2004 大除夕.

今日係2004年既最後一天，
亦都係美玲係永隆既最後一天。

希望2004年唔開心既事永遠過去，
新既一年，新的希望！

雖然唔可以再係美玲身上學野，
但係我都學左好多，Thank You! ^^"

夜晚係屋企打邊爐，沒有出去同人迫，
又是另一番風味。

Happy New Year!

餞行.

今個月底31號就係我師傅美玲既Last Day，
今日我地Team請佢食飯餞行。

我地去左上次阿滴同安尼沙升職請食飯既泉章居，
但係景物依舊，
美玲走埋之後，呢圍枱又少左一個人了。

但係始終都係開心，因為美玲好事近ma，
恭喜！恭喜！

默哀.

為海嘯中遇難既人，默哀 ……
願他安息。

海嘯，世紀大災難。

前日既南亞海嘯，
比起恐怖襲擊恐怖幾十倍，
死傷及失蹤人數已超越五萬人，
預料會超過十萬。

別了，當日飄亮的地球；
我想，這是人們的代價。
別了，海嘯離去的人們；
我想，代價或許太大了。

嘩！海嘯！.

今朝一早起身，扭開個電視，
跟住去梳洗一下。

正在刷牙之際，聽到好陌生既名詞 — 海嘯。
即刻出去望下，但係就播完左。

出左街先知原來大單野，
禍及全球！
個海嘯係琴日印尼既地震引起，
全球有幾千人失蹤及死亡。

係咪穌哥係聖誕節向世人問責，
教訓世人呢？

Resting Day.

上個星期晚晚都出街咁滯，
對腳都有D頂唔順，
今日終於有得抖下。

一早起左身， 做 D 辛苦野，
跟住就係屋企 Relax 下，haha。

夜晚聽到印尼果邊大地震，
不以為然。

功夫.

聖誕節，去左睇周爺既功夫。
周爺既戲笑位就唔少得，
但係唔可以當係笑片咁睇。

今次周爺話想帶出警惡懲奸既信息，
同埋想抒發社會不公平既現象。
睇完都覺得佢係想講呢兩個Concept，
整體都唔錯，但係可以唔使入戲院睇。

平安夜.

今晚係平安夜，聖善夜。

今日我地公司就係四點半開始搞小食會，
我，艾域，阿傑同羅尼負責去 'Pokka' Cafe拎到會！
冇計，菲比姐叫我地成Team去'Pokka' wow ……
唔Pok都唔得la！

落左去Pok左成半個鐘 la，
最後得果一箱仔野，
四條友落去做乜 ……
算 la，唔使做半個鐘！hahaha

Pok完番去都差唔多四點半開餐，
大家係咁食係咁傾，
我地就播Team歌 — 'Uptown Girl'！
Finally, Sharply 五點半放工。

放工後，BB突感唔舒服，
嚇死我，消息稱佢又頭痛又嘔又剩，
好彩，原來係做到頭都大埋，
小小唔舒服，訓番一陣冇事。

食完晚飯就出中環果個冬日繽紛節。
多人到爆，入口入出口出，
癈話？果到真係咁癈 wow，
入口入，停又唔比停，相都冇得影多張，
係咁要人行，跟住就出口出，
都唔知做過乜。



跟住行左去海旁，
影左幾張相就等到幾個Freind出到黎。
渡輪番去尖沙咀倒數，度過平安夜。

食埋冬日糖水，番家訓覺覺豬 lu。

众.

聽晚就係平安夜，預左出去同人迫。

約左同朋友交換禮物，
諗住今晚最後衝刺，湊夠數，
點知成個旺角都係人！
個個商場都出現人潮，
最後都係乜都買唔到 ……

去左一間好得意既餐廳食晚飯，
個裝收係半邊快餐半邊西餐，
食既野就係中餐，好搞鬼。

。慶祝。停電。.

今日本來約左阿東同阿滴食飯，
點知柏納話請我地Team食飯，
慶祝人民幣咭正式投入服務，
咁唯有改明天先食 la！

今日去左稻香食野，
叫左整整一枱野！
大家食呀食，食呀食，
食極都仲係一枱野，
連大胃王伊竼都宣佈飽晒，
稻香真係厲害。
我地食足個幾鐘，跟住就班師回朝。

下午四點幾左右，
大家做做下野無端端個Mon一黑，
乜都冇晒，正當左家起哄討論之際，
有人就知道再總機Down左 ……
初步懷疑係果D整電師父唔知攪乜，
攪到電制跳左，成部總機熄埋。
有人見到果幾個師父神色慌張，
正在調查係咪關佢地事。

果邊急救緊，我地呢邊就得一個字：爽。
等等下，最後等到五點半，
終於都整番好，但係都係時候收工 lu，hohoho。
明天見！

漏奶.

琴日食完麥記，今日食番大家樂早餐。

果個阿姐都唔知點攪，
見到個杯穿左個窿仔都照Pack比我。

我番到公司以為自己拎得衰攪到瀉晒 la，
用紙抹極都係咁，
睇番先知原來個杯漏奶，
即刻就去Pantry洗杯，將杯奶茶install落個杯，
解決在件事。

食完早餐之後，重要抹番張枱執手尾 ……

十二蚊早餐.

今日麥記既十二蚊早餐係魚柳飽，
咁梗係早D起身出門口去買 la！
又平又好食，正！

唔知係咪前幾日玩得攰得滯，
今日番工好似冇乜精神咁，hohoho。

今日落去襟錢，比部機食左張咭，
唉，冇理由記錯密碼架wow，黑仔。

放工去左旺角行街，
買左件褸，好貴噢 ^^"

生日餘慶.

