黑仔.

今日我同安尼沙迫住要上廿二樓禁地整野，
因為果個Download File失敗左好幾次。

我地諗住放左工先上去冇問題啦，
又得到禁地管理人既批准。
咁就膽粗粗上左去，點知架Lift一開門，
見到渣緊Lift果個居然係最唔想見到果個人……

入左Lift之後，我猶豫左十秒禁唔禁廿二樓好，
但係最後都係禁左。

出Lift果陣我就行先，安尼沙就比人問做乜走上黎，
因為佢多次提醒我地唔可以上黎。
安尼沙向佢解釋，佢聽聽下閂左個Lift門走左。

咁都撞到，真係唔知好彩定唔好彩。