大大大閘蟹.

老三陽大閘蟹，正！

House Warming by WLB.

今日永隆仝人黎我地家House Warming，
有老有嫩，好人齊！

特別嗚謝Ivan太太幫忙準備食物！

月頭月尾.

每逢月頭月尾果兩日我地Development既CPU就會調被Production用。
由10月30月到今日，我地都係冇CPU用……

D-Link 605.

諗住買個平平地既Router放係老家，
點知最後都買左個285蚊既D-Link 605。

BATCHHOT.

今日發現有人將個Srvclass轉做BATCHHOT，
跟住個Job變左火箭！其他JOB就要等呢支火箭消失先可以繼續……

後來先知同Oper講聲就可以做火箭。

麥當勞生日會.

今日小Kit既侄女生日，有好多同學仔黎同佢慶祝，
我咁大個仔都未見過呢！

House Warming.

今日上午去九龍城買大閘蟹，差D比的士佬割到撞車，正PK！
食唔到九龍城街市既樂園，可惜。

夜晚愉田搗蛋三人組到訪，直至夜深呢。

PS3.

今日買左 PS3 250GB 薄機，正！

慢.

今日唔係月頭月尾，但係部MAINFRAME龜速，
大家都係度等運度呢。

兄弟會議.

十二月莊員Lawrence結婚做佢兄弟，今日開流程會議。

夜晚係屋企樓下club house BBQ，感覺良好！

House Warming by ISEC.

今日ISEC人黎我地家House Warming，
又打邊爐又大閘蟹，又打機又大富翁。

最開心係睇番求婚大作戰錄影片段，
比人見到打錯字，激死人！

放尿.

原來瀨屎蝦係唔洗放尿的，
我攪錯晒，HOHO！

夜晚執野果陣撞埋個書櫃到，眼角爆缸！

三餸一湯.

今晚我倆三餸一湯：
魚頭豆腐番茄湯
炸菜蒸瘦肉
豆鼓鯪魚油麥菜
蒸水蛋

勁飽！

止咳良藥.

作戰大功告成之後，可以早睡，
休息多左，百日咳都自動消失。

20091018.

7.0

求婚大作戰.

朋友兩脇插刀
作戰順順利利
場面感人肺腑
我倆佳偶天成

湯

第一次在新家滾湯，
芥菜咸蛋雜丸湯，味道好好！

夜訪志家.

明晚要去新家，所以今晚係作戰前最後準備。

晚飯過後，準備所有架生，聯同謙哥搬野上車。

跟住過海去西環，存放所有野係阿志家，等作戰當天運送。

今晚特別鳴謝 阿謙、阿志、SUKI！

最後學琴

今日係作戰前最後練習。
學左幾句新野，但係學學下比人趕走左。
希望到時唔好彈到走晒樣啦！

今晚特別鳴謝 Edith，D Chung！

室內無線電話.

係百老匯購入Panasonic子母室內無線電話一個， OK時尚。

大舞台.

今日出席左小Kit家姐既婚宴，
係西環大舞台舉行，很有特色。

砌機(下).

訓醒之後再TRY都係咁~

最後上網睇番~原來係個BIOS SET左個HARDDISK行AHCI,
跟住好似要係INSTALL WINDOWS果陣打F6,
裝番個RAID先行到果個AHCI

頂佢~最後RESET番個BIOS DEFAULT~乜都攪掂晒~

砌機(上).

頭先砌部新野比我地新家

砌好晒硬件
跟住開到機INSTALL WINDOW

CLICK左FORMAT HARDISK, 過左一陣個MON SLEEP左~
再等多半個鐘都冇反應

熄左部機再開~開裝WINDOWS~出藍底白字.....勁灰~
以為整壞左HARDDISK~

Our Starting.

阿謙同肥健終於夾到時間拍西貢糖水歷史一片。
我地三個首先去左烏溪沙試拍，之後去西貢滿記取景，
最後折返烏溪沙實地拍攝。攪到零晨兩點先收工。

今晚特別鳴謝 阿謙、肥健！

PC 購入

今日聯同Timo、Martin去黃金買野砌機，內容如下：

CPU: Intel i5 Q750
Motherboard: Gigabyte P55-VM Pro
Harddisk: Hitachi 1TB
Ram: Super Talent DDR-1333 2GB x 2
Rom: Pioneer DVD Writer
Monitor: 23” LG LCD

汽車用品.

今日陪阿志買汽車用品比佢地架新車，
買完之後食飯，進行大作戰最後軍事討論。

大Mochhichi.

今日去購入另一個作戰兵器。
原本諗住平買光豬豬既Monchhichi，後來見到著晒結緍禮服果個好靚，
但係禮服又唔可以單買。
為左第時結緍唔使再買，決定公仔連衫一齊買晒佢。

申請左Monchhichi信用咭咁耐，今次係最有用既一次了！

心型蠟燭.

其中一個作戰兵器

浴屏.

今日做埋新家最後一項工程，安裝浴室玻璃浴屏。
個人應為價錢合理，質量ok。

House Warming.

今日誠邀小Kit中學年代既老死House Warming，
多謝佢地送了直立式風同埋Monchhichi床單，枕袋同被袋。

國慶六十週年.

