晦氣.

打工仔工作壓力大係香港既特色，
所以大部份打工仔都皮質醇過高，心情暴躁。

今日由於要推出其中一個抽獎計劃，
所以我同敏姐都嚴陣以待，務求盡早完成。

四點過後，我地開始祈待Operation行我地果Set程式。
等了又等，等到五點都冇乜起色，
於是我膽粗粗打上Operation問下果Set程式可以開始未。
點知被人發晦氣，話每人都係得兩隻手，邊得閒做咁多野……
跟住就話得閒幫你做啦。

我收左線之後即刻要叫聲佢大哥先，
要佢地做野重衰過乞錢，真係唔該晒。
輸入一句指令都唔洗用四隻手指，
最多都係用廿秒，佢地班大哥真係忙得好緊要呢！

最後我同敏姐就冇打上去吹佢地，
等佢地得閒幫我地攪，等下等下，九點先收工，
真係要幫公司多謝佢地，令兩個員工係度白等兩個鐘先。