學車 - 第一堂.

考完筆試之後等左個幾月，終於比我等到今日一嘗渣車既滋味。

雖然都係Plan左一早放工去學車，結果都係八點先走得，
拿拿林去肯德基買野番屋企食，禽禽聲食完就出門口。

今日第一次渣車緊張就在所難免，加上個師傅又勁凶，
攪到我手忙腳亂咁。

死火呢D真係十常八九，重要扭呔扭得勁得滯炒埋駁，
又阻住條路比人閃燈，出現無數烏龍鏡頭。

我次次都係話：唔好意思呀師傅
師傅就話：唔緊要，嘥左時間姐

最後師傅又話我比其他人做多左好多野，
但係又話自己有好多野未教咁，
咁即係讚定係彈呢？