橋底辣蟹.

今日同友人慶小Kit生日，到了灣仔橋底辣蟹幫襯。
個人覺得唔平，同埋都唔係太好食。

牛年開工大吉.

今日收到十五封利是！大吉大利！

我的工作間

大休.

連日來都夜訓早起，今天要大休一番喔。

年初二.

今天到了小Kit家拜年，打了幾圈，手風OK呢。

大年初一.

早上去飲茶，之後去姨媽家。
表哥架車行左一陣，掟左個彎就比野吉爆左個肽，真係無奈。
最後得番一架車，其他人要打的呢。

下午睇左崖上的波兒，一部小朋友的電影，沒有驚喜呢。

行花市.

今年行下午花市，個維園花市比起上幾年好似細左好多，
金融海嘯吧。由於D唔實用野都要五六十蚊，所以我地一樣野都冇買。

夜晚去左買衫，除左有半價外，買多幾件仲有多八折，
所以我地買到停唔到手呢。

年廿九.

今晚食左鼠年既團年飯，非常豐富呢。

收爐.

今日係鼠年最後一日，大部份做到六點都正式收爐。
期望牛年樓市冇咁旺，令小弟可以向前邁出艱難既一步。

能見度.

今日既能見度底到不能見，白色香港。

洗車.

換左停車場之後，第一次渣番黎屋企樓下停車場洗車。

被阿姐話我唔係月租唔可以係度洗車，下不違例。

又要搵新既方法了。

玩電話.

今日主力玩電話，首先張佢轉番做中文機。
跟住學用跟機Function，之後install埋MapKing。

感覺良好！

變賣家當二 - Panasonic FX7.

今日交收左部Panasonic FX7，五舊水，Reasonable!!

新玩具 - HTC Touch Diamond.

終於忍唔住要出電話，用住部Nokia，好多function都冇晒，
例如Calendar，連絡人分類等。

見1010出HTC Touch Diamond 0 機價，就係去做野。

最後要預繳 $3480，用$218月費簽十八個月。
同宜家$80月費相比，我要比多$138一個月，既係Totol比多$2484。
咁即係部電話要$2484，都唔算貴。

辦年貨.

送鼠迎牛，農曆年又到。
每年呢個時候都去買禮物去拜年。
基本上我都係去親戚、女友家同埋其中兩位地球同事家拜年。
而其中一位同事重要一年先見一次，一日為師終生為父吧。

係買禮物既時間，心諗送了禮比同事，同事又要封番利是比我，
咁咪即係用佢地D錢買野比佢地？
咁佢地唔鐘意我買既野，咪有一種貼錢買難受既感覺？
咁做乜鬼我又要蹝自己時間黎攪到人地呢？
咁我係咪唔好買禮物，就咁去逗利是呢？

最後我梗係買了禮物，因為我地做呢D野係唔可以加個錢字落去的，
如果你張所有既"錢"字拎走，咁成件事就會好有意思了。

我們的工作.

以下係我同我Super今日討論左一日既問題：

現況：
小明每日都拎一包糖番學校，放係小賣部，賣比其他同學。
同學走到小賣部，見到有合適既糖，就會排隊買。
小賣部老闆每收到一單買賣，都會盡快比錢小明，同埋比糖同學，
而小明要應承相應既同學係某一日，透過小賣部，買番粒糖。
由於小賣部老闆好忙，到左放學，重未比錢同糖的買賣，就會取消。

打風期間
1. 買賣照舊處理
2. 到左放學，重未比錢同糖的買賣，就會順延到下一日

今年開始:
小賣部老闆係公眾假期要放假，所以
1. 所有同學唔可以係公眾假期追行買賣

異常狀況:
今日天氣好好，明天係公眾假期，小明照常拎糖去小賣部，
同學照常排隊。忽然打風，買賣照舊處理，到左放學，
重未比錢同糖的買賣，就會順延到下一日。
第二日公眾假期，小賣部老闆冇開工，但係小賣部都有買賣。
重未比錢同糖的買賣，就會順延到下一日，直至下一日小賣部老闆番工。

Pine House.

今日地球人聚舊晚餐，馬田Suggest去Pine House，
我以為係一間Bar，後尾天毛翻譯成Bug House，
我即刻知道係松屋，同一間大學出黎既英文都差唔多Level，哈！

開夜.

今日係番新工以來，收工最夜的一日。
雖然收七半唔係好夜，但係公司既人都走得七七八八，
所以另我覺得七半走都好似好夜咁。

變賣 O2 Mini.

用了四年既手機終於經唔起時間既洗禮，變左得得地。

當年以$5000買回來，今日以賤價$300賣左比收買佬。

凍.

今日得9度，凍到震......

Roy哥大日子.

雖然識左阿Roy唔係好耐，但係大家係火星都玩得OK，
所以今日做兄弟做到底，祝佢同阿嫂百頭到老，永結同心。