在新家睇國慶閱兵。
同志們，辛苦。

求婚大作戰大會.

今日約晒”詩偉連”既將領士兵開作戰大會，
阿志因獻計榮升為大將軍！

是晚我軍大嘈既關係，數次惹黎其他食客怒啤。

但係我地依舊嘈爆，HAHA！

新居第一個自制早餐.

入伙大吉.

我倆終於入伙了！
由收鎖匙到今日搞左四個月，終於搞掂晒今日入伙。

祝家宅平安，事事順利！

學琴第二堂.

今日貼左Label落個琴到，事半功倍，學晒果幾句副歌喇！

今晚特別鳴謝 Edith，D Chung！

Topcon 22" LCD iDTV.

今日去買睡房既電視仔。
一心諗住去百老滙買果個THOMSON，但係買晒。

好彩去豐澤有第二個CHOICE，就係TOPCON。
見佢平平地$1980，全高清，內置高清TUNER，
重可以錄影，個款又唔係太差，最後決定比佢加入我地家。

靈魂.

今日有兩大家居靈魂送黎，
包括有餐枱連椅，同埋電視機。

我地幫襯左Sony個掛牆架，
佢果兩位安裝師傅好PRO，裝得好之餘，
又冇整污漕你D地方，重教埋你點用個電視，
叫做物有所值啦。

擺野.

砌左成個鐘攪掂左個影音組合，
之後又用左一個鐘擺靚佢。

6.11係新屋過了。

唔該謙哥.

由於要係今個星期六電視送黎之前放好個影音組合，
今日夜麻麻要沖好晒涼既謙哥幫手抬盒野落架車度，
明天放工拎上新屋度擺好佢。

最後攪度謙哥出晒汗，Thx Man!

Sony 5.1 影音組合.

今日去豐澤買埋呢個Sony5.1影音組合,
比個Sales說左加398加多兩年保養。

佢話兩年內有壞包整,
整唔到可以換一部同價值物品,
博一博啦。

人窮志短.

我要證明人窮志不短，努力熬過去！

八號風球.

下午六點先黎八號風球，冇著數。

夜晚又黎多個風球，真係惱人呢。

好很大雨.

今日揸車去Nicky家途中，落勁大雨，
揸左咁耐車都未試過，真係有D爻底。

估唔到揸車都要搵地方避雨。

窗簾.

今日番大陸買窗簾，同一款既貨物，平香港三分二，
最後慳番二千幾蚊啦，ho~ho~ho

買電視.

買左咁大個仔第三貴既物品，四十寸Sony LCD電視機！

方大同 - 狂潮.

是他也是你是我　同雙親雙愛也相分
大家偶遇在人海　你我各流痕
幾許歡與笑　多少愛與恨　那狂潮捲起燦爛又繽紛

是苦也是甜美　人生的喜惡怎麼分
大家各自尋找　你我心中印
幾計哭與嘆　多少假亦真讓狂潮起跌　混合愛和恨

是他也是你是我　同悲歡喜惡過一生

20090909.

今日被喻為三條九既日子，好多人揀今日結婚呢。

攪掂.

今日終於做晒最後三個Programs，
一身鬆晒，正！

差小小.

諗住今日D Program可以起埋貨，
最後都係唔得，明天再做吧。

大掃貨.

早上送了 G.O.D. 電視櫃，
小小唔滿意，因為有幾處花痕。

之後去了吉之島，全店折完再九五折，
買左好多家居用品。

跟住買左一套七件既食具，
問個阿姐又話電磁爐可以用，
拎到番屋企又用唔到，
又要拎番落去，好彩有得退錢。

最後幫襯左美亞阿姐，即刻用到晒，
重有較剪送。

去埋Franc Franc買地毯同埋茶几。

今日大大大出血呢……

床褥.

我地既床既靈魂今日送黎，配埋Monchhichi床單，
靚晒！

梳化好夜先到，好滿意。

買野.

今日放工去左Sogo既家居用品展買野，
掃掃掃！

快機.

今日部Mainframe勁快，一日做左三日野！

跟官唔知官姓乜.

小Kit一句跟官唔知官姓乜，
今日我決定重設Working Priority，
做左D唔趕但係滿足度高既工作先。

果然，日子好過了！

做唔切要出聲.

今日比人話，"你做唔切D野要出聲架ma"。

好多野都好趕，User改Requirement，
有兩個Program要改，加一個新Program。

Program A 加十多句Logic比左半日Coding+Unit Test。
Program B 要抄番 Program A 既 Code，around 四五百行Code，
比左日半Coding+Unit Test。
新Program C有得模仿，比夠一日你做Coding+Unit Test。

前後兩日半，做三個Program，我以神速一日做晒D Coding，
放出黎Compile，用左半日，因為部機冇CPU，個個係度排隊。

Compile完之後放個Job出黎Test下佢地，
又要用半日，原因都係冇CPU，要排隊。
咁就過左兩日……

"你做唔切D野要出聲架ma"，
應該要改做 "部機做唔切D野要出聲架ma"。

又學到野。

慢到嘔.

今日個MAINFRAME食左屎，慢到嘔，
排隊排到四五十，成朝係度等等等呢。

打蠟.

