半天假.

今日請左半日假去睇醫生，
因為果個醫生剩係得早診，真係巴閉！

呢個醫生以前好出名，
因為佢幫過張學友睇過皮膚，重攪到佢鬼咁靚仔，
而我阿哥都係因為佢而冇晒暗瘡，
所以我都去幫襯下佢。

通常睇醫生都要等好耐，
就算掛左號，約好晒，都要等最少半個鐘。
本身諗住約左九點，計埋拎藥都要攪到十一點啦，
點知九點三就睇完，九點九拎埋藥走得，真係勁快。

醫生費四百，一日藥費一百，重要食三個月藥 ……
唉，希望真係破財擋災啦。