拜山.

今日係外公入土為安後既第一個清明時節，
我地就拉大隊去將軍澳華人永遠墳場掃墓。

之前都係搭的左去，今日要搭地鐵，
所以冇人知係邊個站等，
一時又話將軍澳，一時又話調景嶺，一時又話油塘…
攪到鬧晒交咁，最後都係油塘等齊人開始出發。

由於警方封晒路，所以要步行上山。
條山路超斜，後生既都行都喘晒氣，老一輩不用多說吧。
外婆冇攰既感覺，反而越行越開心，可見掛念外公之情。

超大風，著件短袖Polo恤，凍到顛！
吹走左十幾封一日蚊利是，好彩執番晒。

上山容易落山難，但係上山用左九個字，落山只係四個字。

番屋企掂到張床就訓著左，訓左一個鐘又要起身番學……

To cFu:

去我個相簿 cwaiphoto.blogspot.com 睇下我舊時果樣，真係成舊屎咁，哈哈！