沉不住氣.

今日發現The MODEL要用既介面程式 (API) 有問題，
由於介面程式涉及兩個系統，加上我既經驗所限，
唔知道問題係我地既系統定係人地既系統，
最後決定搵埋人地既系統聯絡人一齊找出原因。

死使R：喂喂，個API好似唔係好得喎，
Online果個API就拎到分，但係Batch就拎唔到分。

聯絡人：你睇清楚未呀？

死使R：我都研究緊，我行Batch API果時Display晒出黎睇，
好多都冇分。

聯絡人：唔係喎，第一隻Records係拎到分架喎，
冇理由一隻得，之後果D唔得，同一個Program黎架大佬。

死使R：呀，唔係喎，果日我都遇到呢個問題，
發現係個Program入面冇做Initialization，你估今次會唔會都係咁？

聯絡人：下，我都話左係同一個Program，
個Program每次被人Call都重頭行一次，
由頭開次行就會自己Initialize，唔洗特登做Initialization架喎。
同事甲，你話係咪喇，Call個API梗係由頭行過架啦！哈哈哈！

同事甲：梗係啦，個個Program都係咁架啦，哈哈哈！

聯絡人：資深同事乙，你話係咪Call親API唔使做Initialization喇，
死使R話要喎！！

資深同事乙：梗係啦，唔使做Initialization架喎！

聯絡人：咪係囉，不嬲都唔使架啦！

死使R：咁得啦，你地岩晒，我既Program有問題，OK。

之後我就慶住咁闖入佢個Program，做番Initialization，
試下我講既野有冇錯。
結果，人善人欺天不欺，我既估計係冇錯既。
頭先一眾同事既氣焰收晒，剩下來係死撐既討論，
而我自己都冇話得得戚戚咁，一齊諗下係咪有其他辦法咁。

事後問番泉哥，原來真係有一D方法係Call API果個Program度用，
但係我就唔識，用左之後真係得左，呢個方法聯絡人一早就知道。

其實今次我沉不住氣係因為聯絡人既態度問題，
好聲好氣咁搵佢幫手睇下，佢就覺得自己冇錯，
擺出一副老經驗既樣子，一D幫得上忙既既都唔去做，
剩係話你呢樣唔識果樣唔曉咁，又搵埋一班人黎比壓力你，
咁你話唔爆係咪有鬼。
我識我就唔使搵你，唔好話我賴皮，我認自己係渣，
不過我都係一個兩年半的PROGRAMMER。