學野.

今日繼續攪果個加額Program，
本身我都係跟住User個Requirement寫Program，
點知原來個Requirement本身已經有漏洞，
所以個Program跟住佢就出現錯誤。

後來問番User先知原來有第二D更快既方法，
去達到同一個效果，真係唔講都唔知，
果幾個Database既Fields我做左年幾都未用過，
D User重熟過我地，真係有D尷尬。

我地呢D P仔都係要比心機浸下先得喇。

大休.

琴日打波打到成個人散晒，
手又斷，腳又破，
今日都要大休一番，早抖。

男子組.

今日係我地大學畢業後第一次約番埋一齊打波。
大家都不復當年勇喇，
好似林海峰首歌男子組話齋：

呢班波　當打時期　攞小型球金牌
呢場全挽鞋　大啖白泡嘔得快
口水都乾埋　踩波車拗柴
乜筋都抽過晒　佢淨係打winning快

最後我右手手指公同左手手指尾穿晒魚蛋，
右腳腳板底Luck左成塊皮，真係見笑……

公司規矩.

公司幾個月前因為內部私隱既問題，
係文件來往上加左好多手續。

有好有唔好，
但對我地Application Team黎講真係麻煩左十倍。

宜家就有一個I/O制度，一個鐘就有一次文件既交收。
如果我地要交野比唔同樓層既高層簽名，
就要捕住D交收時間，好似睇船期表咁。

一個鐘後終於等到有人出件，都算放心晒，
點知成份Document入面有一張漏簽，
上面就等一個鐘一次既I/O比番我地，
我地攪番掂又等一個鐘一次既I/O，
真係講都講到我覺得好煩，
咁就來回三個鐘，呢D真係白費時間既好例子。

Production Support.

今晚咁大個仔第一次做Prodution Support，
都係為左果個Credit Limit Increment Program。

由於唔熟TU既關係，佢地改左野我地又唔知，
我地用番上年既方法做一條Interface File比佢地，
就係咁死左……

Operation凌晨五點幾打黎，我用左五分鐘先回到魂。
我第一個反應梗係叫佢清左條File，Resume番個Job先，
但係我又諗可唔可以照出TU呢。

係博唔過之下都係清File穩穩陣陣，聽日先算。

負擔.

人大了，肩膀也寬了。
是自己的人生經驗令肩膀寬了，
還是工作令肩膀不得不寬大呢？

負擔是大個仔的象徵吧。

墨屎.

呢期手手腳腳都有D墨屎生出黎，
唔係係咪老人斑呢，呵呵呵。

不過身體唔好都可能會有D咁既現象，
真係要小心身體先得呢。

Program Tuning.

呢期攪緊一年一次既加信用額Project，
上年拍阿滴一齊攪，阿埋有美玲既指點，
都總算平平安安攪點左。

今年拍住阿強，有自己指點自己，
再加上今年既要求多左好多，
實左感到吃力。

寫好左個Program又行成三個鐘先行完，
搵阿和幫手睇下有冇得Fine Tune等佢行快D，
又冇乜大幫助……

三個鐘又三個鐘，三個鐘之後又三個鐘。

Rest Day.

琴日又睇戲又睇演唱會，
今日係屋企休息下隻眼先。

草猛林狗.

今日同阿豬媽同美西一班親戚朋友睇草猛林狗Show，
我就對草猛冇乜興趣，主要都係想聽下林狗發乜Up風。

跟住發現左好多人都同我一樣，
草猛出場大家都冇乜反應，
反而林狗出場就全場氣氛高漲，風頭一時無兩。

演唱會其間悶悶地週圍望，
見到有一個肥妹係度狂跳狂Fing頭，
重好睇過草猛，比佢笑鬼死。

後尾Encall再Encall，攪到十一點九先完，
真係底睇。

晦氣.

打工仔工作壓力大係香港既特色，
所以大部份打工仔都皮質醇過高，心情暴躁。

今日由於要推出其中一個抽獎計劃，
所以我同敏姐都嚴陣以待，務求盡早完成。

四點過後，我地開始祈待Operation行我地果Set程式。
等了又等，等到五點都冇乜起色，
於是我膽粗粗打上Operation問下果Set程式可以開始未。
點知被人發晦氣，話每人都係得兩隻手，邊得閒做咁多野……
跟住就話得閒幫你做啦。

我收左線之後即刻要叫聲佢大哥先，
要佢地做野重衰過乞錢，真係唔該晒。
輸入一句指令都唔洗用四隻手指，
最多都係用廿秒，佢地班大哥真係忙得好緊要呢！

最後我同敏姐就冇打上去吹佢地，
等佢地得閒幫我地攪，等下等下，九點先收工，
真係要幫公司多謝佢地，令兩個員工係度白等兩個鐘先。

BS.

