內地工幹.

個多星期前，柏納叫我Study下八達通既運作，
希望黎緊所有關於八達通既改動都交比深圳Team幫手，
想我番上去同佢地簡介一下咁。

自己唔係呢個八達通既創辦人之一，好多野都唔知，
唯有呢度睇下果度問下咁，我視呢一個工作為 '考古學'。

做左個幾星期既考古工作，
發覺我地既八達通系統老化程度都幾嚴重，
好多野都跟唔上現時八達通既標準，真係唔睇唔知呢。

同柏納兩人一同上深圳，我就一蚊人民幣都冇，
所以都係死跟住佢。
成日既議程都進行得好順利，係超時左小小，
大家都係用廣東話溝通，語言上都冇乜障礙。

不過就有兩個笑話 —
======
食飯時……
------
詩偉：(普通話)小姐，麻煩要一杯凍奶茶
侍應小姐：(普通話)要一杯原味奶茶嗎
詩偉：(普通話)是，(舉起一隻手指)要一位奶茶
內地同事：(普通話)小姐，奶茶是有味道選擇嗎，甚麼椰香之類嗎
侍應小姐：(普通話)是呀
內地同事：(廣東話)佢問你係咪要原味定椰香por
詩偉：(廣東話)下，係咩。(普通話)那我要原味啦
------
柏納既焗豬扒飯等左好耐都未黎。
內地同事：(普通話)麻煩你催一催個飯
侍應小姐：(普通話)好呀，(拎起張點菜單)焗飯未到嗎
內地同事：(普通話)是
詩偉：(廣東話)乜呢度講豬扒飯就咁講豬飯咁得意
內地同事：(廣東話)佢唔係話豬飯，係焗飯
詩偉：(廣東話)係咩，唔好意思……
======
打的回港時……
司機：(廣東話)呢個時候好西車架喎，去羅符要西半個鐘頭
柏納：嘩，要西咁耐呀
司機：係呀，通常上黎做野既人就係羅符黎，房崗走，就好快
柏納：哎呀，早知去房崗。不過我地唔趕時間，西一陣冇所謂啦