今日幫個地板打蠟，充滿挑戰！

大入貨.

今日遊走左香港九龍，大購物日！

謙記火鍋.

今日同美西慶生日，去左銅鑼灣既謙記火鍋，
材枓新鮮，但係好貴呢。

小KIT病了.

小KIT被我傳染左，病了，幸好佢有病假，
睇完醫生可以休息一天呢。

Renew 半年.

今日有同事收到消息，可RENEW多半年……
令人不安既前景。

53日.

日曆天數 = 46.5日
工作數量 = 53.0日

咳.

發完燒，今日開始咳了。

發燒.

鼻水停了，跟住今日發燒！

流鼻水.

D病菌去左個鼻到，今日係咁流鼻水。

下午添置左一堆清潔用品。

夜晚到了LAWRENCE家HOUSE WARMING。

傷風.

琴日作既感冒，證實係傷風。
今日係咁流鼻水……

作感冒.

今朝起身頭重重，作感冒……

冇腳雀仔.

今日又收到有同事冇得Renew既消息。

每逢佳節倍思親，每逢Renew倍擔心。

6.8.

6.8

Microsoft Word.

今日做D Document Formatting既野，
又可以加強我用Microsoft Word既經驗。

沙田柚.

今日去街市搵沙田柚，唔知點解有得買，得果d泰國金柚。

B & Q.

B & Q 家陣全場五折，去到連水喉鐵都冇，
乜都冇，已經係一個廢墟。

飲強水.

頂你，今日美心早餐叫左凍啡，
飲一啖即刻火燒口嚨，開黎聞一聞勁大陣天拿水味，
即刻成杯掉左。

如果唔係要做野，真係拎番上去DEE爆佢！

落雨.

今日落左成日雨，唔擔遮都唔得呢。

廁所.

廁所既更換工程攪掂，亦都踏入裝修既尾聲喇。

雀屎.

頂！
今日同個同事係灣仔食完飯，
行番公司既途中，我地兩個都中左頭獎，
以為係冷氣機滴水，原來係勁大篤雀屎！

旺角松屋.

放工去左旺角松屋同MARTIN, JOHNATHAN慶生日。
間野勁細，比張細細既四人枱我地五個大男人坐……

野食都OK，落左ORDER都有黎，
啤酒當然係任飲啦！

面盆.

再次幫襯帝朗，真係平得黎都OK。

開OT Again.

抖左兩個星期六，今日又再黎OT。
九點番到黎開機，見到一個人都冇，
得自己一個開工，真係有D孤單既感覺。

阿媽去旅行.

阿媽今日開始一連五日既旅行。
我要安排下我黎緊四晚食乜野先！

燈飾.

拎左係大陸買既燈去新居，
準備吊起佢地！哈哈！

康復.

食完藥，好番晒。
正！

打瞌睡.

醫生開左隻加重眼皮野比我，攪到我今日鬼打咁精神……

腸胃炎.

今朝零晨個肚忽然痛起上黎，痛到訓唔到覺。

訓多兩訓去廁所又冇得痾，跟住一股暖流湧上個喉嚨果度，
跟住連續嘔左三野。

訓.

食左藥，係個位到分分鐘都訓得著，真係勁。

田貝四路.

今日番左大陸羅湖果個田貝四路買燈飾。
來來回回行左兩三次，最後買左兩支水晶吊燈，
都OK平。

夜訪羅倫斯.

夜晚十一點幾去開新居，順道拎D Wii Game比Lawrence。
試左佢張按摩椅，好RELAX。

見佢成屋都掛滿新婚，好浪漫下，哈哈。

收貨二.

今晚再去新居，所有門鎖門制換好，
玻璃門都裝番，都算OK既。

五金.

今日放工去左駱克道買五金野﹐行左半條駱克道，
比我搵到最平既紅綠燈MULTI LOCK匙膽賣650。

收貨一.

新家既木器叫做起貨，今日上去收貨，
雖然唔係交到十足貨，但係都有九成OK既，
希望快D執埋果一成佢啦。

HR.

今日08:32番到公司，本簽到簿未劃線，
拿拿林簽名，點知原來劃線的人企係我後面，
最後佢劃條線係我上面，真係無奈。

水喉配件.

今日買了水喉配件，都係帝朗最平。

唔使OT.

由於有新同事加入，加上今個星期六要DOWN機，
所以我今日唔使OT，終於可以休息下。

同事回歸.

早前病左既同事今日番工，
面色都唔錯，祝佢身體健康啦！

亂子.

由於唔換地板既關係，我地用左1分木板保護佢，
點知今日揭起個1分板果陣發覺個地板發左霉。

結果要小KIT請半日假去收科，真係乜事都係我地個身上出現，
唉。

開工大吉.

今日木器開似開工，第一日冇特別Report。

木器到.

今日新家既木器送落黎，
諗住放工上去睇下，結果上到去乜都冇。

走左去食飯，食食下阿謙打黎話D野到晒，
我地話我地乜都見唔到喎。

最後先知D野黎遲左，我地食完飯番上去睇就黎左。

早收.

一個星期番六日，攰晒，今日六點半收工啦。

九號風球.

