炎炎夏日.

今日同三寶做生日，
其實佢地都分別係六月頭同六月中生日，
攪到今日先攪生日好似唔係幾好意思咁。

下午去左西貢半月灣游水，個灘都Keep到乾淨，但係就多人左D。
沙灘波被我地打走左，出左大海執唔番……
玩左兩個幾鐘就徹退。



諗住出番西貢鄧肇堅運動場沖涼，點知幾多人，
最後把心一橫去左牛池灣體育館先沖，好彩冇冷親。

約左Suki同阿怡七點食番，點知我地成班遲大到，
Sorry o :P

去左富記飯店食，難得大家都話D野食OK，
我都放下左個大石，因為係我介紹佢地黎呢度食呢。

送禮物果時好尷尬，Lawrence女友居然話
我果個青蛙手動電筒係信用咭換既迎新禮物，
攪到我唔知點面對阿鑫好，真係無奈。
在此聲明，個電筒係真金白銀買的，可以去潮流特區昅昅。

十一時散席。