散熱膏.

幫小Kit姐夫阿哥砌左新機之後，就幫執番部舊機，
都唔知我點解咁好人。

發現佢部舊機個CPU風扇唔係好Work，個CPU成八十幾度，
所以就會用用下熄機，同埋個風扇勁高轉攪到勁嘈。

諮詢過同事Timo，介紹了SiverStone既CPU散熱膏。
但係用了散熱膏都於事無補，要換新風扇了。

年薪四蚊.

夜晚比人Call番公司救鑊，為的係一個入了年薪四蚊既資料。

我個Program Logic係：
Monthly Income = Annual Income / 12
Debt to Income Ratio = Debt / Monthly Income

由於 Annual Income 得四蚊，Monthly Income 就得番零，
最後Debt to Income Ratio = Debt / 零，個Program就咁死左……

都唔知填申請表果個顛，定係入機果個傻。

真係乜忍人都有，唉……

土魷打邊爐.

舊同事土魷上個星期牛一，
今日同去補慶打邊爐。

本身諗住去稻香，食九點後果場，
點知D人排隊排到上左幾層樓梯，
把心一橫過左隔離富臨。

呢間富臨雖然唔係任飲任食，
但係埋單都同創興果間差唔多價錢，
反而呢間既野食都新鮮好多，又大碟好多，
所以下次可以再幫襯佢。

神奇A4紙.

Wii 到病.

今日肥健同阿螢落左黎玩 Wii。

打左網球同保齡之後開左Mario Party。

玩左一半之後，阿螢感染左傷害，
要番肥健家冬眠。

祝身體健康啦。

大埔滘紅路.

今日諗住去挑戰下自己既攝影技術，
同阿Dick、Timo去左大埔滘紅路影雀仔。

雀仔比蝴蝶醒好多好多，佢係好遠已經見到你，
你聽到聲之後行到埋去佢已經走左。

最後係行晒成條紅路都係影唔到一隻雀仔，
反而出到去入口果邊都執到D普通野，算係咁啦。

商務便服日.

公司響應環保，實施商務便服日。
男同事逢星期五唔使打太。

算係一個好的開始，
但係恤衫西褲唔打太，又真係怪相左小小。

皮帶維修.

今日如同渣車番工，由於琴日打左去車房訂好左，
今日都冇打去Confirm，食飯直接渣架車落去。

整完條皮帶之後，果D吱吱聲真係冇左，
開心晒呢。

白走一轉.

今日諗住拎架車去修理，晨早起身渣番工，
預左食飯時拎過去。

點知打去車房Confirm果陣話今日好忙，
車房滿晒車，話叫我明天先過去。

白走一轉。

鄉下妹打電話.

一個來城裏打工的鄉下妹到電信局想給家鄉的媽媽打個電話，
一位男營業員說要先付五十塊錢，
鄉下妹說：「我沒有這麼多的錢，但是如果你讓我打電話的話，
我願 意為你做任何事情。」
「是嗎？那麼跟我來吧。」男營業員說。

他走進隔壁房間，對鄉下妹說：「進來吧，把門關上。」
鄉下妹照做了，接著他又說：「跪在地上 吧。」鄉下妹也照做了，
他接著說「把我的拉練拉開。」鄉下妹拉開拉練後，
他又說：「繼續吧，把它掏出來。」

聽到這些，鄉下妹就把那根東西掏出來，用兩隻手 握住，
這時，男營業員不耐煩地說道：「快，快開始嘛！」於是，
鄉下妹將嘴巴靠近那根東西，說道：「喂，你好，是媽媽嗎？」

MySecretFolder.

找了一日，終於比我找到這款軟件既完整版，開心晒！

剪髮.

小Kit終於下定決心電髮了。
今次電出黎的效果拎人滿意。

由於找不到停車位，揀了一個半小時咪錶停泊。
最後要上上落落五六回。

由於理髮既關係，原定三點給小Kit姐夫的新電腦，
要到四點半先能夠交易，真係不好意思呢。

夜晚再到小Kit家幫佢整電腦，
原本簡單地幫佢加一個DVD燒碟機，
結果攪了我兩個小時，BIOS累事呢。

apm睇戲.

