放晴.

明天就係五月一號，夏天既第一日。

但係今日都已經有三十度……

熱！熱！！熱！！！

Yoga 生日私房菜 Party.

今日同Yoga攪生日， 黎左一個新意，食私房菜。
主要黎講都係Book左一個場，可以唱K、打牌、食野咁。

一去到Nicky係咁唱K，唔知咩事。
玩層層疊Yoga輸左，要飲左果杯Nuts Coke。



坐埋一齊食飯，D餸都係麻麻地，真係賺死佢。
跟住同小Kit講講下電話，個電話壞鬼左，勁灰。

之後同佢地玩估估畫畫，都好過隱。

夜晚去左Eric屋企借部舊機用下咁，見到Eric媽，
佢岩岩去完日本番黎，請左我食朱古力。

用九秒九去追架86，好彩比我追到。

夜晚番到屋企，幫個電話叉番又冇事。

唉……走多左轉……

Willmen 散水.

Alex -> Simon -> Willmen -> ?

生活小品.

今日Lunch落去百佳入番D貨咁，
排隊比錢等左好耐，原來個收銀係個阿嬸，
好話唔好聽，真係眼又朦，耳又襲，唔怪得佢手腳咁慢。

到我前面果個阿姐比錢，
收銀阿嬸見佢一件一件散收收咁，重問佢要唔要膠袋。
比錢阿姐就串佢一句：唔用袋點拎呀!?!!?
跟住收銀阿姐就死死氣幫佢入袋。

老人百佳？

Bernard , Anisa Birthday Month.

Happy Birthday to Bernard and Anisa！！

一塌糊塗.

八達通呢個Project，
已經接近System Integration Test既尾聲，
黎緊就會進行User Acceptance Test。

Marketing Team： 問八達通呢個Project做成點？

Card Centre：問個Testing Schedule係掂？

八達通：冇人約過我地做Testing。

貴人善忘吧。

Yahoo! 拍賣.

今日第一次掟野上Yahoo拍賣，感覺有型。

羽壽司.

今日同小Kit食晚飯，諗住去板前壽司食。
點知拎左張籌，246號，但係只係叫到廿幾號，勁誇張。

於是行前小小，去果間羽壽司試下。

果然板前咁多人等係有原因，呢間羽壽司真係好普通，
唔係咁好食，但係又同板前咁上下消費。

下次都係早D去拎籌啦。

一沉不起.

都係果句，
年紀大，機器壞。

家陣打波真係渣到死……
一沉不起矣。

休息一天.

~ 小休一天 ~

永隆街.

今日行經長沙灣，見到一條永隆街。

唔知同我公司有冇關係既呢!?

大連港.

股市瘋狂上升，連升三日，恒指都摸到一萬七千點。

新股大連港今日開始招股，勁多阿姐去拎Form，
個個都拎十幾二十份，都唔知係咪真係用得晒。

環保團體話果D招股書疊起，會係三幢IFC二期咁高，
唔知有幾多個森林既樹木比人斬左落黎……

人類是大自然既殺手呢。

頓悟.

無線呢期播向世界出發，主題係羅家英去左西藏，探究一下生與死。

睇完幾集覺得果度既社會，同我地身處既社會好唔同。

佢地果度係一個藏傳佛教既社會，除左食飯，就係研究佛經。
我地呢度係一個資本主義既社會，除左食飯，就係不停搵錢。

能比較嗎？

兔子成為復活節的吉祥物的傳說.

在古代耶穌復活之日，
正值斯堪的納維亞地區居民慶祝大地回春的“春太陽節”。

作為草原、森林動物中多產動物之一的兔子，
它象徵了春天的復蘇和新生命的誕生，
同時它又是愛神阿弗洛狄特的寵物，
也是日爾曼土地女神霍爾塔的持燭引路者。

因此，現在兔子作為給孩子們送復活節雞蛋的使者，
深受孩子的寵愛。所以在復活節這一天孩子定會收到兔形禮物。

整電腦.

阿哥女朋友既電腦又壞左，呢部電腦近排成日都唔掂，
我諗都係因為年紀大、機器壞既關係。

拎番黎攪左一輪都開唔番個Windows，
唯有Back起晒D資料，幫佢重裝個Windows。

攪完一輪Windows重裝既動作，都係起唔到，
所以估計係個HardDisk壞左，所以走去買左個新既HardDisk。

之後番黎裝番個Windows就用得番，
好比心機咁幫佢Install番晒D Software，又做晒Windows Update咁。
Restart...又出現番之前既情況……

最後先試到係張Display咭既影響，又走去買張新既Display咭。

好彩最後都整番好，如果唔係就比阿哥鬧死，哈哈。

塑膠瓶無毒有毒分辨.

原來每個膠的器皿，在底部都有一個數字。

假若數字在 "05" 或以上就可以循環再用。而數字愈大愈安全。

假若細過 "05"，即 "04" 或以下，甚至沒有數字，請立刻把它丟棄，

因為它會發放有毒的化學物質，會致癌。

特別女性患上子官癌的機會也會大大提高。

請大家立刻行動，檢查家中的膠器皿，特別是膠水樽，是否安全可循環再用。

希望越小，失望越小.

一年一度既大日子，加人工兼出Bonus！！

收到既消息係個個都有人工加，恭喜恭喜！！

個人黎講，Expect左一個比較易達到既人工水位，
結果真係達到左，開心晒。

感到能成為呢兩年先出黎社會做事既一份子，
已經很幸運。

蘇氏三父子考­英文試

話說蘇荀，蘇軾,，蘇轍三父子考­英文試。

主考官問蘇軾：What is your name？
蘇軾答：I am So Sick。
主考官想：問非所答，可能是病得很嚴­重。不過始終，Fail。

到蘇轍了……
主考官問蘇轍：What is your name？
蘇轍答：I am So Cheap。
主考官大感錯愕：為何這人如此坦率！不過問非所答，Fail。

到蘇荀了……
蘇荀能pass，但其答案也令主考官莫名其妙。
蘇荀答：I am Susan。

放長假 = 開OT.

好耐之前都覺得有假放等於冇，
番五日工之不過係將五日半既工作五日做晒。

就黎截大假，所以就係復活節後請左三日，
同埋五月中請左八日假。

呢期就要做晒放假果幾日要做既野，
已經連續三日Camp飯錢……

向Bouns出發！！

加邊進化論.

邊即係BIN，我諗係解作Bearer Identifier Number。

我地Team一年都會有一兩次加Bin既Project，
加多一個Bin，即係我地會多一個Credit Card既Product。

好似最近既Mastercard Platinum Card同埋Mastercard Corporate Card，
都係今年做既Project。

由兩年前入Team到今日，加Bin既Project已經進化左好多，
由果時改幾百個Programs，到今日改幾十個Programs，
真係慳番唔少功夫。

時勢使然吧！