做左成年Programmer，
係Bank Card System混足成年，
覺得自己做既野萬變不離其一。

• 新年消費雙倍現金回贈連大抽獎
• 暑假消費雙倍現金回贈連大抽獎
• 秋季消費雙倍現金回贈連大抽獎
• 月結單大大小小既修改
• 提升信用額客戶挑選
• 大大小小既迎新禮物、抽獎、現金回贈

Bank Card System 看似沒大不了既系統，
但係每次有新既Product推出市場，
Bank Card System 既改動又係最多。

吾以為BS乃雞肋也，吾似是雞肋骨腱吧。

迎新禮物.

今日我地銀行又上左報紙，
但係都係因為D衰野先有得上。

上次就係因為警鐘誤嗚，
今次就係因為信用咭迎新禮物唔夠吸引比人批評。

生果日報搵左幾間既信用咭迎新禮物黎做比較，
結果發現我地銀行係排行榜上佔據左頭兩名，
而呢個係最差禮物排行榜……唉。

20051018.

~二零零五年十月十八日~

今天沒有華麗的晚餐

今天沒有豐富的禮物

今天沒有特別的驚喜

…今天只有我共你…

唔好餸.

呢期Canteen D餸真係呃晒錢，
菜多肉少加滾湯，
一係就整碟蛋加碟菜咁，攪咩呀……

結果就要食零食黎E肚，真係無奈。

新錶.

今日勁開心，收到咁大個仔既最大份禮！
仲要係阿豬媽送比我！

Com 沙! Mock Mock Mock!

超賤.

有一天，一位其貌不揚的男士，帶著一位十分豔麗的OL，
來到Causeway Bay一家LV店。
他為OL選了一價值6萬5元的 LV handbag。
付款時，男士掏出支票本，十分瀟灑地簽了一張支票。
店員有些為難，因為這對夫婦是第一次來店購物。

男士看穿了店員的心思，十分冷靜地對店員說：
"我感覺到，您擔心這是一張是空頭支票，對嗎？
今天是週六，銀行關門。
我建議您把支票和handbag都留下。
等到星期一支票兌現之後，
再請你們把首飾送到這位小姐的府上。 您看這樣行不行？ "

店員放了下心來，欣然地接受了這個建議，
並且大方的承諾，遞送 handbag的費用由該店承擔，
他本人將會親自把這件事情給辦妥。

星期一，店員拿著支票去銀行入賬，支票果真是張空頭支票！
憤怒的店員打電話給那位顧客，客戶對他說：

"這沒有什麼要緊啊！你和我都沒有損失。
上星期六的晚上我已經同那個女孩上床了！
哦，多謝您的合作。 "

老鬼打波.

老鬼去打波，籃底AirBall。

真係唔認老都唔得喇……

老本行.

今日開月會，照例我地CardTeam一班佬都係企埋一堆，
聽下呢個月會咁。

今日大佬又再提出二百蚊攪活動呢個話題，
呢個話題大大話話都講左幾個月都冇人理，
大佬話今日月會完之前點都要有一個建議咁。

經過各位高層既工作報告，月會都差唔多完，
大佬就話要整一個活動小組出黎攪掂果二百蚊佢。

呢D情況都係你推我讓咁，每當有人比大佬講左名，
我地就拍晒手、起晒哄咁，目標就係自己唔好比人點相。
選到咁上下，大佬話要揀個男仔，我地即刻退晒堂，
佢班友岩岩有個位有得暱，我就企晒出黎咁，
都心知不妙，唯有唔望大佬果邊。

最後都係比人叫左名，果班友即刻彈出黎拍手，
真係比人出賣晒咁，唉……^^"

Happy Allohah.

呢期森美小儀架勢堂有一個叫YM暗戰既遊戲，
佢既玩法就係首先講一個故仔，跟住就講出一個英文代語，
好似oic呀，cu呀咁様，而每一晚都會選三位最有創意既參加者，
每人得到YM web cam 一部。

呢D何樂而不為既野我梗係晚晚參加啦，
今晚既題目就係HA，
我既刻用YM打左：
Roy Lee 972x xxxx
Happy Allohah



過左半左鐘頭之後，小儀就話Roy Lee Happy Allohah咁，
跟住我就開心到彈起左，我終於比人認同喇，HoHoHo！

但係我就唔知Allohah點解，應該係第二D國家既語言。
如果知道呢個字點解，請留字。

盡一份孝心.

落Bar.

今日係我地ISS嫲嫲生日，
佢就約左我地落Bar攪下Party咁，
咁有創意既活動，我地梗係奉陪到底喇。

但係未去Party之前，我地幾兄弟就約左食飯，
阿彼仲帶左個Friend黎，勁大隻勁Man，
好有阿Sir既風範呢！



行去Woodstone既途中，阿鑫無端端出現左，
佢話走喇喎，真係慘，我地遲到攪到佢悶走左。

不過我地遲到都好過大頭佢冇黎到，
第一個話黎，就第一個放飛機。
後來先知佢有Big Cold，都饒佢一命啦。

老鬼時段.

