，點都會出番澳門半島。
搭左好多個站之後，
我地都差唔多到左二龍喉公園附近，
落車行過去，途中仲經過左國父紀念館，
再行多陣就到左目的地。



由於時間關係，我地冇入二龍喉公園睇黑熊，
直接搭纜車上左松山 — 澳門最高點。
落左車之後就要行山，
行左冇耐就睇到大炮，同埋防空洞。
我地入完防空洞拍MV之後，就上埋東望洋燈塔，
望晒成個澳門，好靚噢！

行番落黎去左禮記食雪榚磚，都唔係咁好味。
最後行程去手信街買手信，同埋去左大三巴影寫真。

去到碼頭仍不忘大幪本息，
我地搵唔到新渡輪果個入閘口，
問問下原來係係好邊果度，真係激鬼死。

行程到此完畢，祝旅遊愉快！

悠閒星期天.

今日Weekend冇出街行同人迫，
番左屋企睇下VCD食下飯咁，
感覺 Relaxing！

係番屋企之前，
去左潮流特區行下，
有間買公仔店全店$40！
仲話係為南亞籌款，
果個老細真係善心。

去到屋企樓下見到艾域同佢女朋友，
又會咁岩既。

夜晚睇勁歌總選，
華仔做左大贏家，
西厲！

落火.

當一個籃球員係比賽中
連入好多分之後，
鬼佬會叫呢D做 'On Fire'！
中文譯番就叫 '上火'。

今晚我地打波真係唔掂，
落晒火，等左成粒鐘先有得打，
打一場就輸鬼左 ……
又要再等多成個鐘先有得打，
最後就決定走人擺打！(其實係冇得打 ……)

冇計，前幾個禮拜咁多節日，
生疏左在所難免。

BB生日！大日子.

01 January 2005

Happy Birthday to BB!!

今日係BB生日既大日子，
但係今日係平日要番工，
所以我地留待夜晚去食自助餐，
慶祝一番！

點知人算不如天算，
果間咁既港島皇悅酒店完全唔掂！
我地去果度既餐廳食自助餐，
果環境以經唔係好掂，
連D野食都唔掂！
又冇野食又唔新鮮又唔好食，真係Shit！
下次比錢我都唔去食呀！

D衰野都唔好講佢，
搞到咁我都唔係咁好意思，
於是決定星期日去澳門玩番日，開心番！

雨過天晴.

終於都比我見到陽光 la！
今日做乜都好似冇乜事咁，
順暢左好多，真係安心晒。

準時放工呢D就真係唔小得，
D野又做得七七八八，正！

夜晚同肥哥肥嫂行街買禮物比BB，
但係都係買唔到D乜，呢次大鑊野！

繼續唔掂.

繼琴日出現阻滯之後，
今日工作運程繼續下滑。
本以為琴日找到問題既根源，
點知原來唔關事。
最後全靠永盛先搵到個解決方案，勁！
臨放工又比人玩左一野，
用左Double時間先完成到個Program，
又激死！

阻滯.

美玲走左之後，
留底左幾個小Project比我跟。
唔知係我黑仔定乜鬼，
美玲係度既時候唔會出既事，
佢一走左我就係咁出果D事，
真係搞到我一頭煙，激死！

希望快D過渡左佢 la！

大收獲.

今日同左個小妹妹行街街，
行晒成個太子咁滯，
買左好多野，大斬獲！

果個小妹妹買完野之後勁開心，
又跳又笑，真係比佢激死，haha！

不過星期日行街真係好多人，
迫死左 ……

.元旦日，換禮物.

今日係2005年元旦日，
我地愉田三人組伉儷原本係聖誕既換禮物行動，
壓後到今日先進行。

我地攪晒事咁Set晒rule，
又話要$88.8，
又話最多三份，
又話唔比買野食，
又話要Keep單 ……
個Rule List幾張A4紙都Print唔晒，haha！
最後我同BB最唔守規矩，
佢地就超勁，又有單又剩，真係唔講得小。

大家拎晒D禮物黎到我屋企，
以下係禮物List：
詩偉 — 特大衣架兩個、龍珠Figure一個、USB吸塵機一個、雞蛋牙籤筒一個
Kit — 豹紋化妝袋一個、扭蛋遊戲機一個、磁石Puzzle一副
肥健 — 四條眉毛扮野套裝一套、飛機模型兩盒 、SKII Mask一塊
阿螢 — 啷啷頭飾一個、Lotion一支、香水一支
阿謙 — 舒潔衛生紙十卷、Jagger層層疊一個
Joyce — 米奇手手按摩器一個，聖誕鹿發聲公仔一個、BB奶樽一個

大家各懷鬼胎，最後都盡興左一個早上！


之後我同BB同阿謙伉儷去茶樓飲茶，
去到先知原來阿謙係果間茶樓既太子爺，
唔使等位就有得飲，超旬！

飲完出左去Shopping。
夜晚去左食必勝客，
試左新野軟殼蟹Pizza，
口味幾好，不過就貴左D！

過左一個間單又開心既元旦。