初四啟市.

連續放得三日農曆新年假，
今日初四就要啟市，真係有D唔夠喉。

但係做人又真係好茅盾，
諗到今日番工有利是逗，
就即刻精神晒咁番工，都係錢作怪！

早上一番到公司都冇乜新年既氣氛，
直至有人問伊竼逗利是，
個個就開始蜂擁而上，逗到今日第一封利是。
之後，大佬同埋幾位 PM 就落黎派利是。
大佬一聲充滿威勢既'恭喜發財'令整個office生猛晒，
因為有利是派呢！

派完一輪利是之後，大家又開始投入工作。
不久之後，又輪到安敵同域奇，
安敵今年仲要係第一年派，
動作比較生硬 na，hahaha。

接近放工，無端端有人話拉隊上去逗利是，
我梗係冇執輸跟大隊上去 la。
上到去有理冇理，見隊就排，
熟又逗唔熟又逗，最緊要利利是是嘛！

番回十七樓之後，樓上既人又學我地拉隊，
十七樓勁多人，逗利是既人龍超長，haha！

最後總供有十九封利是！恭喜發財！