海洋公園.

聖誕香港人在香港黎到最後一日行程 — 海洋公園。

琴日去完迪士尼今日又約左ISEC人去海洋公園。

去左D以前未過既地方，例如恐龍足跡同埋亞馬遜歷險，
真係去一次就夠既遊戲。



排纜車用左一個鐘，
排越礦飛車個半鐘，
排跳樓機又一個鐘。

轉眼間又到左六點，好似乜都玩過咁……
番落去玩雪屋，諗住影下相，擺緊Post果時有個肥仔撞埋黎，
我差D PK，之後佢又撞多幾下，因為佢同D Freind玩掟雪球，
我嬲嬲地掟左個雪球去個肥仔個頭度，跟住我扮冇野繼續影相。
(其實掟完之後有小小爻底)



排呢個雪屋用左個幾鐘，玩就玩六分鐘，
排唔到滑泡圈就要走了。
今日既行程都係得個排字，唉……

夜晚同多幾個ISEC人食飯，好耐冇試咁齊人lu。



聖誕香港人在香港行程到此結束，真係累透了。

小Kit話被人搵左笨，我話得難得糊塗，開心D啦！