小心思，大改善.

用左個Wireless Router年幾，飽受訊號唔穩定既折磨。

諗左好多方法解決，買過個Router，買過個USB Client咁，
但係都要洗錢，所以遲遲都解決唔到呢個問題。

前幾日忽然靈機一動，用個唔洗錢既方法，就係將個Router移位。



之後，無敵！

全能電腦.

今日行番公司既途中，見到三個貌似地盤佬既阿叔。

係佢地隔離經過先知佢地講緊電腦，
家陣真係一個冇左電腦唔得既年代。

其中一個阿叔話買個Mon都要二千幾，
另一個阿叔就話D電腦野好貴。

其中一個阿叔繼續話……
係呀，買齊晒要成萬蚊架，跟住就乜都得架喇，
係屋企影印身份證都得架！

由此可見，呢個年紀既阿叔覺得，
影印身份證係一項好高既科技，
以前要比五毛文具舖影，但係家陣比一萬就可以自己影喇。

903廣播劇 - 來不及聽你說愛我.

見到好多廣告關於903廣播劇來不及聽你說愛我，
買點係陳奕迅同楊千嬅。

好耐之前睇過廣播劇改編既小說藍寶石的天空，
果時係阿Sa同陳奕迅做主角，覺得個故事寫得好好，
遺憾地有字冇聲。

所以今次難得係網上搵到呢個新既廣播劇，
就二話不說地下載番黎聽。

主要係講一個唔多鐘意講野，
又唔多識用語意表達自己既男仔郵差，
係派信果時識左一個啞既女仔。
故事既發展就係圍繞住呢兩個人既一段情，
中間有爭執，有誤會，有第三者……

森美配既記事簿，小儀配既玩具熊仔，
都係兩位主角既精神奇託，
唔知係咪每個人都有一個咁既精神奇託呢。

I.T. 激安.

呢個星期六日都係I.T. 冬季激安大減價，全場一折起。

入到去例牌都係見到：
一堆又一堆唔知有冇人要既衫，
一渣又一渣唔知係買定唔係買既人，
一個又一個大聲哎出晒界既 sales……

真係有三折既衫買，但係都要過七百蚊先有三折。

一件一折既貨品都見唔到，比人買晒瓜。

用一千三百蚊買左五個 items，三件三折，兩件五折，
圍番原價係四千蚊到……

唔怪得之咁多人係個廢墟到抄垃圾啦。

比人Fake左.

話說今日約左肥哥一齊去唱K，
本身約左係愉田出發，
後尾因為阿嫂佢早到左，肥哥出去搵佢先，
我地就約左八點係 K間口等。

放工番左屋企換完衫再出門口，七點九打電話比肥哥，
原來已經唱緊，重話八點半就會被人趕走，
咁我梗係唔去Join佢啦，真係去比錢就走果隻。

最後自己一條友走去食晚飯，因為同阿媽講左唔係屋企食……
又冇得唱K，又要自己比錢食飯，真係比肥哥玩透呢。

財爺派糖.

最新一期既財政預算案琴日公怖，
各界都話財爺孤寒，有盈餘都唔大幅減稅，
話咩量入為出為明天喎。

我都經過在兩個個月既財赤，
呢個二月終於見番黑字結餘，
都緊緊配合到財爺既量入為出為明天。

cwaiphoto.blogspot 成立日！.

Google成日都有近攪作，
好似 map.google、video.google、book.google咁。

我呢個 cwai.blogspot由零四年十月至今都差唔多年半，
累積500個post，瀏覽人數都有成千人，
都係時候學下人地擴展下業務……

於二零零六年二月廿二日成立左 cwaiphoto.blogspot，
希望大家都會成日去呢個 blog睇下啦！

創意無限.

蜘蛛俠!? 唔使用劍既！


Nike咀??


連麥當勞叔叔都要做Spy...世界難撈呢...

中國香港.

今日聽收音機話 —

國家質檢局要求各個關卡加強檢查，以防止禽流感流入中國。

香港已經有雀鳥，死於禽流感H5N1病毒，
禽流感已流入香港、還是已流入中國呢？

Spanning Tree.

今日又係一個星期一堂既CCNA。

學左樣Concept野 — Spanning Tree Protocol (STP)。

STP係用黎防止Switches之間因為Redundancy Path所產生既Looping Signal。

跟住再學STP既原理。

終身學習吧。

壽命預測.

My life expectancy is 84.2 years

Life expectancy calculator <-- Do the test!

上火.

今日敏姐終於忍唔住，
係同User傾完電話果個Moment，
佢要爆喇！

敏姐少有地咁火，
全因User既無理要求。

尷尬生日會.

