第四日完成最後既行程，
我地去左誠品打書釘，打左一個早上。
台灣人真係好鐘意睇書，坐晒係度睇，真係西厲。
揀左幾本好書就離開了。
事件二：搬樓梯
食完午飯就要出發去機場，
我地兩個笨瓜唔知酒店果度有車坐去機場，
預左要走番去台北車站搭國光機場巴士。
去到台北車站雖然好快咁搵到巴士站出口，
但係居然冇Lift搭！
我地死死氣咁搬果舊行李上樓梯，滿有電波少年既精神。
如果第一日唔係叻得滯買巴士來回票，我地就輕鬆得多呢。
事件三：回程小事
回程果事終於記得問有冇窗口位，
但係果個地勤話位置一早安排好，
重要兩個位係隔開左，真係黑仔。
上到機原來我地只不過係中間隔左一個人，
所以我就咁問佢：
我：先生，不好意思。
我們一個坐這裡，一個坐這裡，(用手指坐我地分開既兩個位)，
你可不可以和我們調位(普通話應該唔係講'調位'，哈哈) 呢？
先生一：你們想怎樣坐？
我：喔，我們坐這邊就可以喇。
最後我地都可以一齊坐，有驚冇險，完成旅程。
沒有留言:
發佈留言