零晨一點幾發出九號風球，跟手零晨四點就落左，
呢個Molave真係黎得快，走得快呢。

哈利波特 - 混血王子的背叛.

番左成日工，夜晚去左睇哈利波特 - 混血王子的背叛，
有幾個笑位都唔錯，但係成套野得最尾有魔法睇，
可能為左最後一集舖路吧。

Cwai Life Photo.

Update左相簿個Banner。

Civic仔.

今日試渣個Friend新買既Civic仔，
唔係自已車，唔敢開咁快，又唔敢泊S位。

都係自己果架好渣D，哈哈！

Exercise.

今日發現左自己咁大個仔第一次出現既肚腩，
決定每晚都做Situp + 掌上壓練一練佢先！

同事安好.

今日見到上頭，比想像中安康得多，
祝佢早日康復啦！

烈火雄心3.

今輯拍左好多救火情節，好好睇！

B & Q.

B&Q全店八折，所有野都比人掃走晒，

真係誇張！

加班第一天.

幾年來冇試過星期六番工，

成層得我一個，部Mainframe又得我地Team人用，

爽！

矇左.

今日做野做矇左，諗住去廁所，點知走左去Pantry，

重要拎條鎖匙出黎開要用Card嘟既Panty門。

收番條鎖匙，用張咭開左度門，入左去，先醒覺我要去廁所，

我入黎呢度做乜……

幫手.

今日放工前幫同事手睇下個Job做乜行唔到。

結果攪左自己兩個鐘……

告假.

上級身體不適，黎得突然，祝佢早日康復啦！

摸通.

比我摸通左個新PROJECT既玄機，
打後應該會易過些吧！

木工完成.

晚上番新居CHECK新造傢俬OK唔OK，
大致都冇問題，係個飾櫃冇左個玻璃門，
師傅話我地果陣冇話要門……

最後佢都肯幫我地裝番，算了吧。

星期六要番工.

今日老細叫我地星期六番工，
有得CAMP番COMP LEAVE。

海嘯下，頂硬上啦！

駱克道.

今日落大雨，再行駱克道，
買左靚靚水晶燈。

開工一星期.

新屋裝修開始了，第一水都係做電制電線。

做牛做馬.

用左半日做上個PROJECT既手尾，
同左一手做家陣個PROJECT既野。

咦！點解會多左半日既？

新PROJECT.

今日接到新PROJECT既資料，
大概要CODE同埋UNIT TEST三十五個PROGRAM，
由於果D PROGRAM兩年前有人做左，
我既任務係睇番有冇野要UPDATE番落去同埋做多次TESTING。

三十五個PROGRAM就比左三十五日我，條數真係易計。
一日可以做一個PROGRAM既REVIEW連CODING連UNIT TEST，
我諗只有神先有咁既能力吧！

2009年7月1日.

今日勁多人上街遊行。

今日我要係銅鑼灣渣車。

成條路封晒要勁兜路，人都顛！

PROGRESS MEETING.

今日開了一個好有意義既PROGRESS MEETING，
覺得自己既想法同做法同其他人一樣，沒有驚喜。

倒數一天.

諗住剩番小小既TEST CASE可以交比下一手跟，
原來下一手即係我自己，呢招高呢。

覆尺.

今日去左新屋度覆尺，下星期正式開工！

ISEC 半年生日會.

今日攪左半年一度既ISEC人生日會，
勁熱BBQ同埋勁大雨都係今年主題。
Silvia神秘祝賀Ivan係今年既特色！

Micheal Jackson.

今朝起身聽收音機新聞話MICHEAL JACKSON入左醫院，
但係未有身命危險。

番到公司睇到電視新聞話佢已經死左，
人真係好化學呢。

倒數四日.

仲有四日就要離開第一個PROJECT，
去做第二個PROJECT了。

攰野.

呢期都係忙到抖不過氣來呢，
黎一個深呼吸先！

七七八八.

自己攪左百幾個Test Cases出黎，都做左一百個有多，
收做交左個代出黎啦。

開工.

Relax左五日，又要投入工作了。

沙巴第五天.

黎到最後一日，終於可以晏D起身。

八點起身之後，食完早餐就要去機場了。
有機會要再去沙巴玩埋其他野呢。

沙巴第四天.

一早醒來食早餐，跟手坐快艇出島玩。
第一個島係馬奴干島，水清沙幼。


雙人滑翔傘，高度一般。


跟住日光浴。

再黎水底綿羊仔，新奇玩意。


午飯後去第二個島，沙比島。


水退後可以行出去好遠，浮潛見到好靚既珊瑚魚。


晚上去掃手信，再食埋肉骨茶，好味。

沙巴第三天.

今日六點半起身，出發去神山。
打的去Mekerta Field，搵包車去神山。
開頭話來回100馬幣神山，後尾我地話要去波令溫泉，
佢話要300。我地叫佢減D佢唔肯，因為兩達地方相距好遠，
最後我地成交上車。

個司機都好好人，開得好快，全程山路平均車速九十。


雖則開得好快，但係都要二個鐘先去到一個神山影相位。


再用多個幾鐘先去到波令溫泉行樹頂吊橋。
去波令溫泉途中，有一間木屋係度收錢，
比人入去睇沙巴獨有既萊佛士花。


我地要上50米去度個樹頂，行吊吊下既吊橋。
感覺係呢個世界真係有好大好高既樹。



跟住坐車番去神山公園，由於時間關係，
我地冇得落車行，剩係遊車河。
由於海拔高，唔開泠氣都好涼噢。

之後我地同司機講加行程，去冬工市場同CKS Market買野食，
作為明天出島之用。

沙巴第二天.

