元宵節.

乙酉年元宵節，願天下情人佳偶天成！

我地個飯堂過時過節就會好好餸，
估唔到今日元宵節都有得好餸，
仲有湯圓食，圓圓滿滿啦！

好餸就預左多人，但係估唔到會多人到排隊出門口。
原來'筆'湯圓果個阿姐手腳慢，但係又唔怪得佢既，
D湯圓又真係好難'筆'，佢又唔用個有窿既殼，
加埋糖水多湯圓小，尤如大海撈針，
不特只，佢重要分埋顏色同埋數量，
呢份執著真係值得我地學習，但係就唔係好岩時候喇 ……

第一轉輪唔到湯圓，咁就埋位食住飯等啦，
食食下又有得拎，又出去輪過，
點知撞到安敵讓左佢先，咁鬼岩佢拎埋又冇晒，
第二輪我又撲空，唉 ……

第三輪好彩伊竼出動幫我拎，
如果唔係我都食得飯黎又輪唔到湯圓！
輪得黎又食唔到飯，攪到放工都唔掂呀，hahaha。