月結單.

今朝好地地咁過左，
唔太忙、唔太悶，Nice Working Style!

食完Lunch之後，小睡一會，繼續開工。
到左四點幾Tea Time，諗住今日都係咁先，
去個洗手間，輕鬆下。

返番黎，柏納同敏姐叫我過去幫下手睇下，
話D月結單有D問題。
我即刻心都離埋，唔知係咪自己做鬼錯野。
埋去同佢地一齊望下la，原來係無端端出多左張白紙。
以我咁多年經驗(haha)，第二D我唔知，
呢張白紙一睇就估到係Overlay衰左，
再搵多幾搵之後，原來真係比我估中。

跟住就尋根究底找出錯處，
搵黎搵去都唔知邊度整衰左個Overlay，
攪到七點到，終於比泉哥一言驚醒，
最後搵到出錯既地方，
泉哥呢D就叫做 '架勢堂'！