第二天起身係酒店週圍行影下相。



之後落去市中心行下，行行下去左做SPA。


做完個靚SPA就去搵野食，食左富源既拉茶同多士，


之後食埋雪條。

夜晚等到ESTHER黎之後，出左去食海鮮，去到雙天果邊，
聽當地人講唔幫襯雙天， 幫襯左華興。
叫左虎蝦，象拔蚌，螳螂蝦，蠔餅同埋薯仔菜。
不過，食海鮮都係香港好食好多

沙巴第一天.

去到機場，飛機要Delay兩個鐘，真係無耐。

航空公司比左兩張75蚊既Lunch Voucher我地，
去左Starbuck豪食豪飲。

去到沙巴夜麻麻出街搵野食，搭的士果個司機識個小小廣東話，
我地話去Center Point高場，佢話關左門，我地問佢邊度有野食，
佢車左我地去Water Front果度有Bar。

最後我地誤打誤撞去左菲律賓Market，雞翼好好食，
蝦冇味，椰青好難飲。

跟住番酒店休息。

旅行前席.

今晚諗住早D番家執行李，
點知都攪到八點先收工。

趕工.

呢期趕工，晚晚OT呢。

收拾.

下星期三去旅行，收拾行裝先。

駱克道.

呢期成日行駱克道睇裝修野，
行到熟晒呢。

打邊爐.

食完飯先收到肥哥Call話去打邊爐，
一於去Beer Beer佢啦。

派雪條.

今日haagen daz係金鐘廊派雪條，
我都唔執輸去輪番條。結果用左四個字先輪到，呢口飯真係唔易食。

曱甴.

樓上裝修鑽地，攪到D曱甴出晒黎。
英勇既同事踩死佢，敢死隊既同事就幫佢收屍。

很忙.

每天都為了SIT而絞盡腦汁，用盡勞力。
刀口上搵飯食，很忙。

保險新玩法.

供十八年就可以保障你到一百歲，是好是壞？

秘密行動.

一個唔秘密既秘密行動，天時地利人和好重要！

Thx Suki and Chi!

昂貴費用.

支付了人生中最貴又最唔值得比既費用，
我稱之為陰質錢！

度尺.

度尺攪左兩個幾鐘，真係要好有耐性同持久力先得。

六四二十週年.

六四，本人唔係太知詳情，亦冇去過蠋光晚會，
但係六四應該係一件令中國人永不忘懷既事情吧。

生理時鐘.

呢期七點四先起身番工，比以前遲了兩個字。
咁我一個星期就可以訓多十個字，真係好一個養生之道。

轉機.

SIT有新突破，完成度以倍數上升，開心晒。

工作進度表.

相信好多人都填過工作進度表，
目的係比上級知道你手頭上既工作達成率。

一個星期五日，有一日放假，有兩日部機唔郁，
剩番兩日真係可以做野，但係工作進度表都係計番五日時間，
真係奇怪。

番咳.

早果輪食左十日藥，冇晒咳。
話咁快又咳番，真係激死人。

兩岸三地.

呢期Weekend架車多左個停泊點，兩岸三地任我行。

巾幗梟雄.

今晚巾幗梟雄大結局，好大陣仗，
有溏心風暴咁誇張！勁！

柴九哥好野！

端午節2009.

話咁快又到端午，今年冇食到傻子，
但係有睇龍舟。

切燒豬.

今日公司切燒豬慶祝Release順利推出。
雖然我冇份做果個Release，但係我有份食，正！

SIT III.

做一個Test Case半個鐘，
我有60個Test Case，有十日時間，好似夠晒！

坐足一日.

今日公司上左新Release後既第一日開門，
我地Development既CPU比Production部機用晒，
全部人都坐係度等部機郁。

等到夜晚六點，終於郁了……

拜四角.

今日去新居拜四角，
祝願家宅平安，身體健康，出入平安。

天使與魔鬼.

個人認為天使與魔鬼好睇過當既達文西密碼。

成套戲冇悶場，緊張刺激。
個結局都出人意表。

可能因為片長既關係，男主角唔洗諗就破晒D謎，
睇唔到DAN BROWN既謎團舖排絶技呢。

SIT II.

時間有限，Test Case 冇限，
人生有幾多個十年去做晒SIT既Test Case呢。

落大雨.

日日落雨落不停，
天天上班忙不了。

隔離.

今日公司出左通告，坐地牢既同事唔可以同坐廿樓既同事接觸，
連一齊食Lunch都盡量唔好。以為出街食飯要玩地下飯？

SIT.

我地個Project進入System Intergration Test，
又要做悶悶的Testing呢。

6.7.

6.7

攪掂晒.

又攪掂一個Item，Good!!

攪左一日.

