大除夕勁凍白石BBQ.

大除夕去了白石燒烤倒數兼慶生日。
由於白石俱樂部係海邊，加上當晚天氣勁凍，大家都凍到爆左！

Intertest.

今日學左用Intertest，估佢唔到，CICS都有好似用RAD寫Java既
Debug技術，可以Set Break Point，又可以Mon住D Variable既Value，
仲可以夾硬整個Value比個Variable試行，真係無敵。

雙腳發軟.

琴日打完War Game，今日做左軟腳人，勁累呢。

打野戰不見了.

今日第一次去打War Game，換衫果陣除底左隻錶，
跟住漏底左，最後番轉頭已經搵唔番……
這個生日禮物陪左我十日就唔見左，Shit!!

懷著唔開心既心情玩左一日，
比想像中難玩，但係殺到人真係開心。

最後我地果組嬴左。

神探伽俐略.

睇完神探伽俐略，覺得佢同電視的有好大分別，
因為單案同物理一D關係都冇，純粹係邏輯分析。

希望遲D有第二季的電視版啦。

中槍吹波仔.

零晨兩點渣車送女友番家，好不幸地中槍，
仲要顯出第一次吹波仔既經驗。

好彩超唔過十五，唔使扣分，不幸中之大幸吧。

小女孩.

今日去了麥記上網，有一個四五歲的小女孩行埋黎八下我做乜，
我冇理佢，佢睇了兩睇之後走左。

後來，佢拎住杯汽水行過黎繼續八，仲要係我隔黎飲到霞霞聲，
都唔使佢有心定冇意呢。

準點收工.

今日平安夜，各大公司都有得放早。
記得當年地球冇得放早，但係火星就食完飯走得。
家陣係冰島，比地球更甚，成年裏面冇得放早一秒……

3M Notebook Riser.

由於冰島係一人一部Notebook的，冇MON冇Keyboard，
所以去入了一個Notebook Riser，升起部Notebook，
等條頸得以保存。

膳食小廚.

今日lunch去了灣仔膳食小廚食好出名既雞扒。

間野既環境同冇裝修冇乜分別，但係都收三十六蚊一份餐，
無他的，出名好食，有人幫襯就OK。

我食完之後都覺得唔錯。

人丁暢旺.

雖然話經濟不如以往，但係諗住去買聖誕禮物，
個商場人山人海，比錢都要大排長龍，睇黎香港人唔係真係咁窮。

第43屆工展會.

今日去了一年一度既工展會，由於要十蚊入場費，
所以我地買左好多野食，結果賺突！

人生得意需盡慳呢。

永隆少林.

今日寫好了兩個簡單既Programs。

還教了同事用Save List同Bnds。

呢D野可能只要永隆少林先會學得到。

27歲生日食貴Lunch.

今日一班同事出去飲茶，係我做事以來最貴既Lunch。

十一個人埋單1355，每人一百廿五蚊，貴到顛！

夜晚到了板長豪食，多謝小Kit噢！ ^.^

開始寫Program.

原來ICL既運作有D似永隆，
行Batch都係要自己Backup同埋Restore。

當年用Rexx改D Member既內容，
今日學左用Batch Fileaid改Dataset名。

又多一招旁身！

壞電腦.

今日終於有部notebook用，雖然佢唔係新貨，
但係果個Mon係15寸唔反光的，正合我心意！

但係用兩用就壞鬼左，開唔到Windows，真係激死人。

最後要用住拎一部新Model的，
希望明天部心頭好能夠回歸啦。

新工新開始.

又番新工，重新適應新位、新同事、新系統、新文化。

祝自己係ICL一帆風順！！

荒失失奇兵2.

I gotta move it move it!

明顯地，第二集冇第一集咁好睇，因為已經唔係講佢地蕩失路，
果種撞板既攪笑情況已經不再。

好彩係免費飛，加上有免費汽水爆谷，都叫做一個唔錯既節目。

地球停轉日.

懷著睇明日之後既心情睇地地球停轉日就錯晒。

個地球係成套戲入面都冇停過。

主要既特技畫面都係果個大圓球同埋果隻勁高機械人。

一百分入面我只會比六十分。

老謙入廠.