星期日既電視黃金時段，
唔知由幾時開始變左老鬼演唱會時段。

記得睇左好多個禮拜呢個時候既無線，
都係汪阿姐既名曲滿天星，
果班阿叔阿姐老到乜咁，重係到扭扭下咁，
扭扭下重扭埋一舊，真係睇到呆晒。

頂唔順之下轉過去睇亞視，
見到肥佬黃偉文係到開Concert，
即係暈左 ……

D後生仔有乜辦法唔出去蒲呢。

特休特訓.

今日又係一個月一次既特休日，即係輪休，
特休係我地大佬用既名詞。

前果期日日都早出晚歸，好耐都冇好好咁訓番一教，
所以今日日上三竿先起身。

結果訓到個頭都痛埋，真係訓又死唔訓又死。
不過梗係訓死好過攰死啦，哈哈！

決擇.

今日打完波之後，我地愉田三寶係樓下公園餵左一陣蚊。

我地隊長肥哥遇到工作上既難題，
初出茅廬既佢要揀工做，
有銀行文員同埋九鐵既月台票務助理揀，各有千秋。

由於我都做過下銀行文員，覺得好悶，
所以我就會揀做九鐵，起碼呢一間公司都係一個新既嘗試。

肥哥話錢最重要，所以我地既結論都係做九鐵，
因為人工高D之餘，搭車又唔洗錢，真係慳番唔少。

買Printer.

家陣既家庭電腦用品真係夠晒平民化，
買一部All In One既打印機都係七百幾蚊，
有得Print 相、Print 文件、影印、掃瞄，
真係底到爛。

回想起我中五果陣要做project走去買printer，
我重記得果部係Epson黎，買成$1500蚊，
剩係可以print野，真係唔底。

今時今日，千五既All in one printer已經有埋LCD螢幕仔，
print相勁方便果隻，真係賤物鬥窮人呢。

達文西咪咪.

呢期日日係度睇幾年前好Hit既小說達文西密碼。
我本身都唔係鐘意睇書果隻，
之前既日記都講過我好動多過好靜。

但係呢本達文西密碼真係有一個魔力係度，
故事吸引，節奏明快，內容充實。
最勁係佢用一D宗教既秘密引你睇落去，
令到你會好想知道故事既發展係點樣。

如果呢本書可以用黎拍戲就一定大收旺場啦。

飯後吃個梨致癌物質可排出.

教授領導的研究小組去年9月發表報告指出，飯後吃個梨，
積存在人體內的致癌物質可以大量排出。

調查結果顯示，
吸煙或者吃烤肉等在體內聚集的強致癌物質多環芳香烴，
在吃梨後會顯著降低。
研究人員對吸煙者進行了試驗，
讓他們在4天內連續每天吃750g左右的梨，
並測定吃梨前後小便中多環芳香烴的代謝產物羥基芘含量。
測後發現，吸煙6小時後再吃個梨，
人體血液內羥基芘含量會大量經尿液排出。
如果 不吃梨，羥基芘毒素只能排出很少量。

調查結果說，加熱過的梨汁含有更大量的抗癌物質 ─ 多酚。
給注射過致癌物質的小白鼠喝這樣的梨汁，
白鼠的尿液中就能排出大量的1-羥基芘毒素，從而預防癌患。

"梨和加熱過的梨汁，都有加速排出體內致癌物質的功能。"
專家建議在人們熱衷於吃煎烤食品、快餐類食品的今天，
飯後吃一個梨不失為一種值得推薦的健康生活方式。

行山之謎.

上幾星期有一位警察行山失踪，
到左今日都未搵得番，而佢失踪之前有致電警局求救。

今日又有一個年青人行山失踪，
原本有幾位朋友同佢一齊行山，
但係行到一半就覺得唔舒服，要休息一下。
之後佢就失踪左。

佢失踪之後曾經打比佢既朋友報平安，
但係最後都係消聲匿跡。

兩個人都係不約而同係西貢行山，
大家都成班人咁行山，最後都係失踪左。
佢地失踪前打果個電話有乜意思呢？

颱風龍王.

前幾日打左個風叫龍王，
聽電視新聞報導話龍王係台灣，
等我以為白龍王去鬼左台灣做親善訪問添。

呢個風既破壞力都好勁，
成個台灣都吹到散左。

所以話唔怕生壞命，
最怕改錯名，下次都係改收皮或者毛毛蟲會好D。

童夢奇緣.

今日同阿豬媽去左睇劉華既童夢奇緣，
講既係親情、友情、愛情同埋珍惜眼前人等老新常談。
整部戲既戲路顯淺易明，但係深度十足，
能夠觸動觀眾既心靈。

或者大家都會好似戲中既主角一樣，逃避現實、杯葛父母。
或者大家都知道溝通係解決誤會既靈葯。
但係大家都有過有口難言，有苦自己知既經驗。

每個人都有一個腦子，
每個人都有自己一套既思想行為，
人與人之間其實會產生左無數咁多樣思想行為，
你點睇佢，佢點睇我，我點睇你已經係可以好複雜，
何況我地活係幾十億人既社會呢。

沒有一本通書，沒有一竹筏，過自己認為快樂的人生吧。