休息一下.

經過前幾日既趕頭趕命，今日終於可以係屋企抖下咁。

攰矣……

HKMA唔批.

日趕夜趕果個Net Credit Card Logon Project，
連UAT都唔做多轉就要上Production，真係兒戲左小小。

我又係負責番老本行，出果D Activity Log係張Statement度，
出錯左真係可大可小……

今日輪休日，敏姐十一點幾打黎話個Project唔上Production住，
因為欠HKMA一D文件，HKMA唔批我地出街。

是好是壞？

忙.

明天到我輪休，但係明天居然有四個Project關我事……

1. Net Credit Card Logon Activiy on Statement
2. Onlline Tax Payment Lucky Draw
3. Tax Loan Lucky Draw
4. E-Bill Transactions Cash Rebate

結果Camp飯錢都係走唔甩。

Willmen Last Day.

今日係Willmen既Last Day。又一名中大的撤退。

清明節.

唐代詩人杜牧

清明時節雨紛紛，

路上行人欲斷魂，

借問酒家何處有，

牧童遙指杏花村。

打波Again.

三日唔埋兩日做運動，真係好似做番個中學生咁。
個Body睇黎都開始有D態，Feel到打完波冇咁攰。
但係重係咁屎波……

阿Jo去完中東後第一日番工，
大家係度睇佢影既相，都影得好好，傻瓜DC女之后﹗

估.

今朝勁緊張，一心諗住快快脆脆放左隻湖南有色。

點知果隻野真係咁西厲，不停咁升，攪到我想用限價盤走都走唔到。

最後都要用市價直出，好彩都走得到個好價，走運是也﹗

踩單車.

年幾冇掂過單車呢樣野，今日終於有機會會一會呢個老朋友。
想當年日踩夜踩，練得一身好武功，重可以教人地踩單車添。

今日雖然只係由沙田踩入大埔，但係都有D力不從心，
一來年紀又大左，二來前幾日又打左波，所以都有D攰攰地。



兩點出發，踩到六點半先還車，以前應該個幾鐘就可以走一轉呢。

夜晚去左又一城既Dan Ryan食飯，
雖然Eric細佬話Dan Ryan同Little Italy差唔多，
但係我覺得除左D食物款式之外，Dan Ryan就細碟好多同埋冇咁好食。

有D運仔.

前幾日湖南有色果隻新股公怖結果，
睇左個Result見唔到自己個ID，都預左咁。

今日Check Account Balance重未收番D錢，
問一問同事先知應該公怖果日過數。

再Check個證券戶口先知原來自己抽中左！
即刻叫左出黎，真係謝天謝地。

十個中三個，今次真係有小小運仔。

買禮物.

今日放工同 Ivan 一齊買禮物比 Karine。

係 O2 維修部呆等一小時等拎機。

行左兆萬、家樂、潮流特區、好景。

行左兩個鐘，都係係兆萬買左。

十一點先食晚飯。

約黎約去都約唔齊人去踩單車。

攪手難當。

打波.

個幾月冇打籃球，今日再踏足球場。

雖然唔係好激烈，但係都打到個人散晒。

老爾 ……

討回公道.

前果期係朗豪坊既愛視美眼鏡幫襯，
配左兩副眼鏡又貴又唔掂，
一副就重到離晒譜，一副就勁厚。

但係只怪自己外行，比人搵左老襯。

諗住搵番個熟人攪攪個鏡片，
一搵先發現厚片果副鏡框比愛視美果間整爻左。
相熟眼鏡舖重叫我地拎個眼鏡番去叫佢賠錢。

於是我聯同阿媽落去發爛渣，
係咁Dee果條友，重越講越大聲，趕走晒佢D客。

雖然最後佢只係肯換番個框比我，
但係我同阿媽都出左啖氣，順番小小。

在此奉勸各位，唔好幫襯朗豪坊底層果間愛視美，
你比完錢之後就反轉豬肚，佢地冇專業操守可言。

點解太陽從東方升起，由西方落下？.

