年廿八，慶慶地，行花市.

今日年廿八要番工，放工約左愉田搗蛋四人組行花市。

去左皇室堡茶軒食，D侍應十叫十唔應，
唯有我地自己去拎碗筷，差D自己上埋菜，
食完走得唔洗比錢果隻，好似番左自己屋企咁。

我地呢D好好脾氣既，年尾出街食飯梗係咁，
平常心、平常心。

食左兩個鐘終於食完，埋單計多左個剩麵$3，
咁收錢阿姐就用支筆劃左佢，又係個Total數減三蚊。
正當大家想了事之際，小Kit話應該減$3.3，因為有加一，
佢職業病真係冇計，咁我唯有撐恒佢。

阿姐話碗麵冇加一，我就話點會冇，你加一係Total數加一，
碗麵$3就入左Total數，即係有加一。
肥哥見勢色唔對路，就插咀話算，三毫當Tips。

跟住肥哥碌咭，阿姐話唔收咭，要比Cash，跟住我地打左個突。
然後我指住果個黑色賬單簿，話明明寫住Thank You for Using Visa，
成枱靜左兩三秒……

阿姐冇野好講，話改左單唔碌得咭，
咁我地叫佢去印過張單， 佢發脾氣走左。

跟住佢番黎比番$3.3我地，張單冇改過，呢一招都幾串。
但係我地重串，耍左佢一輪最後都係比番Cash，
重比埋果$3.3佢做Tips，哈哈，贏晒！

十點入維園，見到既只有人頭，唔知買幾錢。
迫完一輪出番黎，感覺 — 嘥氣。