果日先好地地同阿謙影完畢業相，
今日佢就入左廠…… 祝佢早日康復！

一年一度驗車日.

我架車又要驗了，今次都係例行做左D保養，換油、火咀、風隔。

收到了第二份生日禮物，YeAh！

洗車.

今日冇乜Scheduled Work，剩係洗左車，So Relaxing！

大佛一日遊.

今日同阿媽遊大佛。

第二次坐昂平360，叫做兩個方向都坐齊了。

食左十蚊一碗既豆花，又貴又細碗。

睇左果個與佛同行，未睇過都可以一睇既。

今次我自己係第三次見到大佛，但係都未有機會行上去。

消磨了一天。

HTSA Annual Dinner.

上年入去HSBC做果陣趕唔切食Annual Dinner，
今年好彩走之前都食到，如果唔係真係蝕晒。

今年縮晒水，冇明星，同埋D禮物都縮晒，市道唔好呢。

二手交易.

今日交易了二手400D直倒一個。

買家問我係咪影開人像，我話乜都影，
佢問我做乜仲玩Canon，佢話佢自然己轉晒用Nikon，因為玩Nikon平D。
不過我間館，地球攝影，既師兄弟全部玩Canon，冇理由自立門戶既。

影畢業相.

今日同阿謙影畢業相，番到城大到一班二班人係度影相，
另我回想四年前剛畢業的我。

HSBC Last Day.

正所謂光陰似箭，著陸左火星一年既我，在時代巨輪既洗禮下，
又要到下一個目的地，我是一隻冇腳的小鳥嗎？

飲大兩杯.

統計數字顯示，小弟琴日飲了三支紅酒，今日精神狀態不穩，失陪。

馬田大喜日.

今日係地球馬田大婚之喜，恭喜恭喜！

聖誕怖置.

今日我地Department進行了聖誕怖置，動員十人，
效果令人滿意，So Good!

大家也很忙.

由於我今個星期Last Day，所以都唔係太忙。

反觀我的前後左右，大家都很忙。

希望大家繼續忙下去，生存是有價！

IFC Mall Mall天輪?.

今日去左IFC Mall，見到一人個室內摩天輪。

原來剩係比人影相，唔坐得人的。

Gimmick!

爆粗Band友.

今日睇左爆粗Band友，松山研一演話了兩個角色，一個攪笑，
一個狂野，佢連聲都可以有兩把，真係西厲。

而一個牛蒡男變成地獄重金屬樂隊的故事亦都引人入勝，
的確係一套好好笑同埋可塑性好高的電影！

Roy W Last Day.

今日係我地一班Contractors中既另一個阿Roy Last Day。

金融海嘯令所有Contractors收晒皮，不論職級，不論年資，真係天意。

Chrismas Party Preparation.

今日我地Committee一行七人落去深水步福榮街買野
怖置我地個Department同埋為Christman Party準備。

個人諗住咁多人落去，應該會買得好開心，
點知大家意見分歧，一D人覺得呢樣好，一D人覺得果樣好，
一D人覺得呢樣貴，一D人覺得果樣貴。

最後一條短短既街我地都來回左兩次，最後剩係買到小小野，
激死我了！

小肥牛.

今日我地食Farewell Dinner，去左太子小肥牛。

大家都覺得力奇火鍋好D。

Calvin飲到大晒，為大家帶來笑話呢。

打波改進.

今日肥健糾正左我射波既姿勢，結果我既準確度有所改善。

要加緊練習呢。

老細請食粥.

今日睇電視，話有間粥店會係早上特定時間
請D老人家食粥﹑炒麵﹑腸粉咁。

一D人話個老細借阿伯阿婆過Q賣廣告。

一D員工又話果個兩個鐘雖然做得好辛苦，但係都好開心。

老人家就梗係話唔使錢，做左幾廿年人都係第一次。

凡事多面體，我地又可以考慮幾多面先做到決定呢？

鐵金剛之量子殺機.

