古巨基勁歌金曲演唱會.

今晚去左睇古巨基演唱會。
未入去之前，撞到BB個同事，
佢話識得賣螢光棒既阿姐可以買平D。
點知都係一樣買十蚊冇平過，我地話唔買啦，
跟住佢係咁塞左果望遠鏡過黎，又東張西望咁，
以為咁旬唔使錢，結果阿姐話幾多錢都好，是但。
我話十六蚊比多次螢光棒啦，佢話好，叫我地揀，
但係又話呢支唔得果支圍唔到皮，
最後都係冇得揀，唉 ……

入到場，由於一百蚊飛既關係，所以都坐得好遠。
本身都唔期望會好多野睇，
但係估唔到真係好悶。
除左中場果陣有個高達走出黎有D睇頭，
同埋阿倫出黎串咀攪笑之外，
其餘是但都係齋唱。
唔知係咪佢D歌平時成日聽，
攪到悶到想訓咁。

如果一百蚊飛黎講，只得30分，
同四百蚊飛真係冇得比。