琴晚成兩點先訓，
今朝就要十二點去到尖東唱K，
梗係遲到啦，hohoho。
大家唔好見怪 la！

今日大家同我去唱Lunch K，
有阿彼、IVAN、Eric、阿鑫、Nicky、
Karine、Suki、Athena。
當然唔少得詩偉伉儷啦，hahaha。

唔知係太早定係大家都老左呢，
一來成10版新歌大家都唔識唱，
二來版點歌紙居然得三首歌，真係嚇人呢。

之後黎到送禮物時刻，
分別有Eric伉儷同Suki送左禮比我，
而Suki仲送埋聖誕禮物 tim，
多謝晒 ooooo！

禮物清單：
ISSUE 黑色西褸 by BB
AND1 波鞋 by 肥健
MonChiChi with 小狗衫 by謙哥
Marks & Spencer 領太 by Eirc, Karine
CitySuper 拍拍變色燈擺設 by Suki
CitySuper 香薰樽 by Suki
金莎朱古力 by MeiLing
巨峰提子汁 by Anisa

今年既生日完滿結束，多謝各位噢！

今日又係馬鐵試搭既日子，
我就搭左兩轉，覺得好似好過搭巴士，
又快D又平D。

Happy Birthday.

Happy Birthday!!

今日生日既行程係︰

• 早上番工
• 下午上山頂遊玩一番
• 夜晚入西貢食海鮮

早上番工就收到兩份禮，

分別係 —

• 美玲既金莎
• 安尼沙既巨峰提子汁

多謝晒！

收完禮物之後就一直都Hea住咁，

做左一陣野之後就放工，Yeah！

Lunch同BB去左水道橋食日本野。

整體黎講都ok，野幾好食，又唔係太貴。

不過最搞笑係我對面果位食客，

自己叫左個板壓壽司，

個壽司上左枱之後，

佢話貨不對辦，應該上錯左，

問一問個Waiter，

先知道原來係自己睇錯左，大頭蝦呢。

跟住去纜車站上山頂，

經過香港公園，見到好多人結婚，

同埋見我地對仔女做左人地車頭公仔。

撞撞下終於去到纜車站。

我都好似係第一次坐纜車，

估唔到佢咁快，一分鐘到就上到山頂。

第一個景點就係去動感影院。

真係可以用一個字形容：廢，

我諗呢個野應該改成只適合六歲以下小童 la。

之後去左信不信由你奇趣館，

入面勁多野睇同玩，

有鯊魚，印弟安部落，酷刑，世界之最等。

重有好多嚇人位同整蠱位，

我地兩個中晒招，hahaha！

玩完信不信之後就坐底食個Tea，

再出發去蠟像館。

蠟像館最好玩既係裏面乜都可以拎黎玩，

好似莎士比亞支羽毛筆 la，

果個畫家個畫版咁 la。

行完蠟像館，我同BB就要起程入西貢！

萬水千山之後，終於由山頂番到沙田。

搵埋肥健、謙哥一齊入西貢。

入之前出現小插曲，

就係有人Sponsor我地餐晚飯，Thx u anyway!

入到西貢，行左好多間海鮮檔之後，

就搵左一間比較物有所值既入去。

今晚肥健就出晒位la，

唔知做乜鬼佢開心到傻左，

係咁聊阿姐之餘，用手食完海鮮，

又用手食菜心，重'夾'埋比我同謙哥，

好惡心噢！！

食到飽飽之後就番屋企 lu。

係第一城等肥健女女等左成半個幾鐘，

等到呆左呢 ……

生日前夕.

哈哈，
聽日就到我生日，Yeah！

今日放左工諗住去買下衫，
聽日生日有得著靚小小咁 la，
點知行晒成個朗豪坊都買唔到，唉 ……
行到鬼咁攰之後，
BB就要同瑞琪同美西食飯，
咁我就番屋企食飯 la。

夜晚，肥健打黎話送份大禮過我，
咁我梗係叫佢即刻落黎 la。
盒禮四四方方，唔食得，唔擺得，
佢重話我唔岩比佢用都得，
咁我就估到係波鞋 na，超勁！

十二點既時候，
係屋企吹蠟燭，加埋大家既生日歌，
多謝晒！BB，肥健，阿哥，未來阿嫂。

學野.

美玲師父重有半過月就要走 na，
之後我地就跟敏姐師父。
好似唔好多過好，唉 ……

美玲今日林林嬸嬸咁教左我幾樣野，
話時話，我都唔知記唔記得晒呀，
不過就比左張A4紙記，
希望佢記得 la。

我家陣最驚係我一手操刀既一Set Programs，
美玲走左就得番我知佢做乜。
個 D Programs重要下年2月先Run，
到時都唔知我搞唔搞得掂。
原來做一個小System既In Charge都唔係咁易！

Confirm.

今日又係一個月只得一日既十五號！
ChiHuaHua！

帶著緊張既心情，究竟過Probation加幾多人工。
結果，沒有驚喜，人人五百。

早上出現小插曲 —
話說第二批新人出糧多過我地，
計計下佢地加成七百幾。
我即刻落晒型 la，落左幾分鐘之後，
都覺得冇計，唯有繼續做野。
後來發覺左佢地計錯數，
個人即刻番返黎，唔講得小，haha！

跟住我地每人供五十蚊去'糧匯'基金，
我負責去買野食。
我買左勁多野，應該可以食過年架 la。

怕羞花.

今日好平靜咁過左。
決定同大家分享之前影既一張相。

一朵含苞待放既花 —

Programmer.

畢左業之後就做左 Programmer。
日又對住部電腦，夜又對住部電腦，
做乜都係用部電腦做，
但係我又唔覺得悶 wow，真係奇怪。
能夠做自己有興趣既野，夫復何求。

早餐.

琴晚明明較左鬧鐘八點起身，
諗住去食個早餐番黎，有多D時間做下野咁。
點知一開眼已經係十點半，
雖然最後都食到早餐，但係食完都十二點幾lu。

回想起果時係Hall成日都係咁，
Dayoff諗住早D起身食早餐，
最後都係食唔到既，hahaha。

諗諗下又老唔晒，老左就訓唔到咁多呢。

生日既大計已經安排好！

工作一天.

今日星期六，係公司食Lunch，
雖然碗粥冇乜米，個炒麵又冇乜豉油，
但係唔洗錢，食乜都好 la，hahaha。

工作左一天，好攰，
番到屋企食飯都好似冇乜力咁，
唉，老矣。

今晚歡樂滿東華，
一開始就由汪阿姐唱左一輪歌，
唉，趕客。

夜了，睡了。zzZZzz

開心番晚.