今日輪到瑞琪請我地睇戲。

去了Element既MCL THE GRAND。

D Chair好大張，可以升降之餘仲可以震，勁。

但係套戲就真係不知所謂，如果唔係唔洗錢真係唔睇。

果個007應該可以有一萬歲，因為佢唔會被子彈射中，
火又燒唔到佢，車又車唔死佢，係飛機跌落黎都唔死……

今集應該叫 鐵金剛之不死狂人。

Nick 。Joey。明哥.

今日下午到了瑞琪的教會，亦都係我咁大個仔第一次去教會，
為的就係聽一份"No Arms, No Legs"既外國人分享佢既奮鬥一生。

聽完佢講既人生之後，我都係唔信耶穌，
反而我覺得我地MS既同學仔既一句說話好有道理：
"個天冇比到手腳比佢，但係就比左個頭腦佢"
令到25歲既佢可以有兩個學位，同時又係兩間公司既總監。

呢D可能係吃不到葡萄的說話，但係又唔到你唔信。
最後我都係好佩服阿Nick既生存意志，還有四出支持別人既精神！

聽完阿Nick分享，我同小Kit去了睇祖戀明哥演唱會。
全靠Calvin比左兩張飛我，我地咁大個仔女第一次坐第二行睇演唱會。
終於唔使睇電視了！

風人.

今日夜上係灣仔搭船番屋企，遇到一個係咁大聲亂咁嗌的女人。

好顛，真係好顛！

我好想用想機拍Movie，但係我爻底。
回想係拍巴士阿叔果個人真係好勇。

又屎波.

今日去打波，對住矮我成個頭的對手，我都攻唔入波……

我既球技幾時先回歸？

Old Point, Router.

轉左工做左一年，深深體會到係呢間公司做IT，
Technical Knowledge唔緊要，最緊要整得Old Point同埋Routing。

今日我地作左一個Loop:
A Old Pointer old points a Old Pointee who routes back to the Old Pointer.

以上出現了好常用既兩種IT Techniques可以令人長做長有，名成利就。

今日冇派信.

今日我地Department冇人收大信封，希望大家大步檻過啦。

匯豐宣布裁員450人.

(明報)11月17日 星期一 19:05

匯豐銀行 晚上發表聲明，宣布裁減450人，
受影響的涉及多個部門的員工。

聲明表示，銀行部門架構需要改變，已考慮到外圍經濟的轉變，
對明年經濟環境抱審慎態度，不得已作出裁員決定。裁減的員工包括前線和後勤人員。

香港銀行業僱員協會表示，部分匯豐員工今日收到解僱信，
受影響部門包括科技及業務轉型部門。

匯豐曾於今年9月份裁減100名本港員工。繼匯豐銀行後，
星展銀行 日前也宣布裁員數百人。

深圳兩天遊第二天.

食完晚飯到了瑪雅城泵骨。

由於我姿勢唔正確，泵完之後勁痛。

泵完零晨三點，係果度訓到十一點起身。

到了羅湖商業城飲茶，丹桂軒要等一個鐘，去了桃源飲，
38蚊一隻片皮鴨，抵到爛左。

最後玩飽食醉番香港。

深圳兩天遊第一天.

一早起來到了上水站。
傳說係上水出閘，五分鐘後再入閘去羅湖會平D。
結果係第一城出發既我，攪完個傳說之後，貴左兩毫子。

搭一輪車到了歡樂谷，玩了冇生命危險既遊戲後覺得OK，
再玩比較刺激的，最後挑戰了吊腳過山車，感覺很爽！

夜晚到了小肥羊，價錢和質素都比香港的好，唔錯！

麥當勞生日會.

有同事係麥當勞攪生日會。上次去應該係十九年前既事了。
估佢唔到都幾好玩，開心。

洗車.

自從冇再幫襯洗車阿姐，架車就半個月冇抹過了。
今日進行大洗車，靚仔晒！家陣每個月慳番兩百二十！抵！

好抵Lunch.

今日發現了一間好平既茶餐廳食Lunch，
24蚊午餐加1蚊凍飲重要有湯飲。
唔錯！

阿芳婚宴.

今日係中七同學阿芳結婚，玩遊戲時，要send九個字既SMS出去，
我Send左 佳偶天成，日日好前程！

就咁嬴左，賺番D人情，Yeah Yeah！

打波.