同地球自轉方向有關，地球係照右手定則的規律自轉，
(伸出右手去握緊的時候，手指係由西向東)，即由西向東轉，
所以住係地球東面的人會先看面太陽，而當地球轉到一定的方位時，
地球東面的人會漸轉到看不見太過的地方，所以覺得太陽好似係西邊落山咁。

太陽系的幾乎所有天體包括小行星都自轉，
而且是按照右手定則的規律自轉，
所有或者說絕大多數天體的公轉也都是右手定則。為什麼呢？

太陽系的前身是一團密雲，受某種力量驅使，使它彼此相吸，
這個吸積過程，使密度稀的逐漸變大，這就加速吸積過程。
原始太陽星雲中的質點最初處在混飩狀，橫衝直撞，逐漸把無序狀態變成有序狀態，
一方面，向心吸積聚變為太陽，另外，就使得這團氣體逐漸向扁平狀發展，
發展的過程中，勢能變成動能，最終整個轉起來了。

開始轉時，有這麼轉的，有那麼轉的，在某一個方向占上風之後，
都變成了一個方向，這個方向就是現在發現的右手定則，
也許有其他太陽系是左手定則，但在我們這個太陽系是右手定則。

地球自轉的能量來源就是由物質勢能最後變成動能所致，
最終是地球一方面公轉，一方面自轉。

(唔明？慢慢就會明多D架喇。)

新同事.

今日黎左個新同事，健夫。

跟QA Team，勁高大。

大家自我介紹一番。

應該會做得長掛。

買樓.

西九豪宅君匯港係旺角新世紀廣場設置示範單位，
好多經紀係Ground Floor度拉客，阻Q住晒條路。

同小Kit行過都比人叫上去睇下個示範單位，
唔知佢係覺得我地禾旱蓋珍珠，
定係無聊得滯想搵人陪下咁。

我地梗係話唔洗啦，心諗有錢都唔買君匯港，哈哈！

死神來了.

死神來了第3集係電影院上影。

明珠台就播番第一集死神來了。

可以用噁心黎形容，血肉模糊。

好多驚嚇位，拍得好出色。

因為有續集既關係，冇左個結局。

九鐵月票 vs 叉雞飯.

一位係東鐵做既舊同學話我知既，佢話有個十九歲既女同事剛入職，
冇工作經驗，亦冇乜做人處世經驗，唔多識應付d人客，但為人好率直天真。

一日，有個阿嬸走黎問個女仔「東鐵」月票同「馬鐵」月票有乜分別，
點 解「東鐵」月票貴咁多。

女仔就答，「東鐵」月票可以係「東鐵」同「馬鐵」既任何一個站上落車。
而「馬鐵」月票就一定要係「馬鐵」上車 +「東鐵」落車，
或「東鐵」上車 +「馬鐵」落車；唔可以係「馬鐵」上車 +「馬鐵」落車，
或「東鐵」上車 +「東鐵」落車。

阿嬸聽完完全唔明，連我都覺得真係幾複雜。個女仔開始冇耐性，
就同個阿嬸講：「『馬鐵』月票即係一定要食「叉雞飯」，一係叉燒併雞，
一係雞併叉燒；『東鐵』月票就點併都得！叉雞又得，淨叉燒又得，
淨雞又得，明冇？」

呢件事好多東鐵馬鐵同事都知，唔係個後生女四圍同人講，
而係個阿嬸竟然寫左封信去表揚佢，讚佢夠醒目！

(雖然個女仔比人表揚，但係佢都講錯左比阿嬸知，
馬鐵月票可以係「馬鐵」上車 +「馬鐵」落車，所以叉雞飯之說未免有漏洞。)

八點鐘，有骨氣.

兩年冇見既大偉約我地食飯，揀左去銅鑼灣謝菲道果間。

節錄 ICQ 蝦碌對白 ……
(11:06:39) 大衛: "八點鐘,有骨氣"?
(11:14:39) 詩偉: 八點半LA~
(11:14:52) 詩偉: 八點先係MTR STATION
(11:15:19) 大衛: 你有冇睇黑社會?
(11:16:02) 大衛: "八點鐘,有骨氣" 係套戲既金句
(11:17:29) 詩偉: 哈哈~~冇呀~SORRY AR~九唔搭八TIM
(11:17:33) 詩偉: OUT 晒
(11:17:57) 大衛: haha...咁照舊八點tst mtr等, 一齊去

阿彼，Eric 同 Karine 去鬼左跑馬地果間白撞 ……



冇野搵野玩，玩唧唧魚麵，射到周圍係 ……

Nicky 望住架電視，很自我 ……

大家都係吹水多過茶 ……

溝通.

其實人天生有口同耳就已經可以好好咁溝通。

溝通由三樣基本原素組成，發送者、訊息、接收者。

但係以下就係幾個例外既事件：
事件一：
同事 A：果個咩已經係果度行左
同事 B : ……
事件二：
同事 A：User 話佢地咩左呀麻
同事 B : ……

有自己同自己講野既發送者同事A，
有講左等於冇講既訊息，
有一頭霧水既接收者同事B，
但係就完全溝通唔到 …… 感覺上好難同A同事溝通呢。

Third Party.

呢期我地Team要同Visa做Cert Test。

大家都討論得面紅耳熱。

感覺上只係合作做一件事，而唔係做好件事。

社會 ……