沙巴第三天.

今日六點半起身，出發去神山。
打的去Mekerta Field，搵包車去神山。
開頭話來回100馬幣神山，後尾我地話要去波令溫泉，
佢話要300。我地叫佢減D佢唔肯，因為兩達地方相距好遠，
最後我地成交上車。

個司機都好好人，開得好快，全程山路平均車速九十。


雖則開得好快，但係都要二個鐘先去到一個神山影相位。


再用多個幾鐘先去到波令溫泉行樹頂吊橋。
去波令溫泉途中，有一間木屋係度收錢，
比人入去睇沙巴獨有既萊佛士花。


我地要上50米去度個樹頂，行吊吊下既吊橋。
感覺係呢個世界真係有好大好高既樹。



跟住坐車番去神山公園，由於時間關係，
我地冇得落車行，剩係遊車河。
由於海拔高，唔開泠氣都好涼噢。

之後我地同司機講加行程，去冬工市場同CKS Market買野食，
作為明天出島之用。