為新居張羅了一天，好攰呢。

Thank you very much to Raymond!!

四洲紫菜辣麵.

呢期新口味，四洲紫菜辣麵，正！

療程完畢.

終於食完十日藥，D咳好番晒，
可以飲凍野喇，呵呵呵！

感謝阿謙.

多謝阿謙既幫忙！
祝萳萳早日康復！

谷九氣.

估唔到開開心心既日子都可以攪成咁！
果條能樣一定冇好報！

還有一天.

期待明天的來臨！

格言.

人生有幾多個十年? 每年有幾多個煩惱?

金鳳.

午飯到了灣仔金鳳，小小既枱放滿了食物。

黑仔.

今朝食早餐，將食左一半既米粉倒瀉，
攪到自己成身都係，真係Shit。

今日係星期五，用HSBC果個自動增值有$25回贈。
番到屋企留下，餘額$1.3，諗住惠康買兩次野就Reload到。

跟住阿媽打黎叫我買粗鹽，我冷不防拎左包鹽去比錢，
Do一聲，餘額$0.1 ……

熱.

夏天到來了，天氣開始熱呢。

爆糖.

一日番工八個多小時，係咁食藥，
食到我反應遲鈍呢。

藥物.

咳左成個月，琴日睇左第二個醫生，要食以下藥物。
中間綠色的係需要時服，服左真係冇晒咳，好勁。

利器.

工慾善其事，必先利其器，
部Mainframe行得快，工作完成度多好多呢。

Luca.

和小Kit家姐一家到了大尾督既Luca餐廳晚餐，
食物OK，但價錢貴左小小呢。

採藥.

今日同小Kit去沙田排頭村買蜂皇漿，
原來果個養蜂場係條村深處。

結果我地兩個都成功採藥回來。

墨攻.

今日終於有第一宗甲型流感確診個案，係一個墨西哥遊客黎到香港，
跟住病發…… 真係唔抵。

攪掂晒.

終於KO晒D難題，勇往直前吧！

又有難關.

過完一關又有一關，做乜事有咁多手續，
做乜時呢排咁多紅日……

希望又在明天吧。

守得雲開見月明.

等左成個月，終於有好消息！

Thx SUKI!!!

We love u!! ^.^

很擔心.

沒有好消息，希望在明天吧！

中七同學聚餐.

今日去左新城市心泰晚飯，
FAREWELL一個要番澳洲坐移民監的朋友。

海怡廣場.

今日去左鴨脷洲工業區果度行海怡廣場，
有傢俬，有名牌衫褲，行到勁攰呢。

UCC Coffee Shop.

到UCC Coffee Shop食晚餐，
兩個人叫了兩個餐，有Salad Bar，有湯，有主菜同埋飲品，
食到我飽到行唔郁呢。

叮飯.

同事A喜歡中火叮耐D，
我個人喜歡高火叮快D，感覺好似熱好多。

豬流感.

世紀大流感，一觸即發，各人自求多褔吧。

Coding Complete.

我地個Project四月尾就完成Coding + Unit Test，
話咁快四個月了。

30.7度.

今日下午有30.7度，係今年最熱既紀錄。

魚蛋粉.

愉翠商場很貴的魚蛋粉：
$30一個餸加兩蚊凍飲加五蚊加多個餸。
最後要$37一碗。

東薈城名店倉.

今日入左東涌東薈城行街，
到IT Outlet買左好幾年兩三折既貨品，正！

落雨.

呢個星期晚晚落雨，冇得打波呢。

富邦一田咭.

今日收到了富邦一田VISA咭，個Design好靚呢。

同基金朋友Lunch.

今日同基金朋友食Lunch，佢都係睇好台灣同埋中國。

有時自己冇時間理財，又想資本增值，就要比錢人地攪。

希望真係增值成功啦！

慢.

今日我地公司個Mainframe慢到嘔，等到頸都長之後收工。

B & Q.

再訪Mega Box B&Q，適逢電腦節，好多人。

去果間越南野食兩個粉加杯熱飲成舊水，頂佢。

行左一日，攰呢。

Martin家訪.

今日Home Visit左Martin的新家。

大家打機太興奮，嚇親佢隻貓叮噹。

晚上稻香邊爐冇肥牛，攪x錯！

摘士多啤利海鮮餐一日遊.

今日去了粉嶺摘士多啤利，冇乜收成。



晚上去了流浮山食海鮮，冇乜特別呢。

室內設計.

今日同Lawrence去了荃灣睇室內設計，
有一間勁串，另外兩間就OK好Service。

放假前席.

今天簽了正式的。

明天起放四天復活節假，爽！

頻能.

呢期中環灣仔兩邊走，好頻能下呢！

行路.

"慳" 第一式 — 行路！

由灣仔行番中環，最可靠的十一號巴士。

帶飯.

"慳" 第一式 — 帶飯！

又唔洗錢又健康，何樂而不為。

男兒當自強.

又是機會當一個自強的男兒。

2009年清明節.

清明時節雨紛紛，路上行人欲斷魂。

2009年4月3日.

今日係2009年4月3日，令人難忘又難過既一晚。

Eric出發.

今日多謝Timo幫手拎個腳架波頭比Eric！
祝Eric日本婚紗之旅順風！

鑽地.