繼之前兩晚冇涼好沖之後，
今晚終於可以開心番晚，
沖個靚涼，YEAH！

由於第一城個籃框比肥仔O'Neal'猛'Q爛左，
所以今晚移師左佢牛皮沙打波。
果度既框又真係矮左小小，
連我呢跳得咁矮既都'猛'到個框，
所以果晚我地係咁飛黎飛去，好不開心！

臨走果時同一個傻仔扮型打波，
都唔知佢做乜，瘦猛猛，學人除衫，
重著住人地D阿叔果D背心打，
重要穿窿tim，香港係咪貧富懸殊得咁緊要？

休息一天.

休息一天。

一波未平.

今晚放工番黎見到個水喉佬執緊D手尾，
諗住佢整完今晚都有涼好沖 la，點知 ……
爆水喉整好之後，個熱水爐又懷左 ……

唉，係灰晒既情況下，重要抺埋地執晒D野，
最後成九點先食晚飯，真係餓鬼死左。

Again ……
唉，今晚冇得用花灑沖涼，
要煲水用水桶沖，
係呢個寒凍既日子，
咁既情況 ……

爆水管.

今日放工搭車番屋企途中，
收到老媽子既消息，
話屋企爆水管！
電話中老媽子既語氣好緊張，
搞到我都大為緊張，即刻問嚴重程度。
老媽子話好彩佢係屋企，如果唔係成間屋浸晒。

出左街食完晚飯，
番到黎執好晒D野，
等聽日水喉佬黎整。

唉，今晚冇得用花灑沖涼，
要煲水用水桶沖，
係呢個寒凍既日子，
咁既情況 ……

耶穌.

臨近聖誕節，
做左成晚耶穌，
講左一番穌話，悶親妳 tim，
Sorry o~~^^"

我係我.

成日聽人話，
做人最緊要開心，對得住自己良心。

今日同BB講完電話之後，
覺得好難做到霑叔既 '我係我'。

好似我家陣呢份工作 —
我做得好開心，
一來人工算係咁上下，
二來工作又唔大壓力。
但係良心方面，
呢樹好似冇乜前途咁，
做唔到大事，
比唔到我第時既家庭幸福。

我要留係到開心，
自己顧自己，
就會辜負左我第時既家庭。

我要轉工變左唔開心，
搵多D錢，
就會比到第時既家庭開心快樂，
唔自私，對得住自己，對得住人地。

做人就係咁辛苦，往往不能自主，
能夠從苦中作樂的人，
就能夠真正找到佢自己既快樂。

追撃八月十五.

今日放左工就番屋企。
Lunch 去左吉野家食，
我試左果個蟹子三文魚飯。
唔知係肚餓定乜呢，
我覺得個飯好好味 wow，
重好快食晒成碗，haha！

食完就番左屋企睇VCD，
睇左追撃八月十五，
得個笑字，真係麻麻地。

跟住洗下風扇呀，執下野咁。
咁就一日。

BB去左邊，秘密 ……

美麗的新彊.

有機會一定要去一次！

六個月.

今日伊竼提一提，
原來我都入左永隆半年，
重過埋試用期，真係唔經唔覺。

半年前，剛剛畢業，
連COBOL都唔知乜。
今日關注已經唔係COBOL上，
而係Business Knowledge上面。

半年前，第一批新人，
今日已經係第四批新人。

沒有後悔入左City讀IS，沒有後悔入左永隆工作。

新同事.

今日有四個新同事黎左，
有兩個坐廿二樓，有兩個坐十七樓。
一個坐我前面，叫泰利，
一個坐西門前面，叫蓮達。
印象平庸 ……

今日我又換電腦，
個個走我都換人部電腦，
好似好衰咁，
唔知有幾多人係背後話我呢。
但係Benard話齋，
係公司既時間重長過係屋企，
係唔損人利己既情況下，
對自己好D都係人之常情 :P。
希望大家都明白我 la！

Thanks God!

Give me a chance to change my life by myself.

千山我獨行，不必相送.

走滴終需走！阿滴要離開永隆了！
大家最後都歡送阿滴，場面溫馨 o！

同佢相處左半年，由最初大家串串下，
到最後萍水相逢，成為好朋友，
都係一種緣份。
都係果句，後生仔特別夾既，
好難搵到一個大我幾年，
又冇代溝既朋友呢！

以後都聽唔到佢既 'Anyway' lu。
Anyway，佢咁掂，係要出去闖下既。
美玲話我係第二個阿滴，真係笠頂高帽落黎，
我地呢D得個樣，實際係掛羊頭買豬肉，haha！

安尼沙好似有D唔開心，人之常情。

阿東，域他，華D，阿滴，連埋我，
曾為永隆溫拿，今日各行其是，
實在係天命所歸。
(中左楚漢驕雄毒，寫野重係咁，唔知幾時先好番呢，haha)

阿詩語錄 <加把勁，各位兄弟！>

The Day Before Tomorrow.

明天阿滴就離開永隆，
係呢度做左幾年，
話長唔長，話短唔短，
唔知佢有冇唔捨得呢？
睇住佢執野，真係感覺到果種難捨。
冇法子，男子志在四方ma！

今日一口氣寫番四日既日記，
好彩我重記得幾日黎發生既事，haha。

BB你應以平常心去面對無常，
有時D野唔使諗到咁深入，
只會越諗越多，越諗越唔開心。
佢比野你做，你做好自己便成，
做得開心，做得完滿！

補祝Eric生日.

