小Kit生日之Excelsior .

今日係小Kit生日既大日子，
由於之前送左個大禮比佢，
今日只係送左小小心意，唔成敬意啦！

夜晚同佢去左怡東酒店食Buffet，
係果度食過先知乜野係一分錢一分貨。
雖然三百幾蚊一位好貴，
但係果到無論環境同埋食物都屬於高級野。

Buffet例牌都係魚生生蠔甜品咁，
但係佢果度D魚生三文魚唔會話整晒D頭頭尾尾，
佢都係比D魚腩你食，重要切好晒任夾，唔洗排隊。
生蠔就係咁大個仔第一次見有款揀，
有日本、美國、澳洲同埋紐西蘭。
熟食雖然款色唔多，但係勝在佢整得好食同埋補充快。
甜品有好多Cake食之餘，又有棉花糖，
雪榚重要係Haagen Dazs，勁！
最後係每位加38蚊就有得任飲汽水果汁，
唔想加錢都有一杯餐茶送，都算係咁。

有D遺憾係食得太飽，試唔晒D野食，
希望有機會再次造訪啦。