我地坐係地牢，今日成日有人鑽地，嘈到人到顛！

喉嚨痛.

今朝起身喉嚨勁痛，頂！

倚天Cue.

今日無線有新劇，講桌球，
有支球杆叫倚天Cue，騎呢到。

追蹤者.

今日很榮幸多了一位追蹤者，謝謝！

琴姐婚宴.

參加了中學同學既婚宴，見番好多好多年冇見既同學仔呢。

Laughing哥.

今日學警追擊話會拎Laughing哥番生，
個個都趕住番屋企睇復活節真係Show呢。

取消買樓.

今日I-Home取消超低價既賣樓行動，決定重新定價，
咁都得，比佢玩晒。

地產代理.

雖然個個地產代理為左搵食都心懷不軌，
但係總有一D係大鬼一D係細鬼，睇你點睇。

重新定向.

經過深一層既決定，放棄選擇，
創業難，置業也難。

按揭.

今日搵左兩大朋友幫手提供按揭資料，實在感激不盡！

牛肉乾.

唉，今日泊車比人抄牌……

零九打蝶第一擊.

今日去了大埔滘打蝶，
由於松仔園食白果，所以決定行上山，
雖然勁大霧，但係比我地影到未影過的綠弄蝶，大有斬獲呢。

睇Program.

今日睇左一個派息Program，雖然得四千行Code，
但係睇左成日先睇得通，真係好複雜！

新位.

中間的就是我的新位，大好多。

座頭鯨.

今日有條座頭鯨游左黎香港，有成架巴士咁長呢。

莫氣.

細細個就學到莫氣黎個名詞，即係冇氣咁解。
今日打波，打半場就莫氣，要換人呢。

辛辣麵.

今日晚餐食辛辣麵，發現佢變左蝦味。
始終覺得冬菇味好食好多。

Macau Friend.

飲食節目既肥濤去左澳門搵朋友，
叫左Macau Friend出黎，都唔知係咪玩野。

2009花奔展.

又到了一年一度地球攝影隊例去活動。
今年主題係秋英，我就影左含苞待放既秋英。

蟲之發現.

今日我地發現左一個舊Program有Bug。
拎我回想起地球大佬既金句：
呢D野好明顯姐，個Program冇試過咩，咁都可以錯既？

新位.

今日開始調左落Basement坐，個位大好多，又唔頂腳，
Feel So Good!!

捐血.

今日公司果度攪捐血，十年冇捐血既我無有怕地參加。

開頭既過程都冇乜問題，直至姑娘問我要唔要麻醉藥，
我心諗十年前捐果陣都冇用，加上都應該係入針果下痛姐，
所以冇要。

入針了，嘩，痛左一下勁野，諗住捱過左冇事，
點知一路捐一路痛，但係男人大丈夫，小小痛楚，頂得住。

但係捐捐下，成身發慶，係咁流汗，好似打波咁。
果度既冷氣好大，所以我以為咁既反應係正常，不以為意。

後尾有個工作人員行過，見我係咁抹汗，問我有冇事，
我話好熱，之後又有個阿姐埋黎，話我塊面好青，
最後幫我入針果個姑娘埋黎，話就黎捐完，叫我捐埋去，
唔好嘥左包血。

最後都捐到四百一十幾，原先係預左捐四百五十的。
姑娘話我可能唔夠訓，所以咁渣呢。

匯控失控.

匯控係今日收市競價時段被人做到得番33蚊，
係十五年黎既低位呢。

Java Testing Program.

今日拎番果陣火星自家制既Java Testing Program修改一下，
係冰島發揚光大，有一種斷往開來既感覺呢。

新地盤.

今日係愉翠商場搵到一間食魚蛋粉既茶餐廳。
價錢同水準都同沙角既一樣。Good!

Yoho Town.

今日到了Edith新家House Warming。
會所打了保齡同埋唱K，去了元朗食日本野同埋B仔涼粉。
下次等Edith家添齊傢俱再去多次吧。

忽冷忽熱.

前日廿六度，今日十二度，叫人點樣適應呢。

元氣大蝦.

元氣新推介，特大海老，九元一件。

慘跌.

匯控琴日跌左十蚊，今日再跌兩蚊，收市價44.2，
係近十年既最底價呢。

森記海鮮大牌檔.

放工去了觀塘，一個好地道既大排檔同舊同事慶生日。

食物水準OK，價錢合理。
唯獨衛生環境久佳，地道風味吧。

最後一人.

今日係成房人最後一個走，但係都係七點鬆D姐。

十二車連環相撞.

感謝上天既安排，拎我避開左十二車連環相撞既時間。
謝謝！

九龍城樂園,

今日再次幫襯九龍城街市既樂園。

個老細依然係好串咁，整到自好忙，唔得閒理你。

但係奶茶紅豆冰真係好好味呢。

老友籃球.

由細玩到大既波友係加拿大番黎幾個星期，
今日約左一齊打波，懷舊一下。

今日打完之後，又要等幾年後先有得再會了。

Cobol 2.