今日一早起身就去左 BB 屋企整電腦。
果個寬頻仔前後都講唔夠三句野：
問口果句：電訊盈科
入到黎果句：有冇櫈呀
最後果句：你試下得唔得
又真係比佢整好左wow，勁！

整完就去左剪頭髮，
去左旺角國美隔離間VCD舖上面間髮廊剪。
果間野我去過一次，
但係就唔記得左好唔好，
咁見佢就腳，就係果度剪 la，
跟住一洗頭就知 lai 野。
D洗頭小姐亂咁黎，頭都比佢R爆左。
就係呢一個R爆頭，令我回憶起，
上次黎都係咁上下服務態度。
跟住果剪頭髮師父又唔係好掂，
我已經要求唔高架 la，
但係我講既同佢剪既都唔同，
我有我講，佢有佢剪，唉 ……

剪完就同Eric食晚飯補祝生日。
我地去左王家沙食。
都唔知呢輪做乜，我地又分兩批人，
又好似上次南北和咁食左兩餐，
呢幾日真係肥仔。

還袍.

今日放左工番學校還袍。
本來以為要三點前還，
但係番到去睇到條龍水蛇春咁長，
咁梗係慢慢黎，影埋相先還 la。

影完一輪之後，
就拎住件袍去換番張畢業證書，
完成學士。

跟住去左BB到整電腦，
但係整唔到，明天再整。

.八點九。南北和.

今日輪到我地Bank Card Team同阿滴食飯 farewell。

今朝一早，由於今日要Transfer人仔咭既Programs，
所以我就霸左張Transfer枱，
跟住就有幾個人都話要Transfer，
咁我就比左我張枱佢地 Tran，
攪到Lei咁Hei，唉 ……

到左十二點食飯都未到我 Tran，
咁就梗係食左飯先 la。

我地一行人就去左南北和食野，
果到D野食都幾好。
由於我地分兩批人，
最後我地早去果幾個人食左兩餐，
飽到顛左。



食完飯就番黎，
進入漫長既 Tranfer 戰役：

我一人軍隊係三點出征，
之後加入左大偉做我副手，
阿滴做軍師。
途中我軍用左多種戰術，
最後揀左個最安全又最快既。

本以為我軍可以係七點攻下敵方，
點知敵方頑抗，
阿滴離軍之後，
我與大偉奮力痛撃敵方，
最終係八點九攻下 Transfer 331 大軍，
完成霸業。


八點九，冇人既Office....

人仔咭.

下星期我地銀行既人仔咭就會推出，
今個星期就要將所有野預備好，
務求做到零出錯！hahahaha。
好大壓力噢。

今日阿滴肚痾冇番工，
我地呢邊靜左好多。

今日負責大Down野，
好彩都好快搞點，ok la。

黃霑.

今朝一起身，電視機就不停播放黃霑既死訊。
雖然我唔係果個年代，但係都祝福黃霑先生。

本來諗住一個人落去食魚蛋粉，
避開俗世既眼光。
但係人始終要面對，
唔可以靠魚蛋粉過一世，
最後都係大膽一人係Canteen食飯。

過程沒有大不了，
只有硬著頭皮，快快手手食完離開。
唉 …… 其實很難！

好彩還有BB既電話陪我。

阿詩語錄<至少還有妳>

古怪.

今日本來諗住同伊梵落去Canteen食，
點知係Lift口撞到基斯丁、西門同偉文，
西門話一齊食，
咁我地就史無前例咁坐埋食飯。

始終唔係以前好傾的人，
成程飯我都冇乜講野，
同自己一個人食冇分別，haha！

但係都多謝西門既邀請，
Thanks！

多左一樣野忙，新的目標暫緩了。

他一個人.

他一個人，他不只一個人。

他有BB陪他食飯。
他有阿滴陪他吹水。
他有美玲教他知識。
他有安尼沙請食野。

他不會一個人。

打波.

闊別左籃球呢個朋友三個星期，
今日我地又可以係球場相聚。
諗番自己原來都打左十幾年波。

由中學到大學，
多數既籃球比賽都有參加，獎牌都有十數個。
由中學到大學，
都有加入籃球隊，係中七時重做埋掛名隊長。

由十一歲打波到今日廿二歲，
雖然體能已大不如前，
但係每次都感到自己回復當年勇，
真棒！

大佬.

今日公司有兩大單野：

單野一：
今日係我出生入死既劉老兄華D Last Day。
依依不捨既心情盡埋心中，
面上總掛住笑容，送別身邊既好兄弟！
諗別搭膞頭，盡在不言中 ……

單野二：
同大佬傾計，如我所料，haha！

放左工同BB行朗豪坊，
D人多到顛左，
我地重發現左係UA之後果幾層，
同潮流特區、聯合冇分別，
到底都係一個聳立於旺角既商場，
逃不出旺角既文化，可惜。

MatchToo, MatchFool.

今日11點到，收到域他既ICQ，
話一齊食Lunch，重約埋阿金、安尼沙同阿滴。
點知轉個頭艾域話同華D Farewell，
叫埋我一齊去食，
咁我梗係要陪我出生入死既劉老兄 la。
Sorry呀，域他，下次再同你食過！

我地一行人最後去左LangHam Place個到食，
成班行政要員咁行左入果間 MatchToo度食。

門口果度就寫住Set Lunch $30 起，
點知原來只係得雞翼拉麵係$30，
其他全部都起碼$45， SHIT~~~
我呢D窮仔梗係食最平果個 la。

間野貴重未係最衰，
D野唔好食果到真係要X佢幾百次，
湯又淡，麵又一舊舊，
真係以後比埋錢我都唔會食果間死野！

中六合彩.

哈哈哈！
終於到我中六合彩，Yeah！

咁大個仔第一次中，心情異常興奮！

等我計劃下D錢點洗先：
拎10%出黎捐，其他就食左佢la！

得出結果：
損出$2買旗
用$18買早餐食左佢！

中完六合彩，都係要番工 …… 唉

天下無不散之......水

得到兩位有心既朋友既扶持，
都總算平復番心情，
去面對與他們餘下相處既日子！
多謝晒！

今日安尼沙放完大假番黎，
佢去左日本旅行，
買左好多野食番黎比我地分享，haha
多謝晒！

安尼沙番左黎，大家又好似以前咁開心！

金剛.

~ 無堅不摧，鐵石的心，也盡碎 ~

與我最要好的人走了 ~

和我最夾的人要走了 ~

對我最好的人都走了 ~

華弟同我玩過，我唔拾得！

阿滴教過我既，我帶係身！

美玲既一番話，我會記住！

人地既心情就七上八落，

我既心情由琴日開始就七落八墮。

信念沒有，醒過來，向新目標進發吧！

域他 Last Day.

