電盈肥仔.

前幾日轉左和記寬頻，感覺良好。
今日Netvigator果度派人黎，
收番佢個ADSL Modem，同埋now電視解碼機。

首先真係要讚下電盈既客戶服務，
唔洗個客自己還番D機器，真係做得好好！
點知比我讚壞左，佢既口碑就比佢既員工做衰晒……

話說今日下午三點機有個電盈既人打黎：
電盈人：李生，我宜家係你留下，唔知你屋企有冇人呢？
我想宜家黎收野。
詩偉：喔，我唔知喎，我打番屋企問下先，轉頭覆你。
(打左番屋企冇人，反打番比電盈人)
詩偉：我屋企冇人喎 (其實呢句野係唔可以同陌生人講)，
我之前約左你地今晚八點，你夜D先再黎過啦。
電盈人：咁好啦，我夜小小再黎過。

傍晚六點臨收工：
電盈人：李生，我宜家係你屋企附近，唔知宜家黎收野得唔得呢？
詩偉：(我既態度良好中) 下，我未收工喎，我番到屋企打比你喇。
電盈人：咁好啦，我夜小小再黎過。

傍晚六點九剪緊頭髮：
電盈人：李生，我宜家係你屋企附近，唔知宜家黎收野得唔得呢？
詩偉：(開始唔耐煩) 我未番屋企喎，我番到屋企打比你啦。
電盈人：喔，咁好啦。

夜晚七點十番屋企中：
電盈人：李生，我宜家係你屋企門口，你番到未呢？
詩偉：(勁似阿媽冇帶所匙同我講既說話) 我行緊番去架喇。
電盈人：喔，咁我係門口等你啦。

最後番到去見到一個肥仔企係度等，佢個樣勁想打人咁，
但係我都係準時八點番到屋企姐，唔係我遲到，
係佢自己早到，都冇得怨人。

真係唔知話電盈既服務好定唔好，唉。