小寶寶，食蛋糕。

係農曆年初果陣，公司既傳統會一人派一張餅咭，
而我地Team都有個習俗，就係夾埋D餅咭一齊訂西餅食。

今日我地反傳統，唔訂一件件果D食餅，
訂左一個磅半既芒果蛋糕，攪攪新意。

今次阿強做死使落去拎餅，
艾力就上去拎飲品同埋用具。

阿強由於心急得滯，唔記得拎切餅刀，
大家即刻呆左……
最後用大家樂既膠刀，而操刀既阿和真係有D料到，
分左十二個餅之後都面不改容，真係西厲！

小吃小喝之後就放工回歸 lu。