今日係另一個老死，Victor 既 Last Day.

自從阿東走左，加上杯葛事件，
域他同華D就係新人黎講我既老死，
日日吹水，食野，D時間先過得咁快。

加上Victor係我既大師傅，
有咩PC既問題唔掂都可以問佢，
真係好！

阿東走，Victor走，
攪到我都諗下呢間公司係咪真係唔掂。
但係我重有一個信念 —

阿滴曾經講過：呢度咁好，都唔明D人做乜走既 ……

夜晚同BB食飯，講講下真係有D感觸，

但係冇事既，希望在明天！

拜老豆。

今朝同阿媽去拜我老豆。
今次係因為我終於大學畢業，
著埋件袍，帶四方帽比我老豆見下。
雖然唔係港大中大畢業，
但係我知佢地兩個都好開心，
因為我重記得我中一考到全級第一，
我老豆同我一齊去拎成績表，
佢第一次係我面前笑得咁真。
我到今日都記得佢既笑容，
雖然人唔係到，唔可以同佢影一張相，
但係知道佢在天有靈，都滿足 la。

拜完一朝，下午係屋企執野，
將我成間房既Lego收埋晒，
變左放下相簿，相架，盆栽咁，
Very Nice！

半日工.

今日星期六，又要番工，
點解我公司冇長短週架？

放工，攪下呢樣攪下果樣，
成五點先番到去。

見到BB媽媽，第一次見佢咁耐渣。
不過整體個Image都唔錯。

BB媽媽：唔，OK la！

hahaha
番到自己屋企都九點幾 lu。

險些遲到.

今朝叫完BB起身，跟住如常較左七點半鬧鐘。
到左七點半，我又襟熄左個鬧鐘訓番。
再黎已經係八點三，BB打黎比我，
話我知佢出左門口。

我九點就要番到公司，真係大鑊。
用左五分鐘梳洗就出左門口，
頭都冇Gel到。
去到巴士站好彩岩岩有車，
但係就遇到輪椅上車 ……
攪左一輪終於開車，
最後都準時到公司，
但係就比人話變左 MonChhiChi 頭之ma！ haha

夜晚幫BB姐夫整電腦，
用左三四個鐘，都算整好左一部機，
但係都係整得唔係咁好 ……

下次再整過！

二OO四年十一月.

今個月有四日公眾假期，正！

依舊.

琴日行左畢業禮，
象徵式完成左學業，
正式投身社會。

但係工作將近半年既我，
今日番到公司一切依舊︰
早上依舊食早餐，
同事依舊好玩，
話題依舊得一個 ……

但係做人要低調D，
唔係就四面樹敵，生活艱難 na。

大學畢業.

讀左十幾年書，
今日終於正式行禮畢業，
完成人生第一個里程。

同阿媽阿哥一早起身番學校，
食完早餐，約晒D同學，就一齊入Hall行禮。

到我上台行禮既時候，
我梗係挺直條腰，慢慢行，
扮晒鎮定咁 la，唔會再UnUn下架 na，hahaha。
難得我大個仔，唔緊張，
重同校張四目交投，再黎個鞠躬禮，
我比自己100分架，hahahaha！

行完禮就同Kit一家影相，
又是一個開心既回憶。

再黎同IS同學玩，
又拋帽、又拋人，勁開心，Yeah！

走果時見到有Year 1係度嗌莊，
諗番三年前自己都傻仔過，
唔知將來重要做多幾多次傻仔呢？

忙足一天.

今日係安尼沙放大假既第一日，
BS就得番我同美玲。
D Technical 野就重要係得番我一個tim，
行Batch、改Program、Transfer，成日無停過。
呢次真係大鑊，重要捱多七日，
做死我地兩個na ……
好彩明天請左一日假番學校行禮，
美玲，靠晒妳一日na，hahaha。

做左成日野，夜晚就去見下人，食下飯，
好不緊張，希望留下好印象 la。

大戰O'Neal.

今日去左打波，真係唔認老唔得，
跑兩跑就冇晒氣，加上前日打完之後，
D老骨頭都未完全復元，
條腰真係唔係好掂，haha。

今日重要比個O'Neal一掌擊落，
我成個達左係度，
好彩我D輕功勁，冇乜大礙。

睇黎都要休養一排先掂na ……

恍然大悟.

琴晚寫完日記之後，
收到阿東既電話，
跟住所有疑團都解開晒。

原來一切都係因為人醜陋既一面而起，
與任何人無關，一字記之曰：醜。

事情解決左，
我又開心番同屋企人同死黨番學校影相。
今次畢業相第二炮，比第一炮好玩好多，
加上媽媽、同哥哥都黎埋，
攪到影結婚相咁，hahahha！
後來，我重用我既鐵頭功響City Podium個鐘，
我諗係前無古人既創舉，Yeah！

久違了既搗蛋三人組，
風采依然，勁！

黑口黑面.

經過琴日一役之後，
今日番工都番得唔係咁開心，
個個黑口黑面，
何苦？

不過，被人討厭總比自己討厭人來得輕鬆。
Anyway ……

人心.

今日成日都忙野，
冇乜時間同阿滴、安尼沙傾計，HaHa。

遭到由太后率領既十萬雄師對付，
我地支義軍完全崩潰，變得孤立無援，危險！
華D係我地唯一既生機，靠晒佢na。

冰霜薄，人情更薄

華山險，人心更險

一切以平常心吧！

大偉大戰阿滴.

今日早上都係如常渡過，
只不過美玲晏左番，
我就比較得閒D，hohoho。

但係到左下午，
就上演左大偉大戰阿滴。

話說入左WLB已有三個多月既大偉，
已累積左一定既經驗值；
另一面，阿滴都係個多月前升左level。
兩雄相遇，大偉不停與阿滴交鋒。
連日來不停駁火(咀)，已到了白熱化，
今日阿滴終於使出絕招，立軍威！
大偉冇功而回，最後涯到六點。

我同安尼沙只有隔岸觀火，樂在其中，haha！

九巴.