今日打波前食了麥記新出的芥辣魚柳飽，感覺良好。

打波都係咁屎，唉……

$700月租?.

今日知道左第一城既月租車位只需七百大元，
而愉田要一千三百蚊！

睇黎要轉陣了。

大閘蟹.

今日係家食大閘蟹，今次既蟹比起今年之前食既都大，正！

Snack Party.

今日我地棵樹攪左個Snack Party，
原因係我地棵樹有個Team贏左個Competition，
同埋被人提名左IT Value。

能夠分一杯羹，真係有運。

Mask Book.

今日睇畢打自己人，facebook變左劇入面既Mask Book，笑死左呢。

同事Roy到我新公司Interview，Interviewer剛巧是我前公司PM。
他其中一條被問到佢本人用開JES2定JES3。

有冇人知JES2同JES3既分別呢？

奧巴馬當選.

美國選出新一任總統，亦係歷史性第一次由黑人做美國總統。
這個現象，有甚麼啟示呢？
但願世界和平，經濟和平。

今日番度屋企樓下入Lift，有個四眼仔學生哥啤實我。
我以為佢啤一啤冇乜野，點知成程Lift串啤住我。
頂佢個制，我同佢鬥啤，四目交投，但係我心底裡爻佢底……
佢係咪練左啤人好多年既呢。

Prison Break Season 4.

睇到第四季第九集，肥佬Brad居然轟轟烈烈犠牲左。
而惡人亦都得到惡報，令人痛快。

DJMAX Portable Clazziquai Edition.

呢期玩捽碟Game，DJMAX Portable Clazziquai Edition！

休息.

去完迪士尼，攰死左。

迪士尼黑色世界.

今日到了迪士尼，上次去迪士尼係三年前既事了。

聽同事講鬼屋唔恐怖，懷著冇乜料到既心情入去，
果然有驚喜，感覺比海洋公園的恐怖。

和一個兩歲的小朋友去，小朋友驚驚迪士尼卡通人物。

朝十二晚十半，好累呢。

唔使驚.

今日我地Department舉行Townhall大會。
(Townhall即係Department Meeting咁上下意思)

主題係講Global People Survey，而呢個Survey主要係做到A Good Place to Work。

對於若即若離既我，A Good Place to Work即時變左A Good Place to Leave，所以我都冇乜心機聽我地Department Head講野。

正當人人想訓之際，主講者唔知講左乜野話題，之後就話唔使驚，
HSBC IT 唔係剩係得我地一個部門，點都會有地方比你地......總言之唔使驚啦！

講者無意，聽者有心。

Performance Tunning. 效率調整.

呢期Tune緊個Program，睇下佢點樣可以行得快D。

憶起大學時期都有讀到一科叫Performance Management for IS，
睇番原來有B+ (A+, A, A-, B+, B, B-) 呢個成績。
但係一D都唔記得果陣學左D乜野，書到用時方很少。

在這行工作了四年多，領悟到一個出色既System Design，係要考慮好多野，如果Design係天衣無縫，咁就唔會有Bug Fix, Performance Tuning, Program Enhancement, 既Task出現了。相反，當你遇到一個Normal Design既System，你既工作就會遇到很大的制肘了。

迷失了的2008年.

十個月冇落筆寫日記了。
回想記呢十個月真係有好多野想記想寫，但係就係搵唔到時間打字。
現在黎一個簡單回顧吧：

零八年一月：入左新公司做野，新人事新工作
零八年二月：第一年冇去到婆婆家拜年，因婆婆住院了
零八年三月：工作不順，番工沒有工作，番工放工的日子
零八年四月：被調組了，工作轉出新機，又開始投入工作
零八年四月：到了日本東京自遊行
零八年四月：婆婆去世了……
零八年五月：轉組後再渡工作蜜月期
零八年六月：第一次工作到零晨四點，第一次連續工作接近二十小時
零八年七月：全程投入工作，感到自己存在的價值
零八年八月：北京奧運
零八年九月：經濟低迷，匯豐栽員，人心惶惶
零八年十月：金融大海嘯，工作有了新方向

人生每天都應該有一些事情值得記下，讓我重執這日記之筆吧！