原來Cobol 2已經係一個好好用既Programming Language。

當年冇Cobol 2既時候，係冇得用WHILE、PERFORM VARYING、
IF EISE IF、SET xxx TO TRUE等。
見前人用好多Code去做一個Loop出黎，真係複雜呢。

六小褔.

今日一口氣改了六個Report Program。
由於六個都係一樣咁改，所以我都係將D Code Copy and Paste，
跟住一齊試就攪掂晒。

Cobol既幣處，冇得好似Java咁Inherit一D properties，
如果有，我今日改一個Program就掂了。

Field Runners.

呢期迷上玩iPhone既Field Runners。
佢係一個守城遊戲，目的係整D大炮火箭，
係敵人行到你個城堡果陣要隊冧佢。

大霧.

今朝好大霧，能見到好低呢。

琴姐派帖.

今日中學同學琴姐派帖比我地，恭喜晒！

長洲一天遊.

今日去左長洲行下，雖然六七年冇去過，
但係D路都係熟口熟面，冇乜變過。

食左魚蛋粉、紅豆糕、火熖雪山、大粒魚旦。
輕鬆的離島遊。

地球之友打波.

約左地球之友Kevin打籃球，
由於紅磡個場接左，所以我地番沙田打。

開頭贏左班小朋友之後一直都冇贏過，
原因遇到一個射波超準既人，佢仲要射五分波，
比佢玩晒啦。

Keyboard: 548412.

今日發現左我用黎做野果個Applications會記底
我禁左幾多下Keyboard。原來我一日會禁五十幾萬下，
唔怪得個Keyboard d 字甩色啦。

2009年2月18日.

6.4

三哥.

睇左新既學驚追撃，見到三哥， 又諗起我的舊同事 Dick哥，haha!

工作順利.

今日行Batch都尚算順暢，唔錯！

海角七號.

睇番早排既海角七號，覺得笑位都好多，
但係果個日本人寫封信比佢個女友，同埋果度攪隊Band出黎唱歌，
好似九唔搭八咁。

情人節大餐.

今年情人節冇出到街食，係家自家制大餐：
有生亳、魚生、壽司、長腳蟹同埋白酒！很豐富呢。

CLS.

通常我地改Program都會係每一行度加個標記黎做個識別。
正常既標記都會係自己個名或者係一D數目字。
今日比我見到有一加左CLS。

CLS 比我第一個感覺就係一個中文粗口，哈哈！
原來係Clearing Linkage System咁解。

啪啪子.

今日新聞有個17歲男，將啪啪子既火藥放晒入一個手榴彈模型入面。
跟住佢索K，玩玩下果個手榴彈，就爆炸，炸左佢七隻手指。
天意。

芝士火腿三文治.

食左兩個月吞拿魚治，今日試新野食芝士火腿三文治。
個人黎講唔係好鐘意果D芝士味，所以明天都係食番吞拿魚治吧。

衝突.

今日行行下Batch，發現有野死左。
同同事睇左好耐都百思不得其解，明明果度冇改過，
應該唔會出事。

最後發現其他Team同事改過果個Program，真相大白。

笨賊.

居然有人會係紅隧入面打劫的士佬，
真係天下第一笨賊。

成龍之波兒.

今日大伙兒去左Bernard家拜年、打機、食野。

大家測試PS3既Web Browser既時候，
我建議去Youtube睇成龍之波兒，當我以為大家都會笑既時候，
佢地睇到冇晒聲，覺得果個唱歌女仔唔知做乜咁。

是我心智未成熟覺得果D小電影好笑嗎？

奇幻逆緣.

今日睇了奇幻逆緣，呢D擺獎戲真係有D悶，會拎人訓覺。
雖然有Brad Pitt，但係做三個鐘真係悶左小小。

四眼佬.

話說我地小時候落樓下打波，有一個叔叔叫四眼佬，
同我地一齊打波，由細打到大，都有六七年時間。

今日去第一城打波，我地見到一個貌似佢既人，
謙哥一口咬定係佢，我話好似唔係，佢重係側邊大叫左四下"四眼佬"，
但係冇一隻眼應佢。

最後發覺真係認錯人，瘀到爆晒廠！

自己嚇自己.

話說我部機有兩個Wifi Client，
一個係PCI Card叫做 DWL-G520，一個係USB Wifi手指叫做 DWA-140。

USB Wifi手指係有燈的，我想停用佢再啓用番。
係不為意既情況下，啓用左DWL-G520，上番網之後行開行埋，
見到個手指燈唔著，但係又上到網，以為個手指壞左。

又Boot機，又蚊又插個燈都係唔著，係最無奈之際，
發現點解隻手指蚊左出黎都上到網咁邪既？？

打波.

今日打波，第一場都有小小勁，之後渣晒。

繼續行Batch.

由於係第一次行，充滿沙石，今日四點終於行完左了。

行Batch.

今日玩左冰島既Batch Job，感覺比地球既BS Batch簡單好多好多。
如果順利，行半日鐘就行晒，比起地球要行日半的快好多呢。

Touch Diamond Again.

小Kit都出了Touch Diamond，
我地每人加八元參加了1010好友計劃，
可以任傾電話同任玩視訊通話，
真係底！

有朋自遠方回來.

青梅竹馬既兄弟由加拿大番左黎，和他洗洗塵吧！