上次遇到巴士秋之後，
今日放工坐巴士番屋企，
又比我遇到怪事。

話說果架九巴係舊式白色冷氣巴，
我就坐係下層司機位對面果排，
門口入黎第二個位。

坐低之後我就合埋眼訓 la，
點知訓訓下右邊有一種無型既壓力，
原來坐係我隔離果男人訓著左，
重傾左果黎我果邊，掂到我膞頭咁滯。
咁佢又掂唔到我，我就冇理佢 la。
點知佢條友訓到顛晒，最後真係挨左落黎，
我梗係一個發難，用個膞毫不留情咁頂開佢 la，
好知頂'luck'左佢個眼鏡，hahahaha
跟住我扮訓冇望佢，佢之後就冇再埋黎。

眼鏡挨膞佬之後，又黎一個屎忽佬。
條佬都唔知企乜，個屎忽係咁黐埋黎我隻腳到。
唉，攪掂一個又黎一個，不過見呢個阿叔冇得坐，
算 la，唔再大開殺戒。

下次都係坐樓上好D。

阿詩語錄<得饒人恕且饒人>

買電腦.

今日成日都有D頭痛，
唔知係咪朝早比架巴士個冷氣吹親。

今日lunch同華D、域他、大偉去左旺電，
華D要出番部腦過穩下。
去到旺電三樓盡頭既一間舖，
比果個肥仔Sales講到我地頭到爆埋，
原本已經頭痛，再痛幾乘。
加上大偉既'得得位'，最後死埋，唉。
好彩，最後都可以係兩點前完成Mission，
如果唔係 ……

番到公司，頭繼續痛，
野繼續做，不過都冇乜精神，
好彩華D比D餅我食下，
如果唔係都頂唔到，
見唔到放工既日落呀。

衰人.

今日一朝就做左衰人，
Sorry....

去曬相既途中，
有一班人係條行人路玩搖空車，
重要係拖頭貨櫃車，
阻Q住條路，班友重以為自己好In好型，
差D我就一腳踢落去，好彩佢冇剷埋黎。

晚飯同阿媽食麥記，感覺總是怪怪的，
真係十幾年冇試過，Nice Memory！

畢業照.

今日番左去City影畢業照，
帶左自己對仔女之餘，
又見番好多同學，正！

我地係Podium影完一陣之後，
就去左超多人既U Circle影。
跟住去左羅馬影，
去到羅馬之後，我地終於齊人na，
影多幾張之後，就去CCIV出面影。
影完之後，有幾個friend要走lu，
跟住我地上番IS Lab影。

我同Ivan同Suki入番Project Lab影相，
順便懷念下Final Year係度辛苦既日子。
Ivan，Suki，你地唔使唔好意思既，
一個人食幾多著幾多，整定既，
結果係點都唔係你我Control到ma，
一齊努力過，一齊玩過咪得lor~係咪！

同BB番左屋企之後，
去左百人一朱食野。
野就唔係好食la，又貴，
但係一班人可以傾下計吹下水，就底番la！

番到屋企諗番原來重有好多地方未影，
下星期再黎過！HaHa

匯隆午餐.

今日同域他同Patrick過左奧海城，
同機分黎一個誇行聚餐，幾型呀！

話題總離不開那一個，為何？
我想，不可再這樣子了。

大偉駁人既技量真係爐火純青，
連滴都差D敵不過，西厲！

去南丫島Camp，買晒零食，
係公司拎去，好D咩？

真係日日都有趣事 ……

滴、安尼沙請食飯.

話說上期滴同安尼沙升職，
跟住話請大家食飯慶祝一下。

點知柏納，伊竼相繼放假，
攪左成個月，
今日終於等齊人去食飯na！

我地一行十一人去左泉張居，
一路食一路飲，
我同艾域係咁溝茶飲，
最後溝左隻水香洱出黎，超勁！

滴同天物飛就討論相機學問。

其餘時間都係以大偉為中心，
佢既地位真係冇人取替到呢！
HaHaHa

休息一天.

今日休息一天.

巴士秋.

今日放工搭巴士番屋企，
有條友勁煩，不停咁同佢阿媽講野。

犯人係一個中年男人，
操鄭少秋口音，
與同黨阿媽，老婆一同犯案。

犯案手法係不停咁讚自己買左個飛利琴浦17寸Mon：
話買個時得番兩個黑色都比佢買到，講左三次。
話自己買平左三百蚊，講左三次。
話買左個Mon係屋企做野好D，講左兩次。
其餘時間不停講野，勁煩。

最勁九UP左一條道理出黎 —
有時D野你越緊佢，可能就會蝕底架la，
好似我如果前幾日落左黃金買，就蝕左三百蚊la。
你越唔緊佢，個天又唔比你蝕底wow，
又比我慳番三百蚊，世事既野就係咁，整定。

都唔知佢講乜，小弟自問都成日吹水，
今日都要甘拜下風，唉。

番工放工.

個大Project完左之後，
呢兩個月都係Testing既階段，
日日都冇乜野咁，
番工放工，番工放工，
有好有唔好la。

約好晒十個人番City影相，
以為真係可以十二個人都約齊la，
點知Yoga同Lawrence唔得閒，
唉，泡晒湯，都係求學時期最好。

出生所.

今日去左深水步高登行下，
順便帶部相機郁下。

呢間就係廿三年前，我出世既醫院na！

英記火鍋.

今日工作左一日，放工就去左英記火鍋食野。

呢間係西區好出名既火鍋店，
真係好正，D火鍋料新鮮之餘又好味，
又有一殼墨魚肉比你自己整墨魚丸，
鐘意幾大粒都得，加上有象拔蚌、海膽呢D正野，
真係唔講得小。

最衰妳要補習la，如果唔係可以一齊黎食ma。
有機要同妳去一次先得！^^"

三年之後.