話說今日係阿傑牛一，
計埋阿傑在內， 本應有三個人係二月生日。
由於我地唔知其中一同事既生日，
所以剩係買左兩個蛋榚番黎，
一個比Ivan一個比阿傑咁。

此計劃本身天衣無縫，
但係出左個衣貓通知大家夾錢同食蛋榚之後，
第三位同事走埋黎話佢都係今個月生日，
我地先知道大事不妙，
即刻出多次衣貓更正番今個月有三個同事生日。



臨尾切蛋榚非常尷尬，因為得兩把刀，但係有三個人……
希望果位同事冇放呢件事係心吧。

唔好幫人打電話.

某晚上係廣州近廣州大酒店，由於落大雨咁就諗住去酒店截車。

咁行到近酒店旁一條小路口，見到有個大約40歲香港男人，
係大雨下訓騎樓底，咁我地見佢著衫應該係香港人，咪行埋去睇下。

原來暈左，拍醒佢，佢就住個間酒店， 咁就叫酒店保安扶返酒店。

原來佢先前避雨，有條大陸仔行埋去，拎部"6150"出 來 話唔識用，
不過又要緊急打電話，叫佢幫佢打，佢一掂部電話個大陸仔一按制，
佢就訓低，比人槍哂D野！最後酒店報警，我地走頭！

問返D老廣州，呢隻電槍，三舊水就買到，有9成似 6150！小心！小心！

情人節後感.

難得第一年送花比情人，但係下午四點先送到，好不高興！
唯自我安慰：遲到好過冇到 ……

情人節下著雨來，又拎花又拎禮又拎公事包又拎手袋又拎摭 ……
一千隻手都唔夠，但同一雨傘下亦倍添浪漫。

情人節晚餐特別貴，特別冇野食揀，
只有Valentine's Date Set Dinner。
不過係咁大個仔第一次燭光晚餐，其他甚麼都不大重要吧！

餐廳Receipt阿叔點我地坐近門口張枱，
後尾應我要求比我地坐番入面既枱。人善人欺吧！

2006 情人節 ……

撞田.

今日同肥哥去銅鑼灣買情人節禮物 —

金百利 — 勁快買左卡匙奧手錶
Agnes B — 勁燥Sales sell Card Holder
宜家傢俬 — 買左水松板
住好o的 — 撞到側田買鐘
CitySuper — 買左大頭釘
茶餐廳 — 廿蚊界扒

CCNA.

今日係第二個星期上CCNA，
唔知係咪上一堂個阿蛇完全唔掂，
今日換左第二個阿蛇。

我達左一句出黎：點解會咁架？
新阿蛇諗左一陣話：係因為人手上既安排。
我：喔。

不過今次呢個阿Sir真係教得好好多，唔錯。

輪休日.

終於等到今日既輪休日，等左四個星期呢。

今日同謙哥行街買禮物，收穫平平。

夜晚同小Kit食晚飯，係沙田元氣門口等了又等。

午夜場係屋企睇魔幻王國，頭尾好睇，中間悶場。

Martin.

呢期成日同堔圳Team同事Martin傾電話，
好彩佢係廣東人，如果唔係真係唔知點樣翻譯D名詞。

Martin份人就冇乜點，就係長氣左D，
好多野都要問，但係自己獨立思考方面就……

WLB P vs IBM SA，係個Post Title上面覺得有D尷尬。

班門弄斧也……

電腦操作員的膊痛防治.

現在很多辦公室或公司都已裝置了電腦，
不少人更需要長時間面對電腦工作，
於是因操作電腦而引起身體不適的情況愈來愈多，
例如頭痛、目眩、頸膊痠痛等，開始為人所關注。
其中頸膊痠痛更是令到很多上班族受盡困擾。

不良坐姿是主因
這種頸膊痠痛的成因，除了部分由於不良坐椅和坐姿所引起外，
電腦的高低亦有其影響。在操作電腦的過程中所引起的頸膊痛，
其中一個原因便是鍵盤太高，按鍵盤時要提起雙臂，
令到肩膊的肌肉太緊張，做成痠痛。
改善的方法就是將鍵盤的位置降低，符合自己坐下時手肘的水平；
如果不能降低鍵盤的位置，就要調高坐位了。

低頭太久惹疼痛
引致頸膊痛的第二個原因就是螢光幕放得太低，
觀看熒幕時便要垂下頭來看，時間過久便會令到頸背受著過大的拉力，
引致疼痛。其實很多頸痛或手臂痲痺的個案，
都是由於長期垂下頭而誘發的。
改善的方法就是把螢光幕抬高一點，令到頸部不需要彎下超過三十五度為準。
另外，把頭向前伸得太厲害，也是頸膊痛的關鍵所在。

改善方法
防範的運動大致有三個：

時常將頭部轉向不同的方向。
是將兩個膊頭向後的打轉，甚至伸個「大懶腰」。
下班回家後亦可以用熱敷，或在淋浴時用暖水噴射痠痛的部位，
也有一定的舒解作用。