落雨濕濕，室內活動就最岩。

用左小Kit既兩張免費飛去apm睇導火線。
成套戲得打，重有打同埋打。
最勁既係甄子丹係一個可以打死人既警察，
槍同拳頭比佢揀，佢喜歡用拳頭。

睇戲前有D時間，我地又出動消費，
買左四百蚊野，可以免費泊車四個鐘。
不過都係節省了$56 ^^"

怪風。HIGH車。飲宴.

九十度的風：
低壓區 帕布
在香港時間 二零零七 年 八 月 十一 日 八 時的最新資料
(北 緯22.7度,東 經 113.5 度)

由於打八號，提早收工，渣車過海找小Kit。
去到紅隧口，唔覺意HIGH到前面架VAN仔尾BUMPER。
個VAN仔佬落車睇左一睇，我冇落車，靜觀其變……
好彩係勁慢車，跟住佢見冇野上番車，嚇死我--"
好彩我架車都冇野^.^

夜晚車左小Kit一家到信德中心飲宴。
點知大家都唔識路，去左遊車河。
最後要小Kit姐夫一家帶路，水皮呢。

1965年8月9日.

1965年8月9日 - 新加坡獨立

新加坡共和國（英語：Republic of Singapore，
馬來語：Republik Singapura，泰米爾語：Cingkappūr Kudiyarasu），
獨立前舊稱星加坡或星洲，是東南亞的一個城市島國，
位於馬來半島南端，馬六甲海峽南口。

南面有新加坡海峽與印尼隔海相望，北與馬來西亞相隔柔佛海峽，
以長堤相連。新加坡的國土除了本島之外，還包括周圍數島。
它於1963(52)年與馬來亞聯邦、砂勞越和北婆羅州（現沙巴）
成立馬來西亞聯邦，完全脫離英國統治。

1965(54)年8月9日新加坡宣佈退出聯邦，成為獨立的主權國家。

打風.

今日打風唔成。找了自己的風。

黃金砌機.

等了一個星期，粒E6550終於有貨。
同Timo去高登打價先，問左幾間，一係有U冇板，
一係有板冇U。

終於搵到一間有板有U，叫海洋科技，
但係粒U索價1480，街價都係13XX，佢貴人地成舊水，
重要凶我地話人地買13XX一定冇貨，
全香港得150粒，全高登得三間舖有貨，真係信佢果個都傻。

後來離開高登，去左黃金地牢正都打價，估唔到有驚喜。
最後除左Ram之外係正都執晒所有野。

打價要緊呢。

1945年8月6日.

1945年8月6日 廣島原爆

1945年8月6日，美軍在美國在東岸時間 8:05 am
在日本廣島投下「小男孩」，造成 20多萬人死亡。

原子彈內的鈾發出巨大的輻射能量，多人因輻射而無傷痕致死，
也有大量畸形兒童出生。廣島受嚴重破壞，夷為平地。

婆婆壽宴.

今日同婆婆做生日，小Kit到了Sogo買了小禮物給婆婆。


夜晚去到酒樓，見到有一個間房有麻雀有電視，又係劉府壽宴，
入到去見到兩個唔識既人，後來先知佢地又係擺壽酒。
攪一輪先知我地冇訂間房，剩係訂了兩張枱，尷尬晒。

中途出去睇了大表哥架新車，日版Estima，勁型！


飯後由於要車小Kit過海，所以順道車埋舅父三仔爺過海。

東港城爬蟲動物展.

今早去了大帽山腳甲龍古道打蝶，雖然收鑊不佳，
但係都比我地影到一隻罕有的寬帶青鳳蝶，算係唔錯。


下午到了將軍澳東港城睇爬蟲動物展。
主要都係一D蜥蝪，蛇，蜘蛛同埋龜。
重有一條好似科莫多龍既水中蜥係度張牙舞爪。

之後同大牛龜合照，消磨了一個下午。