前年既呢個星期，我係果度 ……

上年既呢個星期，我又係果度，但係角色不同了……

今年既呢個星期，我都係果度，角色又不同了……

三年之後，明年既呢個星期，我會係邊呢？

阿詩語錄<人會大，時間會變>

龍鳳門.

今晚去左睇龍鳳鬥，我比80/100分。

雖然又係劉華加Sammi加杜其峰，
但係今次帶出黎既Message又唔同左。

大致上係：

錢同感情既決擇、兩人一齊既溝通坦承、要珍惜自己所擁有既野

雖然以上既道理好多人，好多情侶，
好多夫妻都知道，覺得係老新常談，
但係就往往因為一D小事，而違背左呢D道理，
到左最後就失去左好多野。

人係要人提醒既動物，
希望大家都唔好係不自覺咁走錯方向 la 。

阿彼番黎lu.

行左成日Batch，有D悶tim :P！

阿彼係英國番左黎lu！

阿東lunch打電話黎，傾左一陣！

番埋聽日放假，YEAH！

講風水.

下年就係雞年，今日講下雞年流年風水佈局。

正東：二黑病符位，大門、睡房在正東，容易生病。
化解：風鈴、音樂盒。

東南：三碧爭鬥位，易有爭鬥。
化解：粉紅色的物件。

正南：八白財星位，有利財運。
佈局：一杯水。

西南：桃花位，有利桃花。
佈局：一杯水，旁邊放一個金屬發聲音樂盒。

正西：武曲位，有利文職以外的人。
佈局：八粒白色的石頭(升職)，一杯水(財源廣進)。

西北：五黃大病位，大門、睡房在西北，容易有嚴重疾病。
化解：風鈴、音樂盒。

正北：喜慶位，有利婚姻、添丁、升職加薪。
佈局：盆栽擺設。

東北：七赤星，催財催運。
佈局：一杯水。

中央：文昌位，有利進修、在學人士。
佈局：四支富貴竹。

大閘蟹！

-- Today is 2004/10/18 --

今個晚上同女朋友去左食大閘蟹，
我地兩個都係第一次去酒樓食呢。

跟據食鹽多過我食蟹既一個女師父陳述：
呢個時候既大閘蟹重未係時候，
有D白色既地方未變晒羔，
所以D蟹唔係咁多羔呢。
(信住佢先la，hahahaha)

食完之後都覺得冇乜特別，
之不過個D羔又真係好正既，
但係好鬼麻煩，食一隻都要三幾個字，
攰到死左 ……

除左蟹之外，個餐重有 —
蒜容飽with蟹粉
雞湯燉翅
蟹粉小籠飽
清湯時菜
糯米飯
薑苶湯圓

我地覺得除左個翅之外，其他都麻麻地，
尤其係個小籠飽，廿二蚊一個，
都唔係話超級好味既！

原本個餐只係每人兩隻蟹，
但係個經理攪錯左，係我地食緊第二隻既時候，
又黎多兩隻，跟住我地都係冇要到la，
心諗食咁多唔掂呀大佬。
不過後來又覺得唔底，打包都好ma！

最後食到勁飽，Thanks!^-^

街名由來.

今日諗住去圖書館溫書，點知帶錯左書，
咁唯有拎本香港街道趣談睇下la！
原來都幾得意架wow：

赤柱
傳說過去這一帶遍生木棉樹，
那高大挺拔的樹幹有火紅的花果。
因此，時人稱這塊擁有紅花大樹的地方為赤柱。
赤是形容樹的花；柱是形容樹的幹。

黃泥涌道
黃泥涌道位於跑馬地北部。
黃泥涌的由來，是因為跑馬地區以前有一條黃色的小涌，
每逢大雨，小涌便會將源頭的大量黃泥帶到涌內，
結果連涌水也變成黃色，居民於是稱它為黃泥涌。

七姊妹道
七姊妹道位於北角汽車碼頭渡輪一帶。
七姊妹昔日為一海灘，灘上有七塊大小依次
排列的礁石。據說，從前港島有七個妙齡少女，
自幼一起長大，結拜為姊妹，相約今生今世都不嫁人，
大家相依終老。不料，三妹的父母強迫她出嫁，
三妹不從，最後以死明志。其他六姊妹為了實踐結拜的誓言，
遂一同投海自盡。她們的屍體遍尋不獲，但次日即見七塊
礁石出現於水面，故得名七姊妹。

.番City(一肚氣).

今日下午番City拎畢業袍，本來好開心既，
後來被果個阿姐激死。
話說我拎完件袍之後，發現個扣有D鬆鬆地，
攪到件袍扣唔實，咁諗住番轉頭換過件la，點知 ……

阿姐︰件件都係咁架wow，冇得換wow！
阿詩：下，我個同學果件唔係咁wow ……
阿姐︰個扣鬆左自己釘番la，我地收番D衫番黎都係咁釘la！
阿詩心諗：(你梗係要釘 la，唔使你做呀！)
阿詩：咁你有咁多貨做乜唔可以換比我？
阿姐：咁你唔係穿癃冇得換架wow，個個都話個扣鬆拎黎換，
咁咪好唔得閒！
男人插咀：你換左之後，咁哩件邊個要呀？
阿詩心諗：(嘩，你玩晒 la，咁多人黎圍我一個'學生'！
重要諗住我換完，又摺番好比第二個呀？)
阿姐：你自己番去釘番 la，冇得換！
阿詩：喔，咁有佢，唔該！
阿詩動作：(從阿姐手中搶回，怒火中燒，轉身走人)
阿姐背後細聲講：咁既學生都有既 ……
阿詩心諗：(喂，話晒我都比左一百蚊，加上我畢左業 la，
有全職工作，今日我係你個客人！)

CityU 咪年年比你呢D人影響聲譽 lor！

自己諗下，睇多D華仔既廣告 la，阿姐阿哥！

..升職加薪..星座大師..

升職加薪

今日一早我地公司就好熱鬧，
因為又有一批同事升職 na!!
恭喜恭喜!!

