氣管炎.

今日都係頂唔住頸去左睇第二個醫生，
今次幫襯醫學會副會長馮宜亮醫生，
好似好勁咁。

佢係兒科專科醫生，有好多BB仔係果度等睇醫生，
無端端有一兩個大人登記好似好怪咁，
但係睇得好就得啦。

果個醫生問左我有乜病之後，
就好似其他醫生咁照下我個口嚨同埋鼻，
之後都係聽下個肚呀心口呀同埋背脊咁，
之後就話我呢個係氣管炎！

嘩！氣管炎唔係阿叔先有架咩﹖
況且我平時都冇乜病痛，做乜會攪成咁架﹖
唔怪之我咳到成個阿叔咁啦，
真係無啦啦有達啦，唉 ……
希望食左佢D藥快D好番啦！