星座與面試

地象星座
金牛座、處女座、山羊座
地象星座的人做事踏實，不愛賣弄花巧，
會讓對方覺得你可靠、誠實。
不過，你的應變能力較差，如果對方問你一些刁鑽的問題，
你就會不知所措，所以事前要多訓練自己的應變能力。

火象星座
白羊座、獅子座、人馬座
火象星座的人熱情、開朗，面試時總是帶笑容，
能夠給人精神奕奕、熱愛工作的印象。
不過你比較粗心大意，面試時容易帶漏文件、又或遲到，
所以一定要謹慎一點，做好準備工夫。

教書.

今日Lunch我做左小老師，
教MeiLing同阿Dick Object-Oriented Concept，
其實我都唔係好記得D野架，希望冇誤人子弟 la！HaHaHa

調位在明天。

原來青出於藍入面果個Miss Wong係叫阿詩wow，
做左女人tim。

行UAT好大壓力呢，
希望唔好累到MeiLing同Anisa幫我執手尾la。

阿東入左大公司好似去左地獄咁，
冇晒番工既樂趣 lu ……

阿詩語錄 <得失總有時>

伊竼好惡呀.

今日Ivan唔知係咪食左火藥呢，鬧阿強呢。

上次食左半條三文魚都係$75，真係底wow！
我諗有十盒百佳買到果D咁多la！

社交圈子又大左，朋友又多左，同事又多左，
大家都各有各忙，好難聯絡lu。

阿東好似好慘wow，乜逗多兩個月既人工，
真係差咁遠咩?

同自己Team既同事越黎越融洽，氣紛很好呀！
唔知阿強黎左會點呢 …… ^^"

記事一則.

知道阿東過左果邊，跟左陸Sir，我都放心晒na。

阿強想調過黎我地呢邊，唔知得唔得呢？
如果得，我好大可能就要坐阿東個位na！
邪位？邪人？

晚上去左圖書館溫書，今次要努力D考番個OCP先得！

.離開..風水位..人.

今日係阿東 Last Day，再見了！

本來我想調去阿東個位，但係MeiLing話個位邪，個個坐完都走，
(因為有兩個新仔坐完都走左)，
佢驚我走左之後冇人分擔佢D工作量，所以都叫我唔好調住lu。
(咁似講緊鬼故既，hohoho)

阿東走左，本來諗住佢部PC可以留番比我，
咁都開心番D，點知域他佢部機唔掂，
咁阿東部機就要比佢na。
正當我唔開心之際，MeiLing幫我口，話留番個Mon比我，
咁我梗係LeLeLaLa開心番la!! 終於輪到我有大Mon用na~~YeaH!
Thx MeiLing!!!^^"

人？可怕？假面具？間間公司都有？如何面對？

開心D la，鄉講人！

中央圖書館.

第一次去中央圖書館，
感覺︰金玉其外。

第一次去維園Farm，
感覺︰垃圾擺賣。

兩個第一次去既地方，
沒有驚喜，只有驚訝 —
做乜香港星期日四圍都係賓妹既 ???

星期六.

原本諗住今日同女朋友過得咁輕鬆，
加上冇乜特別事發生，
偷懶係日記寫一句 'Nothing Special'，
點知比阿Calvin哥Mon到我個日記，
咁冇得懶 la！

Nothing Special..
Nothing Special...
寫夠兩句，比足面我兄弟阿東！HaHa

P.S.
妳要比心機讀好D書，有左目標，就唔可以輕易發棄架na！
我會全力支持妳架，陪妳溫書，加油呀！

八點收工新紀錄！

今日成八點先收工，攰死左 ……

聽到一個咁既消息，又開心又唔開心，只有面對。

又多一張相係我張Wallpaper到na。

忽然覺得自己係呢間公司工作幾年咁，睇住人事既變遷 ……

我既命運係升定係離呢？

相機學問？

最近買左部新相機 Panasonic FX7。
宜家大個左，對相機既學問都濃厚左。
今日係Pantry問下個同事，相機學問！

光圈
光圈由一個F值去代表，

F值越大，光圈就越細；相反，F值越細，光圈就越大。

光圈係用黎控制光源，若果光源唔夠，例如係夜景，
咁就要大既光圈，比部相機可以係同時間吸多D光，
咁張相既景物就會清楚D，唔會黑蚊蚊。

快門
快門好似我地個眼咁，你聽到部相機 '卡擦' 聲即係好似你眨眼咁。
快門一開一刪 (等同眨一下眼) ，
就會將眨眼之前既影像放到Memory Card，咁就影左一張相！

快門開刪有快慢調較，慢既快門適合係光源唔夠既時候用，
原理係比多D時間部相機吸光，
同樣係吸多D光令張相既景物就會清楚D。
但係由於影像唔係快速咁放到Memory Card，所以會被手振影響！

光圈同快門可以互補不足
大D既光圈可以比部相機可以係同時間吸多D光，
咁所以快門唔使咁慢都可以係光源唔夠既時候影到靚相，
咁就可以避免手振影響張相na!

景深
景深即係相機能夠拍攝背景與主體幾遠既距離。

景深淺即係相機拍到既背景會比較矇矓，
相反，景深深即係相機拍到既背景會比較清晰。

影響景深的因素
光圈
光圈大，景深淺
光圈細，景深深
炮長
炮長D，景深淺
炮短D，景深深

(以上既理論，未必真確，純熟參考)

漏石油氣，疏散！！

漏石油氣，疏散！！

今日番工做左個幾鐘野，跟住有人話聞到怪味！(10:00)
跟住有好多人都聞到，攪到我自己都聞到！(10:08)

個PM好鬼緊張，又話唔好開風扇，又話唔好打電話，又話唔好剩咁 …… (10:15)
咁攪左一輪，大家都攪得冇咁大味，但係PM就話我地慣左，其實就重有味！(10:25)
為左大家著想，決定疏散！！(10:30)

我地一行三十幾四十人就係咁係銀行中心行到麥花臣球場，之後 …… (10:40)

等 …… (11:00)
等等 …… (11:15)
等等等 …… (11:30)

等乜呀？
應該係等食飯o瓜。
可能等運到o瓜。

最後等到十一點七，終於等到放飯 ……

大家估下我地成朝做過乜？